విశాఖపట్నం, గాజువాకలో జరిగిన ఆర్టీసీ బస్సు ప్రమాదంలో గాయపడిన బాధితులను రవాణా శాఖ మంత్రి మండిపల్లి రాంప్రసాద్ రెడ్డి ఆదివారం ఆసుపత్రిలో పరామర్శించారు. ఈ సందర్భంగా ఆయన క్షతగాత్రుల ఆరోగ్య పరిస్థితిని వైద్యులను అడిగి తెలుసుకుని, వారికి అత్యుత్తమ వైద్య సేవలు అందించాలని అధికారులను ఆదేశించారు. అంతేకాకుండా, మంత్రి ఈ ప్రమాదంలో మృతి చెందిన వారి కుటుంబాలకు ప్రగాఢ సానుభూతి తెలియజేస్తూ, వారికి ₹5 లక్షల ఎక్స్‌గ్రేషియా అందజేయనున్నట్లు ప్రకటించారు.

ఆంధ్రప్రదేశ్ రైతు సంఘం పార్వతీపురం మన్యం జిల్లా కమిటీ పిలుపు మేరకు, జూన్ 8వ తేదీన జిల్లా కలెక్టర్ కార్యాలయం వద్ద ధర్నా నిర్వహించనున్నారు. పాలకొండలోని సీఐటీయూ కార్యాలయంలో జరిగిన విలేకరుల సమావేశంలో, ఆంధ్రప్రదేశ్ రైతు సంఘం జిల్లా ప్రధాన కార్యదర్శి బంటు దాసు మరియు అభ్యుదయ రైతు సంఘం సీనియర్ నాయకులు ఖండాపు ప్రసాదరావు మాట్లాడుతూ, 2026-27 బడ్జెట్‌లో పార్వతీపురం మన్యం జిల్లా సాగునీటి ప్రాజెక్టులకు రాష్ట్ర ప్రభుత్వం ఒక్క రూపాయి కూడా కేటాయించలేదని తీవ్రంగా మండిపడ్డారు. జిల్లాకు జరుగుతున్న అన్యాయంపై చంద్రబాబును నిలదీయకుండా, జిల్లా ఎమ్మెల్యేలు అధికారులపై నిందలు వేస్తున్నారని నాయకులు ఆరోపించారు. ఇది రైతు ప్రజల ప్రభుత్వం కాదని, కార్పొరేట్లకు వేల కోట్లు విలువ చేసే ప్రజల భూమిని దఖలు పరచడం, రాయితీలు ఇవ్వడమే చంద్రబాబు పని అని విమర్శించారు. వంద రోజుల్లో భూ సర్వే లోపాలను సరిచేస్తామని రైతులకు ఉత్తుత్తి కబుర్లు చెప్పి మోసం చేస్తున్నారని, ఇది వారి పాలకుల తీరని పేర్కొన్నారు. గత ఐదేళ్లు మరియు ప్రస్తుతం రెండేళ్లుగా అధికారంలో ఉన్న చంద్రబాబు నాయుడు తోటపల్లి పెద్దగడ్డ నిర్వాసితుల పునరావాసానికి రూపాయి కూడా కేటాయించలేదని, మోసం చేయడమే వారి వంతని, మోసపోవడం మన వంతు కారాదని స్పష్టం చేశారు. గత సంవత్సరంలో పాలకొండ ప్రాంత రైతులు ఆర్‌డీవో కార్యాలయం వద్ద నిర్వహించిన ఆందోళనలు, సభలు కలెక్టరు జోక్యం, ఇరిగేషన్ అధికారులతో జాయింట్ సమావేశాలకు మాత్రమే పరిమితమయ్యాయని, తోటపల్లి ఎడమ కాలువ మరమ్మతులు, లస్కర్ నియమించడం వంటి హామీలు నేటికీ పరిష్కారం కాలేదని నాయకులు గుర్తు చేశారు. తమ పంటలకు మద్దతు ధరలు పెంచాలని, జిల్లాకు నిధులు కేటాయించి సాగునీటి ప్రాజెక్టుల నిర్మాణం పూర్తి చేయాలని, ముఖ్యంగా తోటపల్లి ఎడమ కాలువ ఆధునీకరణ మరియు జంపర్ కోట నిర్మాణం పూర్తి చేయాలని వారు డిమాండ్ చేశారు. ఈ డిమాండ్ల సాధనకై జూన్ 8వ తేదీన జిల్లా కలెక్టరేట్ కార్యాలయం వద్ద జరిగే ధర్నాలో రైతులంతా ఐక్య పోరాటాలకు సిద్ధం కావాలని వారు విజ్ఞప్తి చేశారు.

😭🙏

రాష్ట్ర ఎస్టీ కమిషన్ చైర్మన్ సోళ్ళ బొజ్జిరెడ్డి ఆధ్వర్యంలో శనివారం రంపచోడవరం ఎస్టీ కమిషన్ క్యాంపు కార్యాలయంలో గిరిజనుల సమస్యల పరిష్కారం కోసం గ్రీవెన్స్ కార్యక్రమం నిర్వహించారు. ఈ సందర్భంగా, మారుమూల గ్రామాల్లోని మౌలిక సదుపాయాల కల్పన, ఉపాధి తదితర సమస్యలను అధికారులతో సమన్వయం చేసుకుని, నిబంధనల ప్రకారం పరిష్కరిస్తామని ఆయన హామీ ఇచ్చారు. ఈ కార్యక్రమంలో పోలవరం ప్రాజెక్టు ముంపు గ్రామాలైన మంటూర్, మడిపల్లి ప్రాంతాలకు చెందిన బాధితులు తమకు ఆర్ అండ్ ఆర్ ప్యాకేజీతో పాటు, భూమికి బదులు భూమి ఇవ్వాలని కోరుతూ కమిషన్‌కు దరఖాస్తులు సమర్పించారు. ఎస్టీ కమిషన్ సభ్యులతో పాటు ఇతర గిరిజన సంక్షేమ శాఖ అధికారులు కూడా ఈ కార్యక్రమంలో పాల్గొన్నారు. ఎస్టీ కమిషన్ చైర్మన్ బొజ్జిరెడ్డి గిరిజనుల సమస్యలను పరిష్కరిస్తామని పునరుద్ఘాటించారు.

రాష్ట్ర ఎస్టీ కమిషన్ చైర్మన్, క్యాబినెట్ హోదా కలిగిన గౌరవ శ్రీ సోళ్ల బొజ్జిరెడ్డి పోలవరం జిల్లా అధికారులతో నిర్వహించ తలపెట్టిన ఆర్&ఆర్, రెవెన్యూ శాఖల సమీక్షా సమావేశానికి అధికారులు సమయానికి హాజరుకాకపోవడం తీవ్ర వివాదానికి దారితీసింది. రంపచోడవరం ఐ. టి డి.ఎ అధికారులు ఆలస్యంగా వచ్చారు. వారం రోజుల ముందే చైర్మన్ పర్యటన, సమీక్షా సమావేశం షెడ్యూల్ జిల్లా యంత్రాంగానికి అధికారికంగా అందినప్పటికీ, సోమవారం ఉదయం 10:30 గంటలకు చైర్మన్ సోళ్ల బొజ్జిరెడ్డి తన కమిషన్ సభ్యులతో సమావేశ మందిరానికి చేరుకున్నారు. కానీ కీలక శాఖల అధికారులు మధ్యాహ్నం 12 గంటలు దాటినా హాజరుకాలేదు. దీంతో చైర్మన్ దాదాపు రెండు గంటల పాటు వేచి ఉండాల్సి వచ్చింది. ఈ ఘటనపై గిరిజన సంఘాలు తీవ్ర ఆగ్రహం వ్యక్తం చేస్తూ, ఇది గిరిజనుల పట్ల చిన్నచూపు కాదా అని ప్రశ్నించాయి. క్యాబినెట్ హోదా ఉన్న ఎస్టీ కమిషన్ చైర్మన్‌కే అధికారులు ఇంత నిర్లక్ష్యంగా వ్యవహరిస్తే, ఒక సాధారణ గిరిజనుడు 50 కి.మీ దూరం నుంచి తన సమస్య చెప్పుకోవడానికి వస్తే వారి పరిస్థితి ఏంటని గిరిజన నాయకులు ఆందోళన వ్యక్తం చేశారు. మరోవైపు, ఆర్&ఆర్ ప్యాకేజీ అమలు, పునరావాస కాలనీల్లో మౌలిక వసతులు, భూసేకరణ నష్టపరిహారంపై జరగాల్సిన సమీక్షలో అవినీతి, నిర్లక్ష్యం బయటపడుతుందనే భయంతోనే అధికారులు ఉద్దేశపూర్వకంగా సమావేశానికి డుమ్మా కొట్టారనే ఆరోపణలు కూడా వినిపిస్తున్నాయి. సమయపాలన పాటించని అధికారుల తీరుపై చైర్మన్ సోళ్ల బొజ్జిరెడ్డి తీవ్ర అసహనం వ్యక్తం చేశారు. రాజ్యాంగబద్ధ సంస్థకు ఇవ్వాల్సిన గౌరవం ఇదేనా అని ప్రశ్నించిన ఆయన, గిరిజనుల సమస్యలపై చర్చించే సమావేశానికే అధికారులు రాకపోతే, క్షేత్రస్థాయిలో పరిస్థితి ఎలా ఉంటుందో అర్థం చేసుకోవచ్చని వ్యాఖ్యానించారు. నిర్ణీత సమయానికి హాజరుకాని అధికారులపై క్రమశిక్షణ చర్యలు తీసుకోవాలని, ఆర్&ఆర్ అంశంపై ప్రత్యేక విచారణ జరపాలని ఎస్టీ కమిషన్‌ను గిరిజన సంఘాలు కోరుతున్నాయి. ఈ ఘటనపై ప్రభుత్వ ప్రధాన కార్యదర్శికి నివేదిక పంపనున్నట్లు కమిషన్ వర్గాలు తెలిపాయి. ఒక క్యాబినెట్ హోదా కలిగిన కమిషన్ చైర్మన్‌కే అధికారులు విలువ ఇవ్వకపోతే, సామాన్య గిరిజనుడి గోడు వినేదెవరు అనే ప్రశ్న ఇప్పుడు జిల్లా వ్యాప్తంగా చర్చనీయాంశంగా మారింది.

😭🙏

😭🙏

తెలంగాణలోని ఒక చిన్న పట్టణంలో, మసాలా దోసెలను ఎంతగానో ఇష్టపడే ఒక ప్రత్యేకమైన ఎద్దు ఉంది. ఈ ఎద్దు ప్రతిరోజూ ఉదయం ఒక నిర్దిష్ట సమయానికి ఒక దోసె బండి దగ్గరకు తన అల్పాహారం కోసం వస్తుంది. ఆ దోసె బండి యజమాని ఎద్దుకు మంచి స్నేహితుడు. అతను ప్రేమతో ఆ ఎద్దు కోసం కారం లేకుండా, ఆలుగడ్డ మసాలాతో ప్రత్యేకంగా రెండు దోసెలు తయారు చేస్తాడు. దోసెలు సిద్ధమయ్యే వరకు ఎంతో ఓర్పుగా ఎదురుచూసే ఆ ఎద్దుకు, యజమాని వాటిని ఫ్యాన్ కింద చల్లబరచి, తన స్నేహితుడైన ఎద్దుకు స్వయంగా తినిపిస్తాడు. ఈ అరుదైన, అందమైన అనుబంధం ఎన్నో సంవత్సరాలుగా నిరంతరం కొనసాగుతోంది.

😭🙏

🙏😭