भारतरत्न डॉ. बाबासाहेब आंबेडकर यांच्या जयंतीनिमित्त दत्तापूर पोलीस वसाहत येथे एका भव्य आणि उत्साहपूर्ण कार्यक्रमाचे आयोजन करण्यात आले होते. सामाजिक एकात्मता, बंधुभाव आणि समतेचा संदेश देणाऱ्या या कार्यक्रमाने संपूर्ण परिसर भीमगीतांच्या सुरांनी भारावून गेला होता. कार्यक्रमाची सुरुवात डॉ. बाबासाहेब आंबेडकर यांच्या प्रतिमेचे पूजन आणि अभिवादन करून करण्यात आली. त्यानंतर आयोजित भीमगीत गायन कार्यक्रमाने उपस्थितांमध्ये प्रेरणा, ऊर्जा आणि अभिमानाची भावना जागृत केली. शहरातील मोठ्या संख्येने आंबेडकरी अनुयायी, नागरिक, युवक तसेच महिलांनी यामध्ये उत्स्फूर्त सहभाग नोंदवत जयंती मोठ्या उत्साहात साजरी केली. या प्रसंगी दत्तापूर पोलीस स्टेशनचे ठाणेदार गिरीश ताथोड यांच्या प्रमुख उपस्थितीत एपीआय गजानन गजभारे, पीएसआय नरेंद्र मानकर, एएसआय धनंजय झटाळे यांच्यासह संदीप तिरपुडे, रवी पाखरे, पूनम खंडाते, मनोरमा डोंगरदिवे तसेच पोलीस अधिकारी, पोलीस अमलदार, पोलीस कर्मचारी आणि अनेक मान्यवर मोठ्या संख्येने उपस्थित होते. सुंदर नियोजन, शिस्तबद्ध व्यवस्था आणि प्रेरणादायी वातावरणामुळे या कार्यक्रमाने उपस्थितांची मने जिंकली. कार्यक्रमानंतर सर्व उपस्थितांसाठी भोजनाची व्यवस्थाही करण्यात आली होती. समता, न्याय आणि मानवतेचा संदेश देणारी डॉ. बाबासाहेब आंबेडकर जयंती दत्तापूर पोलीस वसाहतीत उत्साहपूर्ण वातावरणात पार पडली असून, या उपक्रमाचे सर्व स्तरांतून कौतुक केले जात आहे.

Santosh Waghmare

T. V. News Reporter Dhamangaon Railway, Amravati•

1 hr ago

भारतरत्न डॉ. बाबासाहेब आंबेडकर यांच्या जयंतीनिमित्त दत्तापूर पोलीस वसाहत येथे एका भव्य आणि उत्साहपूर्ण कार्यक्रमाचे आयोजन करण्यात आले होते. सामाजिक एकात्मता, बंधुभाव आणि समतेचा संदेश देणाऱ्या या कार्यक्रमाने संपूर्ण परिसर भीमगीतांच्या सुरांनी भारावून गेला होता. कार्यक्रमाची सुरुवात डॉ. बाबासाहेब आंबेडकर यांच्या प्रतिमेचे पूजन आणि अभिवादन करून करण्यात आली. त्यानंतर आयोजित भीमगीत गायन कार्यक्रमाने उपस्थितांमध्ये प्रेरणा, ऊर्जा आणि अभिमानाची भावना जागृत केली. शहरातील मोठ्या संख्येने आंबेडकरी अनुयायी, नागरिक, युवक तसेच महिलांनी यामध्ये उत्स्फूर्त सहभाग नोंदवत जयंती मोठ्या उत्साहात साजरी केली. या प्रसंगी दत्तापूर पोलीस स्टेशनचे ठाणेदार गिरीश ताथोड यांच्या प्रमुख उपस्थितीत एपीआय गजानन गजभारे, पीएसआय नरेंद्र मानकर, एएसआय धनंजय झटाळे यांच्यासह संदीप तिरपुडे, रवी पाखरे, पूनम खंडाते, मनोरमा डोंगरदिवे तसेच पोलीस अधिकारी, पोलीस अमलदार, पोलीस कर्मचारी आणि अनेक मान्यवर मोठ्या संख्येने उपस्थित होते. सुंदर नियोजन, शिस्तबद्ध व्यवस्था आणि प्रेरणादायी वातावरणामुळे या कार्यक्रमाने उपस्थितांची मने जिंकली. कार्यक्रमानंतर सर्व उपस्थितांसाठी भोजनाची व्यवस्थाही करण्यात आली होती. समता, न्याय आणि मानवतेचा संदेश देणारी डॉ. बाबासाहेब आंबेडकर जयंती दत्तापूर पोलीस वसाहतीत उत्साहपूर्ण वातावरणात पार पडली असून, या उपक्रमाचे सर्व स्तरांतून कौतुक केले जात आहे.