రాష్ట్ర ఎస్టీ కమిషన్ చైర్మన్, క్యాబినెట్ హోదా కలిగిన గౌరవ శ్రీ సోళ్ల బొజ్జిరెడ్డి పోలవరం జిల్లా అధికారులతో నిర్వహించ తలపెట్టిన ఆర్&ఆర్, రెవెన్యూ శాఖల సమీక్షా సమావేశానికి అధికారులు సమయానికి హాజరుకాకపోవడం తీవ్ర వివాదానికి దారితీసింది. రంపచోడవరం ఐ. టి డి.ఎ అధికారులు ఆలస్యంగా వచ్చారు. వారం రోజుల ముందే చైర్మన్ పర్యటన, సమీక్షా సమావేశం షెడ్యూల్ జిల్లా యంత్రాంగానికి అధికారికంగా అందినప్పటికీ, సోమవారం ఉదయం 10:30 గంటలకు చైర్మన్ సోళ్ల బొజ్జిరెడ్డి తన కమిషన్ సభ్యులతో సమావేశ మందిరానికి చేరుకున్నారు. కానీ కీలక శాఖల అధికారులు మధ్యాహ్నం 12 గంటలు దాటినా హాజరుకాలేదు. దీంతో చైర్మన్ దాదాపు రెండు గంటల పాటు వేచి ఉండాల్సి వచ్చింది. ఈ ఘటనపై గిరిజన సంఘాలు తీవ్ర ఆగ్రహం వ్యక్తం చేస్తూ, ఇది గిరిజనుల పట్ల చిన్నచూపు కాదా అని ప్రశ్నించాయి. క్యాబినెట్ హోదా ఉన్న ఎస్టీ కమిషన్ చైర్మన్‌కే అధికారులు ఇంత నిర్లక్ష్యంగా వ్యవహరిస్తే, ఒక సాధారణ గిరిజనుడు 50 కి.మీ దూరం నుంచి తన సమస్య చెప్పుకోవడానికి వస్తే వారి పరిస్థితి ఏంటని గిరిజన నాయకులు ఆందోళన వ్యక్తం చేశారు. మరోవైపు, ఆర్&ఆర్ ప్యాకేజీ అమలు, పునరావాస కాలనీల్లో మౌలిక వసతులు, భూసేకరణ నష్టపరిహారంపై జరగాల్సిన సమీక్షలో అవినీతి, నిర్లక్ష్యం బయటపడుతుందనే భయంతోనే అధికారులు ఉద్దేశపూర్వకంగా సమావేశానికి డుమ్మా కొట్టారనే ఆరోపణలు కూడా వినిపిస్తున్నాయి. సమయపాలన పాటించని అధికారుల తీరుపై చైర్మన్ సోళ్ల బొజ్జిరెడ్డి తీవ్ర అసహనం వ్యక్తం చేశారు. రాజ్యాంగబద్ధ సంస్థకు ఇవ్వాల్సిన గౌరవం ఇదేనా అని ప్రశ్నించిన ఆయన, గిరిజనుల సమస్యలపై చర్చించే సమావేశానికే అధికారులు రాకపోతే, క్షేత్రస్థాయిలో పరిస్థితి ఎలా ఉంటుందో అర్థం చేసుకోవచ్చని వ్యాఖ్యానించారు. నిర్ణీత సమయానికి హాజరుకాని అధికారులపై క్రమశిక్షణ చర్యలు తీసుకోవాలని, ఆర్&ఆర్ అంశంపై ప్రత్యేక విచారణ జరపాలని ఎస్టీ కమిషన్‌ను గిరిజన సంఘాలు కోరుతున్నాయి. ఈ ఘటనపై ప్రభుత్వ ప్రధాన కార్యదర్శికి నివేదిక పంపనున్నట్లు కమిషన్ వర్గాలు తెలిపాయి. ఒక క్యాబినెట్ హోదా కలిగిన కమిషన్ చైర్మన్‌కే అధికారులు విలువ ఇవ్వకపోతే, సామాన్య గిరిజనుడి గోడు వినేదెవరు అనే ప్రశ్న ఇప్పుడు జిల్లా వ్యాప్తంగా చర్చనీయాంశంగా మారింది.

KONDLA SIVASANKAR REDDY

Local News Reporter పాతకోట•

4 hrs ago

రాష్ట్ర ఎస్టీ కమిషన్ చైర్మన్, క్యాబినెట్ హోదా కలిగిన గౌరవ శ్రీ సోళ్ల బొజ్జిరెడ్డి పోలవరం జిల్లా అధికారులతో నిర్వహించ తలపెట్టిన ఆర్&ఆర్, రెవెన్యూ శాఖల సమీక్షా సమావేశానికి అధికారులు సమయానికి హాజరుకాకపోవడం తీవ్ర వివాదానికి దారితీసింది. రంపచోడవరం ఐ. టి డి.ఎ అధికారులు ఆలస్యంగా వచ్చారు. వారం రోజుల ముందే చైర్మన్ పర్యటన, సమీక్షా సమావేశం షెడ్యూల్ జిల్లా యంత్రాంగానికి అధికారికంగా అందినప్పటికీ, సోమవారం ఉదయం 10:30 గంటలకు చైర్మన్ సోళ్ల బొజ్జిరెడ్డి తన కమిషన్ సభ్యులతో సమావేశ మందిరానికి చేరుకున్నారు. కానీ కీలక శాఖల అధికారులు మధ్యాహ్నం 12 గంటలు దాటినా హాజరుకాలేదు. దీంతో చైర్మన్ దాదాపు రెండు గంటల పాటు వేచి ఉండాల్సి వచ్చింది. ఈ ఘటనపై గిరిజన సంఘాలు తీవ్ర ఆగ్రహం వ్యక్తం చేస్తూ, ఇది గిరిజనుల పట్ల చిన్నచూపు కాదా అని ప్రశ్నించాయి. క్యాబినెట్ హోదా ఉన్న ఎస్టీ కమిషన్ చైర్మన్‌కే అధికారులు ఇంత నిర్లక్ష్యంగా వ్యవహరిస్తే, ఒక సాధారణ గిరిజనుడు 50 కి.మీ దూరం నుంచి తన సమస్య చెప్పుకోవడానికి వస్తే వారి పరిస్థితి ఏంటని గిరిజన నాయకులు ఆందోళన వ్యక్తం చేశారు. మరోవైపు, ఆర్&ఆర్ ప్యాకేజీ అమలు, పునరావాస కాలనీల్లో మౌలిక వసతులు, భూసేకరణ నష్టపరిహారంపై జరగాల్సిన సమీక్షలో అవినీతి, నిర్లక్ష్యం బయటపడుతుందనే భయంతోనే అధికారులు ఉద్దేశపూర్వకంగా సమావేశానికి డుమ్మా కొట్టారనే ఆరోపణలు కూడా వినిపిస్తున్నాయి. సమయపాలన పాటించని అధికారుల తీరుపై చైర్మన్ సోళ్ల బొజ్జిరెడ్డి తీవ్ర అసహనం వ్యక్తం చేశారు. రాజ్యాంగబద్ధ సంస్థకు ఇవ్వాల్సిన గౌరవం ఇదేనా అని ప్రశ్నించిన ఆయన, గిరిజనుల సమస్యలపై చర్చించే సమావేశానికే అధికారులు రాకపోతే, క్షేత్రస్థాయిలో పరిస్థితి ఎలా ఉంటుందో అర్థం చేసుకోవచ్చని వ్యాఖ్యానించారు. నిర్ణీత సమయానికి హాజరుకాని అధికారులపై క్రమశిక్షణ చర్యలు తీసుకోవాలని, ఆర్&ఆర్ అంశంపై ప్రత్యేక విచారణ జరపాలని ఎస్టీ కమిషన్‌ను గిరిజన సంఘాలు కోరుతున్నాయి. ఈ ఘటనపై ప్రభుత్వ ప్రధాన కార్యదర్శికి నివేదిక పంపనున్నట్లు కమిషన్ వర్గాలు తెలిపాయి. ఒక క్యాబినెట్ హోదా కలిగిన కమిషన్ చైర్మన్‌కే అధికారులు విలువ ఇవ్వకపోతే, సామాన్య గిరిజనుడి గోడు వినేదెవరు అనే ప్రశ్న ఇప్పుడు జిల్లా వ్యాప్తంగా చర్చనీయాంశంగా మారింది.