राज्य शासनाकडून दरवर्षी ३१ मे रोजी पुण्यश्लोक अहिल्यादेवी होळकर यांच्या जयंतीनिमित्त प्रत्येक ग्रामपंचायतीमध्ये गावातील दोन कर्तबगार महिलांना 'पुण्यश्लोक अहिल्यादेवी होळकर महिला सन्मान पुरस्कार' देऊन सन्मानित करण्याचा उपक्रम राबवण्यात येतो. ९ मे २०२३ च्या शासकीय निर्णयानुसार हा कार्यक्रम सर्व ग्रामपंचायतींमध्ये घेणे बंधनकारक आहे. मात्र यंदा वाशिम जिल्ह्यातील अनेक ग्रामपंचायतींमध्ये या महत्त्वाकांक्षी उपक्रमाकडे दुर्लक्ष झाल्याची चर्चा असून, पुरस्कार वितरण प्रत्यक्षात झाले की नाही याबाबतही प्रश्नचिन्ह निर्माण झाले आहे. जिल्हा प्रशासन आणि पंचायत समिती स्तरावरून सर्व ग्रामपंचायतींना हा कार्यक्रम आयोजित करून त्याचा अहवाल सादर करण्याबाबत सूचना देण्यात आल्या होत्या. तसेच गावातील विविध क्षेत्रांत उल्लेखनीय कार्य करणाऱ्या दोन महिलांची निवड करून त्यांचा सन्मान करण्याचे निर्देशही दिले होते. असे असतानाही अनेक ठिकाणी कार्यक्रमाची माहिती नागरिकांपर्यंत पोहोचली नाही, त्यामुळे शासनाच्या या उपक्रमाची अंमलबजावणी प्रत्यक्षात कितपत झाली याबाबत शंका व्यक्त होत आहे. या पार्श्वभूमीवर, ग्रामस्थांनी पुरस्कार वितरण कार्यक्रमावेळी काढण्यात आलेली जीपीएस लोकेशनसह छायाचित्रे, उपस्थिती नोंद आणि कार्यक्रमाचा सविस्तर अहवाल पंचायत समिती कार्यालयाकडे सादर करणे अनिवार्य करावे, अशी मागणी केली आहे. जीपीएसयुक्त छायाचित्रांमुळे कार्यक्रम संबंधित ग्रामपंचायतीमध्ये प्रत्यक्ष झाला असल्याची खात्री होईल आणि खोटी माहिती किंवा कागदोपत्री कार्यक्रम दाखवण्याच्या प्रकारांना आळा बसेल, असे ग्रामस्थांचे म्हणणे आहे. महिलांच्या कार्याचा गौरव करण्यासाठी शासनाने सुरू केलेला हा पुरस्कार केवळ कागदोपत्री न राहता प्रत्यक्ष लाभार्थी महिलांपर्यंत पोहोचणे आवश्यक आहे, असे ग्रामस्थांचे मत आहे. त्यामुळे जिल्हा प्रशासनाने सर्व ग्रामपंचायतींकडून कार्यक्रमाचे पुरावे मागवून त्याची शहानिशा करावी, तसेच ज्या ग्रामपंचायतींनी कार्यक्रम घेतला नाही किंवा चुकीची माहिती सादर केली असेल, त्या संबंधित ग्रामसेवक, सरपंच व जबाबदार अधिकाऱ्यांवर नियमानुसार कारवाई करावी, अशी मागणी जोर धरत आहे. पुण्यश्लोक अहिल्यादेवी होळकर यांनी समाजकारण, लोककल्याण आणि महिला सक्षमीकरणासाठी दिलेल्या योगदानाच्या स्मरणार्थ सुरू झालेला हा पुरस्कार ग्रामीण भागातील कर्तृत्ववान महिलांना प्रोत्साहन देणारा असल्याने, या योजनेची प्रभावी आणि पारदर्शक अंमलबजावणी होणे गरजेचे असून, प्रशासनाने याकडे गांभीर्याने लक्ष द्यावे अशी अपेक्षा नागरिकांकडून व्यक्त होत आहे.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

1 hr ago

राज्य शासनाकडून दरवर्षी ३१ मे रोजी पुण्यश्लोक अहिल्यादेवी होळकर यांच्या जयंतीनिमित्त प्रत्येक ग्रामपंचायतीमध्ये गावातील दोन कर्तबगार महिलांना 'पुण्यश्लोक अहिल्यादेवी होळकर महिला सन्मान पुरस्कार' देऊन सन्मानित करण्याचा उपक्रम राबवण्यात येतो. ९ मे २०२३ च्या शासकीय निर्णयानुसार हा कार्यक्रम सर्व ग्रामपंचायतींमध्ये घेणे बंधनकारक आहे. मात्र यंदा वाशिम जिल्ह्यातील अनेक ग्रामपंचायतींमध्ये या महत्त्वाकांक्षी उपक्रमाकडे दुर्लक्ष झाल्याची चर्चा असून, पुरस्कार वितरण प्रत्यक्षात झाले की नाही याबाबतही प्रश्नचिन्ह निर्माण झाले आहे. जिल्हा प्रशासन आणि पंचायत समिती स्तरावरून सर्व ग्रामपंचायतींना हा कार्यक्रम आयोजित करून त्याचा अहवाल सादर करण्याबाबत सूचना देण्यात आल्या होत्या. तसेच गावातील विविध क्षेत्रांत उल्लेखनीय कार्य करणाऱ्या दोन महिलांची निवड करून त्यांचा सन्मान करण्याचे निर्देशही दिले होते. असे असतानाही अनेक ठिकाणी कार्यक्रमाची माहिती नागरिकांपर्यंत पोहोचली नाही, त्यामुळे शासनाच्या या उपक्रमाची अंमलबजावणी प्रत्यक्षात कितपत झाली याबाबत शंका व्यक्त होत आहे. या पार्श्वभूमीवर, ग्रामस्थांनी पुरस्कार वितरण कार्यक्रमावेळी काढण्यात आलेली जीपीएस लोकेशनसह छायाचित्रे, उपस्थिती नोंद आणि कार्यक्रमाचा सविस्तर

अहवाल पंचायत समिती कार्यालयाकडे सादर करणे अनिवार्य करावे, अशी मागणी केली आहे. जीपीएसयुक्त छायाचित्रांमुळे कार्यक्रम संबंधित ग्रामपंचायतीमध्ये प्रत्यक्ष झाला असल्याची खात्री होईल आणि खोटी माहिती किंवा कागदोपत्री कार्यक्रम दाखवण्याच्या प्रकारांना आळा बसेल, असे ग्रामस्थांचे म्हणणे आहे. महिलांच्या कार्याचा गौरव करण्यासाठी शासनाने सुरू केलेला हा पुरस्कार केवळ कागदोपत्री न राहता प्रत्यक्ष लाभार्थी महिलांपर्यंत पोहोचणे आवश्यक आहे, असे ग्रामस्थांचे मत आहे. त्यामुळे जिल्हा प्रशासनाने सर्व ग्रामपंचायतींकडून कार्यक्रमाचे पुरावे मागवून त्याची शहानिशा करावी, तसेच ज्या ग्रामपंचायतींनी कार्यक्रम घेतला नाही किंवा चुकीची माहिती सादर केली असेल, त्या संबंधित ग्रामसेवक, सरपंच व जबाबदार अधिकाऱ्यांवर नियमानुसार कारवाई करावी, अशी मागणी जोर धरत आहे. पुण्यश्लोक अहिल्यादेवी होळकर यांनी समाजकारण, लोककल्याण आणि महिला सक्षमीकरणासाठी दिलेल्या योगदानाच्या स्मरणार्थ सुरू झालेला हा पुरस्कार ग्रामीण भागातील कर्तृत्ववान महिलांना प्रोत्साहन देणारा असल्याने, या योजनेची प्रभावी आणि पारदर्शक अंमलबजावणी होणे गरजेचे असून, प्रशासनाने याकडे गांभीर्याने लक्ष द्यावे अशी अपेक्षा नागरिकांकडून व्यक्त होत आहे.