राष्ट्रीय दृष्टिहीन संघ महाराष्ट्रातर्फे आदर्श व गुणवंत शिक्षकांचा गौरव; तीर्थपुरीचे गोविंद डोंगरे यांना आदर्श शिक्षक पुरस्कार राष्ट्रीय दृष्टिहीन संघ महाराष्ट्रातर्फे आदर्श व गुणवंत शिक्षकांचा गौरव; तीर्थपुरीचे गोविंद डोंगरे यांना आदर्श शिक्षक पुरस्कार घनसावंगी प्रतिनिधी दृष्टिहीनतेवर मात करून सामान्य विद्यार्थ्यांना शिक्षणाचे धडे देणाऱ्या शिक्षकांच्या कार्याचा गौरव करण्यासाठी राष्ट्रीय दृष्टिहीन संघ महाराष्ट्राच्यावतीने आदर्श व गुणवंत शिक्षक पुरस्कार सोहळ्याचे आयोजन करण्यात आले. यावेळी महाराष्ट्रातील विविध सामान्य शाळांमध्ये कार्यरत असलेल्या गुणवंत दृष्टिहीन शिक्षकांचा गौरव करण्यात आला. राष्ट्रीय दृष्टिहीन संघ महाराष्ट्र ही संस्था गेल्या ५० वर्षांपासून अंध व दृष्टिहीन व्यक्तींच्या शिक्षण, प्रशिक्षण, रोजगार आणि सामाजिक पुनर्वसनासाठी कार्यरत आहे. आळंदी येथील जागृती अंध कन्या विद्यालय, नाशिक येथील कैलासवासी प्रा. रकिबे ट्रेनिंग सेंटर तसेच छत्रपती संभाजीनगर येथील अंध मुलींची कार्यशाळा यांसह विविध उपक्रम संस्थेमार्फत राबविले जातात. शिक्षकांची निवड त्यांच्या शैक्षणिक कार्याची गुणवत्ता, विद्यार्थ्यांप्रती असलेली बांधिलकी आणि समाजासाठी दिलेले योगदान या निकषांच्या आधारे करण्यात येते. यावर्षी तीर्थपुरी (ता. घनसावंगी) येथील जिल्हा परिषद हायस्कूलचे शिक्षक गोविंद काशिनाथ डोंगरे यांना आदर्श शिक्षक पुरस्कार प्रदान करण्यात आला. “दृष्टिहीन असलो तरी ज्ञानदान थांबविले नाही” — गोविंद डोंगरे आदर्श शिक्षक पुरस्कार स्वीकारताना गोविंद डोंगरे यांनी आपल्या भावना व्यक्त केल्या. “मी दृष्टिहीन असलो तरी सामान्य मुलांना ज्ञानदान करण्याचे कार्य करीत आहे. विद्यार्थ्यांच्या आयुष्यात शिक्षणाच्या माध्यमातून सकारात्मक बदल घडविणे, हेच माझ्यासाठी समाधानाचे आहे,” असे त्यांनी सांगितले.

पत्रकार ओमप्रकाश उढाण

घनसावंगी, जालना, महाराष्ट्र•

1 day ago

राष्ट्रीय दृष्टिहीन संघ महाराष्ट्रातर्फे आदर्श व गुणवंत शिक्षकांचा गौरव; तीर्थपुरीचे गोविंद डोंगरे यांना आदर्श शिक्षक पुरस्कार राष्ट्रीय दृष्टिहीन संघ महाराष्ट्रातर्फे आदर्श व गुणवंत शिक्षकांचा गौरव; तीर्थपुरीचे गोविंद डोंगरे यांना आदर्श शिक्षक पुरस्कार घनसावंगी प्रतिनिधी दृष्टिहीनतेवर मात करून सामान्य विद्यार्थ्यांना शिक्षणाचे धडे देणाऱ्या शिक्षकांच्या कार्याचा गौरव करण्यासाठी राष्ट्रीय दृष्टिहीन संघ महाराष्ट्राच्यावतीने आदर्श व गुणवंत शिक्षक पुरस्कार सोहळ्याचे आयोजन करण्यात आले. यावेळी महाराष्ट्रातील विविध सामान्य शाळांमध्ये कार्यरत असलेल्या गुणवंत दृष्टिहीन शिक्षकांचा गौरव करण्यात आला. राष्ट्रीय दृष्टिहीन संघ महाराष्ट्र ही संस्था गेल्या ५० वर्षांपासून अंध व दृष्टिहीन व्यक्तींच्या शिक्षण, प्रशिक्षण, रोजगार आणि सामाजिक पुनर्वसनासाठी कार्यरत आहे. आळंदी येथील जागृती अंध कन्या विद्यालय, नाशिक येथील कैलासवासी प्रा. रकिबे ट्रेनिंग सेंटर तसेच छत्रपती संभाजीनगर येथील अंध मुलींची कार्यशाळा यांसह विविध उपक्रम संस्थेमार्फत राबविले जातात. शिक्षकांची निवड त्यांच्या शैक्षणिक कार्याची गुणवत्ता, विद्यार्थ्यांप्रती असलेली बांधिलकी आणि समाजासाठी दिलेले योगदान या निकषांच्या आधारे करण्यात येते. यावर्षी तीर्थपुरी (ता. घनसावंगी) येथील जिल्हा परिषद हायस्कूलचे शिक्षक गोविंद काशिनाथ डोंगरे यांना आदर्श शिक्षक पुरस्कार प्रदान करण्यात आला. “दृष्टिहीन असलो तरी ज्ञानदान थांबविले नाही” — गोविंद डोंगरे आदर्श शिक्षक पुरस्कार स्वीकारताना गोविंद डोंगरे यांनी आपल्या भावना व्यक्त केल्या. “मी दृष्टिहीन असलो तरी सामान्य मुलांना ज्ञानदान करण्याचे कार्य करीत आहे. विद्यार्थ्यांच्या आयुष्यात शिक्षणाच्या माध्यमातून सकारात्मक बदल घडविणे, हेच माझ्यासाठी समाधानाचे आहे,” असे त्यांनी सांगितले.