సెప్టెంబర్ 19న కోదాడలో మెగా జాబ్ మేళా – 3,500 మందికి పైగా ఉద్యోగాలే లక్ష్యం: మంత్రి ఉత్తమ్ కుమార్ రెడ్డి.. సూర్యాపేట, సెప్టెంబర్ 15. నిరుద్యోగ యువతకు మెరుగైన ఉద్యోగ అవకాశాలు కల్పించేందుకు ఈనెల 19న కోదాడలో మెగా జాబ్ మేళాను నిర్వహిస్తున్నట్లు రాష్ట్ర నీటిపారుదల, పౌర సరఫరాల శాఖ మంత్రి నల్లమాద ఉత్తమ్ కుమార్ రెడ్డి తెలిపారు. మంగళవారం సూర్యాపేట సమీకృత కలెక్టరేట్ సమావేశ మందిరంలో జిల్లా కలెక్టర్ తేజస్ నంద్ లాల్ పవార్, కోదాడ ఎమ్మెల్యే ఉత్తమ్ పద్మావతి రెడ్డి, ఉమ్మడి జిల్లా పరిశ్రమల శాఖ అధికారులు, వివిధ పరిశ్రమల ప్రతినిధులు, కళాశాలల కరస్పాండెంట్లు, ఇతర అధికారులతో కలిసి నిర్వహించిన సమీక్ష సమావేశంలో ఆయన మాట్లాడారు. దేశంలో నిరుద్యోగ సమస్య తీవ్రంగా పెరుగుతున్న నేపథ్యంలో గ్రామీణ యువతకు ఉద్యోగ అవకాశాలను వారి వద్దకే తీసుకురావాలనే లక్ష్యంతో సింగరేణి సంస్థ, పరిశ్రమల శాఖ, డిజిటల్ ఎంప్లాయిమెంట్ ఎక్స్చేంజ్ ఆఫ్ తెలంగాణ (DEET) సహకారంతో ఈ మెగా జాబ్ మేళాను నిర్వహిస్తున్నట్లు మంత్రి తెలిపారు. గ్రామీణ యువతలో ప్రతిభకు కొదవ లేకపోయినా, ప్రముఖ కంపెనీలను చేరుకునే అవకాశాలు తక్కువగా ఉండటంతో ఉద్యోగాలు దక్కడం కష్టమవుతోందన్నారు. ఈ అంతరాన్ని తొలగించడమే ప్రభుత్వ ప్రధాన ఉద్దేశమని చెప్పారు. ఇంజినీరింగ్, ఫార్మసీ, పాలిటెక్నిక్, ఐటీఐ, డిగ్రీతో పాటు వివిధ వృత్తి విద్యా కోర్సులు పూర్తి చేసిన యువతకు ఒకే వేదికపై ప్రముఖ కంపెనీల ప్రతినిధులను కలుసుకుని ఇంటర్వ్యూలకు హాజరయ్యే అవకాశం కల్పిస్తున్నామని తెలిపారు. అభ్యర్థుల అర్హతలు, నైపుణ్యాలను బట్టి ఒక్కొక్కరికి ఐదు వరకు కంపెనీల్లో ఇంటర్వ్యూలకు హాజరయ్యే అవకాశం కల్పించేలా ఏర్పాట్లు చేస్తున్నామని చెప్పారు. గత ఏడాది హుజూర్‌నగర్‌లో నిర్వహించిన జాబ్ మేళాలో 200కు పైగా కంపెనీలు పాల్గొనగా, ఈసారి కోదాడ జాబ్ మేళాకు సుమారు 300 ప్రముఖ కంపెనీలను ఆహ్వానించినట్లు మంత్రి వెల్లడించారు. అపోలో గ్రూప్, జీఎంఆర్, రాంకీ, మహీంద్రా అండ్ మహీంద్రాతో పాటు సిమెంట్, తయారీ, సేవలు, ఐటీ, ఫార్మా, నిర్మాణ, వ్యాపార రంగాలకు చెందిన ప్రముఖ సంస్థలు ఇందులో పాల్గొనేలా చర్యలు తీసుకుంటున్నట్లు తెలిపారు. స్థానిక పరిశ్రమలు కూడా తప్పనిసరిగా జాబ్ మేళాలో పాల్గొనేలా అధికారులు చర్యలు తీసుకోవాలని ఆదేశించారు. జాబ్ మేళా ద్వారా 3,500 మందికి పైగా యువతకు ఉద్యోగ అవకాశాలు లభించే అవకాశం ఉందని మంత్రి తెలిపారు. ఇంటర్వ్యూల్లో ఎంపికైన అభ్యర్థులకు సాధ్యమైనంత వరకు అదే ప్రాంగణంలో ఆఫర్ లెటర్లు అందించేలా ప్రత్యేక ఏర్పాట్లు చేస్తున్నామని చెప్పారు. అభ్యర్థులు తప్పనిసరిగా క్యూఆర్ కోడ్ ద్వారా ఆన్‌లైన్‌లో నమోదు చేసుకోవాలని మంత్రి సూచించారు. నమోదు ద్వారా అభ్యర్థుల విద్యార్హతలు, నైపుణ్యాలు, అనుభవ వివరాలను ముందుగానే వర్గీకరించి, కంపెనీల అవసరాలకు అనుగుణంగా అనుసంధానం చేయడం సులభమవుతుందని తెలిపారు. ప్రజాప్రతినిధులు, రాజకీయ పార్టీల నాయకులు, పంచాయతీ కార్యదర్శులు, గ్రామ, మండల స్థాయి అధికారులు తమ పరిధిలోని నిరుద్యోగ యువతకు జాబ్ మేళా సమాచారం చేరవేసి పాల్గొనేలా చూడాలని పిలుపునిచ్చారు. జాబ్ మేళాకు పెద్ద సంఖ్యలో యువత హాజరయ్యే అవకాశం ఉన్నందున ట్రాఫిక్, పార్కింగ్, భద్రత, తాగునీరు, వైద్య సదుపాయాలు, రవాణా, వసతి, భోజన ఏర్పాట్లపై పకడ్బందీ కార్యాచరణ రూపొందించాలని పోలీసు, రెవెన్యూ అధికారులను మంత్రి ఆదేశించారు. ప్రధాన వేదికకు ఇరువైపులా సుమారు 200 మీటర్ల వరకు వాహనాల రాకపోకలను నియంత్రించి, అభ్యర్థులు సులభంగా నడిచి వెళ్లేలా ఏర్పాట్లు చేయాలని సూచించారు. కోదాడ మెగా జాబ్ మేళా కేవలం ఒక్కరోజు జరిగే నియామక కార్యక్రమంగా కాకుండా, గ్రామీణ ప్రతిభను పరిశ్రమలు, విద్యాసంస్థలతో అనుసంధానించే శాశ్వత నమూనాగా నిలవాలని మంత్రి ఉత్తమ్ కుమార్ రెడ్డి ఆకాంక్షించారు. ప్రభుత్వం అవకాశాల వేదికను కల్పిస్తుందని, ఆ అవకాశాన్ని సద్వినియోగం చేసుకుని ఉద్యోగాలను సాధించాల్సిన బాధ్యత యువతపై ఉందని పేర్కొన్నారు. సమావేశంలో తుంగతుర్తి ఎమ్మెల్యే మందుల సామేల్, ఎమ్మెల్సీ శంకర్ నాయక్, జిల్లా ఎస్పీ కె. నరసింహతో పాటు వివిధ శాఖల అధికారులు పాల్గొన్నారు.

శ్రీరామోజు కనకాచారి

Local News Reporter నక్రేకల్, నల్గొండ, తెలంగాణ•

4 hrs ago

సెప్టెంబర్ 19న కోదాడలో మెగా జాబ్ మేళా – 3,500 మందికి పైగా ఉద్యోగాలే లక్ష్యం: మంత్రి ఉత్తమ్ కుమార్ రెడ్డి.. సూర్యాపేట, సెప్టెంబర్ 15. నిరుద్యోగ యువతకు మెరుగైన ఉద్యోగ అవకాశాలు కల్పించేందుకు ఈనెల 19న కోదాడలో మెగా జాబ్ మేళాను నిర్వహిస్తున్నట్లు రాష్ట్ర నీటిపారుదల, పౌర సరఫరాల శాఖ మంత్రి నల్లమాద ఉత్తమ్ కుమార్ రెడ్డి తెలిపారు. మంగళవారం సూర్యాపేట సమీకృత కలెక్టరేట్ సమావేశ మందిరంలో జిల్లా కలెక్టర్ తేజస్ నంద్ లాల్ పవార్, కోదాడ ఎమ్మెల్యే ఉత్తమ్ పద్మావతి రెడ్డి, ఉమ్మడి జిల్లా పరిశ్రమల శాఖ అధికారులు, వివిధ పరిశ్రమల ప్రతినిధులు, కళాశాలల కరస్పాండెంట్లు, ఇతర అధికారులతో కలిసి నిర్వహించిన సమీక్ష సమావేశంలో ఆయన మాట్లాడారు. దేశంలో నిరుద్యోగ సమస్య తీవ్రంగా పెరుగుతున్న నేపథ్యంలో గ్రామీణ యువతకు ఉద్యోగ అవకాశాలను వారి వద్దకే తీసుకురావాలనే లక్ష్యంతో సింగరేణి సంస్థ, పరిశ్రమల శాఖ, డిజిటల్ ఎంప్లాయిమెంట్ ఎక్స్చేంజ్ ఆఫ్ తెలంగాణ (DEET) సహకారంతో ఈ మెగా జాబ్ మేళాను నిర్వహిస్తున్నట్లు మంత్రి తెలిపారు. గ్రామీణ యువతలో ప్రతిభకు కొదవ లేకపోయినా, ప్రముఖ కంపెనీలను చేరుకునే అవకాశాలు తక్కువగా ఉండటంతో ఉద్యోగాలు దక్కడం కష్టమవుతోందన్నారు. ఈ అంతరాన్ని తొలగించడమే ప్రభుత్వ ప్రధాన ఉద్దేశమని చెప్పారు. ఇంజినీరింగ్, ఫార్మసీ, పాలిటెక్నిక్, ఐటీఐ, డిగ్రీతో పాటు వివిధ వృత్తి విద్యా కోర్సులు పూర్తి చేసిన యువతకు ఒకే వేదికపై ప్రముఖ కంపెనీల ప్రతినిధులను కలుసుకుని ఇంటర్వ్యూలకు హాజరయ్యే అవకాశం కల్పిస్తున్నామని తెలిపారు. అభ్యర్థుల అర్హతలు, నైపుణ్యాలను బట్టి ఒక్కొక్కరికి ఐదు వరకు కంపెనీల్లో ఇంటర్వ్యూలకు హాజరయ్యే అవకాశం కల్పించేలా ఏర్పాట్లు చేస్తున్నామని చెప్పారు. గత ఏడాది హుజూర్‌నగర్‌లో నిర్వహించిన జాబ్ మేళాలో 200కు పైగా కంపెనీలు పాల్గొనగా, ఈసారి కోదాడ జాబ్ మేళాకు సుమారు 300 ప్రముఖ కంపెనీలను ఆహ్వానించినట్లు మంత్రి వెల్లడించారు. అపోలో గ్రూప్, జీఎంఆర్, రాంకీ, మహీంద్రా అండ్ మహీంద్రాతో పాటు సిమెంట్, తయారీ, సేవలు, ఐటీ, ఫార్మా, నిర్మాణ, వ్యాపార రంగాలకు చెందిన ప్రముఖ సంస్థలు ఇందులో పాల్గొనేలా చర్యలు తీసుకుంటున్నట్లు తెలిపారు. స్థానిక పరిశ్రమలు కూడా తప్పనిసరిగా జాబ్ మేళాలో పాల్గొనేలా అధికారులు చర్యలు తీసుకోవాలని ఆదేశించారు. జాబ్ మేళా ద్వారా 3,500 మందికి పైగా యువతకు ఉద్యోగ అవకాశాలు లభించే అవకాశం ఉందని మంత్రి తెలిపారు. ఇంటర్వ్యూల్లో ఎంపికైన అభ్యర్థులకు సాధ్యమైనంత వరకు అదే ప్రాంగణంలో ఆఫర్ లెటర్లు అందించేలా ప్రత్యేక ఏర్పాట్లు చేస్తున్నామని చెప్పారు. అభ్యర్థులు తప్పనిసరిగా క్యూఆర్ కోడ్ ద్వారా ఆన్‌లైన్‌లో నమోదు చేసుకోవాలని మంత్రి సూచించారు. నమోదు ద్వారా అభ్యర్థుల విద్యార్హతలు, నైపుణ్యాలు, అనుభవ వివరాలను ముందుగానే వర్గీకరించి, కంపెనీల అవసరాలకు అనుగుణంగా అనుసంధానం చేయడం సులభమవుతుందని తెలిపారు. ప్రజాప్రతినిధులు, రాజకీయ పార్టీల నాయకులు, పంచాయతీ కార్యదర్శులు, గ్రామ, మండల స్థాయి అధికారులు తమ పరిధిలోని నిరుద్యోగ యువతకు జాబ్ మేళా సమాచారం చేరవేసి పాల్గొనేలా చూడాలని పిలుపునిచ్చారు. జాబ్ మేళాకు పెద్ద సంఖ్యలో యువత హాజరయ్యే అవకాశం ఉన్నందున ట్రాఫిక్, పార్కింగ్, భద్రత, తాగునీరు, వైద్య సదుపాయాలు, రవాణా, వసతి, భోజన ఏర్పాట్లపై పకడ్బందీ కార్యాచరణ రూపొందించాలని పోలీసు, రెవెన్యూ అధికారులను మంత్రి ఆదేశించారు. ప్రధాన వేదికకు ఇరువైపులా సుమారు 200 మీటర్ల వరకు వాహనాల రాకపోకలను నియంత్రించి, అభ్యర్థులు సులభంగా నడిచి వెళ్లేలా ఏర్పాట్లు చేయాలని సూచించారు. కోదాడ మెగా జాబ్ మేళా కేవలం ఒక్కరోజు జరిగే నియామక కార్యక్రమంగా కాకుండా, గ్రామీణ ప్రతిభను పరిశ్రమలు, విద్యాసంస్థలతో అనుసంధానించే శాశ్వత నమూనాగా నిలవాలని మంత్రి ఉత్తమ్ కుమార్ రెడ్డి ఆకాంక్షించారు. ప్రభుత్వం అవకాశాల వేదికను కల్పిస్తుందని, ఆ అవకాశాన్ని సద్వినియోగం చేసుకుని ఉద్యోగాలను సాధించాల్సిన బాధ్యత యువతపై ఉందని పేర్కొన్నారు. సమావేశంలో తుంగతుర్తి ఎమ్మెల్యే మందుల సామేల్, ఎమ్మెల్సీ శంకర్ నాయక్, జిల్లా ఎస్పీ కె. నరసింహతో పాటు వివిధ శాఖల అధికారులు పాల్గొన్నారు.