नवी दिल्लीत संसद भवन परिसरात केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी काँग्रेसच्या वतीने आंदोलन करण्यात आले. यावेळी काँग्रेस खासदार प्रणिती शिंदे यांनी सरकारच्या दडपशाहीचा तीव्र निषेध करत विद्यार्थ्यांच्या न्यायासाठी काँग्रेस कोणत्याही परिस्थितीला सामोरे जाण्यास तयार असल्याचे स्पष्ट केले. खासदार प्रणिती शिंदे म्हणाल्या की, देशातील विद्यार्थी आणि तरुणांसाठी जे काही सहन करावे लागेल, ते सहन करण्याची आमची तयारी आहे. विद्यार्थ्यांसाठी लढताना प्राण गेला तरी त्याची पर्वा नाही; विद्यार्थ्यांच्या न्यायासाठी सर्व काही सहन करण्यास आम्ही तयार आहोत. हे सरकार अहंकारी झाले असून कोणाचेही ऐकून घेण्यास तयार नाही तसेच संविधान आणि लोकशाहीच्या मूल्यांचा आदर केला जात नाही, असा आरोप त्यांनी केला. विद्यार्थ्यांवर आणि विरोधी पक्षाच्या नेत्यांवर पोलीस ज्या प्रकारे अत्याचार करत आहेत, ते अत्यंत निषेधार्ह असल्याचे सांगत त्यांनी नमूद केले की या सर्व प्रकारामुळे जनतेमध्ये प्रचंड रोष निर्माण झाला आहे. हा रोष आता जनआंदोलनाचे रूप घेत असून ही क्रांतीची सुरुवात आहे. केंद्रीय शिक्षणमंत्र्यांनी राजीनामा द्यावा आणि सभागृहात चर्चेसाठी स्थगन प्रस्ताव मंजूर करावा, ही आपली ठाम मागणी असल्याचे खासदार प्रणिती शिंदे यांनी सांगितले.

शेख अजहर ताहेर (पत्रकार)

गंगापूर, औरंगाबाद, महाराष्ट्र•

12 hrs ago

नवी दिल्लीत संसद भवन परिसरात केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी काँग्रेसच्या वतीने आंदोलन करण्यात आले. यावेळी काँग्रेस खासदार प्रणिती शिंदे यांनी सरकारच्या दडपशाहीचा तीव्र निषेध करत विद्यार्थ्यांच्या न्यायासाठी काँग्रेस कोणत्याही परिस्थितीला सामोरे जाण्यास तयार असल्याचे स्पष्ट केले. खासदार प्रणिती शिंदे म्हणाल्या की, देशातील विद्यार्थी आणि तरुणांसाठी जे काही सहन करावे लागेल, ते सहन करण्याची आमची तयारी आहे. विद्यार्थ्यांसाठी लढताना प्राण गेला तरी त्याची पर्वा नाही; विद्यार्थ्यांच्या न्यायासाठी सर्व काही सहन करण्यास आम्ही तयार आहोत. हे सरकार अहंकारी झाले असून कोणाचेही ऐकून घेण्यास तयार नाही तसेच संविधान आणि लोकशाहीच्या मूल्यांचा आदर केला जात नाही, असा आरोप त्यांनी केला. विद्यार्थ्यांवर आणि विरोधी पक्षाच्या नेत्यांवर पोलीस ज्या प्रकारे अत्याचार करत आहेत, ते अत्यंत निषेधार्ह असल्याचे सांगत त्यांनी नमूद केले की या सर्व प्रकारामुळे जनतेमध्ये प्रचंड रोष निर्माण झाला आहे. हा रोष आता जनआंदोलनाचे रूप घेत असून ही क्रांतीची सुरुवात आहे. केंद्रीय शिक्षणमंत्र्यांनी राजीनामा द्यावा आणि सभागृहात चर्चेसाठी स्थगन प्रस्ताव मंजूर करावा, ही आपली ठाम मागणी असल्याचे खासदार प्रणिती शिंदे यांनी सांगितले.