भोर नगरीचे प्रथम लोकनियुक्त नगराध्यक्ष दिवंगत अमृतलाल रावळ यांच्या १२व्या स्मृतिदिनानिमित्त २७ जून रोजी शर : प्रभा विकास प्रतिष्ठानच्या वतीने 'स्मृती कृतज्ञता गौरव सन्मान' सोहळा आयोजित करण्यात आला. भोर येथील श्रीमंत सौ.गंगुताई साहेब पंतसचिव वाचनालयाच्या सभागृहात पार पडलेल्या या कार्यक्रमात कैलासबेन रावळ यांच्या शुभहस्ते समाजातील विविध क्षेत्रांतील व्यक्तींचा सन्मानपत्र देऊन गौरव करण्यात आला. याप्रसंगी बोलताना पुणे जिल्हा मध्यवर्ती सहकारी बँकेचे संचालक भालचंद्र जगताप यांनी अमृतलाल रावळ यांना भोर नगरीच्या विकासाचे खरे शिल्पकार संबोधले. त्यांनी असंख्य कार्यकर्त्यांना घडवले असून, त्यांचे योगदान भोरची जनता कधीही विसरणार नाही, असे जगताप यांनी नमूद केले. शरद पवार आणि पवार कुटुंबीयांवरील त्यांची निष्ठा सर्वश्रुत होती आणि सामाजिक जीवनात काम करणाऱ्या कार्यकर्त्यांनी तिचा आदर्श घ्यावा, असे मतही त्यांनी व्यक्त केले. कार्यक्रमातील सन्मानार्थी डॉ.रोहिदास जाधव यांनी सांगितले की, स्व. रावळ यांच्यामुळेच भोर शहराची पहिली महत्त्वाकांक्षी पाणीपुरवठा योजना कार्यान्वित झाली. १९७२ साली तत्कालीन मुख्यमंत्री शरद पवार यांच्या उपस्थितीत एका दलित दांपत्याच्या हस्ते भूमिपूजन करून त्यांनी पुरोगामीत्व दर्शवले, ही कृती कायम स्मरणात राहील. सर्वसामान्य माणसाच्या हितासाठी त्यांनी अनेक लोकाभिमुख निर्णय घेतल्याने ते खऱ्या अर्थाने भोरचे लोकनेते असल्याचे मत डॉ. जाधव यांनी व्यक्त केले. या गौरव सोहळ्यात जगदीश किरवे (राजकीय), राजीव केळकर (सामाजिक), डॉ.रोहिदास जाधव (साहित्य), प्रा.प्रकाश मोरे (कला व संस्कृती), सुभाष फेरवाणी (व्यापार व उद्योग), डॉ.इम्राम खान (वैद्यकीय), विठ्ठल दानवले (शैक्षणिक), विजय जाधव (पत्रकारिता), सौरभ खुटवड (कृषी) आणि कावेरी शिंदे (महिला सक्षमीकरण) यांचा सन्मान करण्यात आला. कैलासबेन रावळ यांनी सर्वांप्रती कृतज्ञता व्यक्त केली. कार्यक्रमाच्या सुरुवातीला महाराष्ट्र राज्याचे दिवंगत उपमुख्यमंत्री अजित पवार आणि भोर वेल्हाचे माजी आमदार तथा राज्याचे माजी मंत्री अनंतराव थोपटे यांना श्रद्धांजली अर्पण करण्यात आली. पार्थ रावळ यांनी कार्यक्रमाचे प्रस्ताविक व स्वागत केले, तर विठ्ठल शिंदे यांनी आभार मानले आणि संतोष ढवळे यांनी सूत्रसंचालन केले.

पत्रकार विक्रम शिंदे

Reporter भोर, पुणे, महाराष्ट्र•

14 hrs ago

भोर नगरीचे प्रथम लोकनियुक्त नगराध्यक्ष दिवंगत अमृतलाल रावळ यांच्या १२व्या स्मृतिदिनानिमित्त २७ जून रोजी शर : प्रभा विकास प्रतिष्ठानच्या वतीने 'स्मृती कृतज्ञता गौरव सन्मान' सोहळा आयोजित करण्यात आला. भोर येथील श्रीमंत सौ.गंगुताई साहेब पंतसचिव वाचनालयाच्या सभागृहात पार पडलेल्या या कार्यक्रमात कैलासबेन रावळ यांच्या शुभहस्ते समाजातील विविध क्षेत्रांतील व्यक्तींचा सन्मानपत्र देऊन गौरव करण्यात आला. याप्रसंगी बोलताना पुणे जिल्हा मध्यवर्ती सहकारी बँकेचे संचालक भालचंद्र जगताप यांनी अमृतलाल रावळ यांना भोर नगरीच्या विकासाचे खरे शिल्पकार संबोधले. त्यांनी असंख्य कार्यकर्त्यांना घडवले असून, त्यांचे योगदान भोरची जनता कधीही विसरणार नाही, असे जगताप यांनी नमूद केले. शरद पवार आणि पवार कुटुंबीयांवरील त्यांची निष्ठा सर्वश्रुत होती आणि सामाजिक जीवनात काम करणाऱ्या कार्यकर्त्यांनी तिचा आदर्श घ्यावा, असे मतही त्यांनी व्यक्त केले. कार्यक्रमातील सन्मानार्थी डॉ.रोहिदास जाधव यांनी सांगितले की, स्व. रावळ यांच्यामुळेच भोर शहराची पहिली महत्त्वाकांक्षी पाणीपुरवठा योजना कार्यान्वित झाली. १९७२ साली तत्कालीन

मुख्यमंत्री शरद पवार यांच्या उपस्थितीत एका दलित दांपत्याच्या हस्ते भूमिपूजन करून त्यांनी पुरोगामीत्व दर्शवले, ही कृती कायम स्मरणात राहील. सर्वसामान्य माणसाच्या हितासाठी त्यांनी अनेक लोकाभिमुख निर्णय घेतल्याने ते खऱ्या अर्थाने भोरचे लोकनेते असल्याचे मत डॉ. जाधव यांनी व्यक्त केले. या गौरव सोहळ्यात जगदीश किरवे (राजकीय), राजीव केळकर (सामाजिक), डॉ.रोहिदास जाधव (साहित्य), प्रा.प्रकाश मोरे (कला व संस्कृती), सुभाष फेरवाणी (व्यापार व उद्योग), डॉ.इम्राम खान (वैद्यकीय), विठ्ठल दानवले (शैक्षणिक), विजय जाधव (पत्रकारिता), सौरभ खुटवड (कृषी) आणि कावेरी शिंदे (महिला सक्षमीकरण) यांचा सन्मान करण्यात आला. कैलासबेन रावळ यांनी सर्वांप्रती कृतज्ञता व्यक्त केली. कार्यक्रमाच्या सुरुवातीला महाराष्ट्र राज्याचे दिवंगत उपमुख्यमंत्री अजित पवार आणि भोर वेल्हाचे माजी आमदार तथा राज्याचे माजी मंत्री अनंतराव थोपटे यांना श्रद्धांजली अर्पण करण्यात आली. पार्थ रावळ यांनी कार्यक्रमाचे प्रस्ताविक व स्वागत केले, तर विठ्ठल शिंदे यांनी आभार मानले आणि संतोष ढवळे यांनी सूत्रसंचालन केले.