दिल्लीत वातावरण चिघळले असून पोलिसांनी विद्यार्थ्यांवर लाठीचार्ज केला आहे. पोलिसांनी थेट विद्यार्थ्यांवर लाठीमार केल्यामुळे येथील वातावरण अधिकच बिघडले आहे.

महाराष्ट्र ही संतांची, विचारांची आणि संशोधकांची भूमी म्हणून जगभर ओळखली जाते. आपल्या पूर्वजांनी, थोर विचारवंतांनी आणि संतांनी दिलेला ज्ञानाचा अनमोल ठेवा केवळ जपणं नव्हे, तर पुढच्या पिढीकडे सुरक्षितपणे सोपवणं गरजेचं आहे, अशी माहिती उपमुख्यमंत्री एकनाथ शिंदे यांनी दिली आहे. यासाठीच 'ज्ञानभारतम्' हे राष्ट्रीय हस्तलिखित सर्वेक्षण अभियान सुरू करण्यात आले असून, हा अनमोल ठेवा जतन करण्याची ही एक मोठी मोहीम आहे. या अभियानांतर्गत ७५ वर्षांपूर्वीची हाताने लिहिलेली जुनी पुस्तके किंवा ग्रंथ, मग ती कोणत्याही भाषेत किंवा लिपीत असो, त्यांचे जतन आणि संगणकीकरण (Digitization) केले जाणार आहे. यामध्ये अध्यात्म, आयुर्वेद, गणित, खगोलशास्त्र, भूगोल किंवा नाट्यशास्त्र अशा कोणत्याही विषयावरील ज्ञानाचा समावेश आहे. हे साहित्य कागदावर, कापडावर, भूर्जपत्रावर किंवा ताम्रपटावर लिहिलेले असले, तरी या अभियानात त्याचा स्वीकार केला जाणार आहे. एकनाथ शिंदे यांनी स्पष्ट केले की, हे साहित्य सरकार जमा करून घेणार नाही, तर या हस्तलिखितांची मालकी मूळ मालकाचीच राहणार आहे. शासन स्वतःच्या खर्चाने या मौल्यवान साहित्याचे जतन करणार असून त्याचे संगणकीकरण करून देणार आहे. त्यामुळे नागरिकांनी आपल्या घरात, संग्रहात किंवा मंदिर, मठ, आश्रम व ग्रंथालयांमध्ये असलेला ऐतिहासिक ज्ञानाचा ठेवा या अभियानात नोंदवून पुढच्या पिढीसाठी जतन करावा, असे आवाहन त्यांनी केले आहे.

दिल्लीच्या जंतर-मंतरवरील आंदोलनादरम्यान झालेला लाठीचार्ज आणि त्यात आंदोलक जखमी झाल्याच्या घटनांमुळे देशात मत मांडणाऱ्यांचा आवाज ऐकला जात आहे की तो दाबला जात आहे, हा गंभीर प्रश्न पुन्हा एकदा उपस्थित झाला आहे. भारतीय संविधानाने प्रत्येक नागरिकाला शांततेच्या मार्गाने आंदोलन करण्याचा अधिकार दिला आहे. मात्र, जेव्हा आंदोलने रोखली जातात, आंदोलकांवर लाठीचार्ज केला जातो किंवा विरोधी मतांबाबत चिंता व्यक्त केली जाते, तेव्हा नागरिकांच्या मनात भारत लोकशाही अधिक मजबूत करत आहे की हुकूमशाहीकडे वाटचाल करत आहे, अशी शंका निर्माण होते. विरोधी मत ऐकणे, संवाद साधणे आणि संविधानाचा सन्मान राखणे हीच लोकशाहीची खरी ताकद आहे.

नॅशनल हायवे ९६५जी (NH 965G) वर काल झालेल्या एका भीषण रस्ता अपघातात शेगाव येथील स्थानिक नागरिक श्री. राहुल शिंदे यांचा दुर्दैवी मृत्यू झाला. या नाहक बळीमुळे आज शेगावमधील सर्व ग्रामस्थांचा संताप अनावर झाला आणि शेकडो नागरिक रस्त्यावर उतरले. 'ओम साई प्रतिष्ठान, शेगाव' आणि 'शिवसेना, जत तालुका' यांच्या नेतृत्वाखाली पुकारलेल्या या आंदोलनामुळे महामार्गावरील वाहतूक तब्बल २ ते ३ तास पूर्णपणे ठप्प झाली होती. या महामार्गावरील अपघातप्रवण क्षेत्राबाबत आज मुख्य अभियंता आणि प्रशासन यांची सविस्तर बैठक होणार होती. परंतु, तत्पूर्वीच काल झालेल्या अपघातात राहुल शिंदे यांना आपला जीव गमवावा लागल्याने ग्रामस्थ प्रचंड आक्रमक झाले. जोपर्यंत ठोस निर्णय होत नाही, तोपर्यंत मागे हटणार नाही, अशी आक्रमक भूमिका घेत ग्रामस्थांनी महामार्ग रोखून धरला होता. परिस्थितीचे गांभीर्य ओळखून राष्ट्रीय महामार्ग अभियंता खालीद सलीम शेख आणि पोलीस प्रशासनाने तातडीने आंदोलनस्थळी धाव घेतली. आंदोलकांच्या तीव्र भावना लक्षात घेऊन त्यांनी ग्रामस्थांशी सकारात्मक चर्चा केली. यावेळी माननीय प्रांत अधिकाऱ्यांनी फोनवरून संपर्क साधून आठवडाभरात गतिरोधकाचे काम पूर्ण करण्याचे थेट आदेश दिले. महामार्ग अभियंता खालीद सलीम शेख यांनी येत्या ८ दिवसांत अपघातप्रवण ठिकाणी स्पीड ब्रेकर बसवण्याचे लेखी आश्वासन दिले. प्रशासनाने तातडीने कारवाईचे आश्वासन दिल्यामुळे ग्रामस्थांनी आंदोलन मागे घेतले असले, तरी दिलेल्या मुदतीत काम पूर्ण न झाल्यास पुन्हा तीव्र आंदोलनाचा इशारा दिला आहे.

सिंधुदुर्ग जिल्ह्यातील कुडाळ तालुक्यातील माणगाव येथील श्रीदेवी यक्षिणी दशावतार नाट्य मंडळाचा वर्ष २०२६-२७ साठीचा नवीन कलाकार संच तयार करण्यात आला आहे. या आगामी कालावधीसाठी दशावतार नाट्य मंडळाने आपला हा नवीन कलाकारांचा संच आणला आहे.

सिंधुदुर्ग जिल्ह्यातील कुडाळमधून सोनम वांगचुक आणि अभिजित दिपके यांच्या आंदोलनाला पाठिंबा देण्यात आला आहे. या आंदोलनाला पाठिंबा दर्शवत कुडाळमधून त्यांचे समर्थन करण्यात आले आहे.

नीट परीक्षेच्या 'पेपरफुटी'च्या गंभीर प्रकरणांविरोधात आणि केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी सोनम वांगचुक आणि अभिजीत दिपके यांनी सुरू केलेल्या आंदोलनाला जाहीर पाठिंबा देण्यासाठी कुडाळ हायस्कूलसमोर 'एक सही विद्यार्थ्यांच्या उज्ज्वल भविष्यासाठी' या विशेष स्वाक्षरी मोहिमेचे आयोजन करण्यात आले होते. ठाकरे युवासेनेतर्फे आयोजित करण्यात आलेल्या या मोहिमेला विद्यार्थी आणि पालकांनी मोठ्या संख्येने उपस्थित राहून आपला पाठिंबा दर्शवला.

कल्याण ज्वेलर्सच्या बारामती येथील शोरूमच्या उद्घाटनासाठी अभिनेत्री तब्बू बारामतीत आली आहे.

महाराष्ट्रात विद्यार्थ्यांच्या न्याय आणि हक्कासाठी थेट मंत्रालयावर धडक मारण्याची घोषणा करण्यात आली आहे. विद्यार्थ्यांच्या विविध प्रश्नांना वाचा फोडण्यासाठी आणि त्यांना न्याय मिळवून देण्यासाठी हे आंदोलन केले जाणार असून, या आंदोलनाबाबत रविराज साबळे यांनी आपली आक्रमक भूमिका मांडली आहे.