येवल्यातील उपजिल्हा रुग्णालयात वंचित बहुजन आघाडी आणि आंबेडकरवादी संघटनांनी प्रकाश आंबेडकर यांचा वाढदिवस सेवा उपक्रमांनी साजरा केला. यावेळी रुग्णांना फळे आणि बिस्किटांचे वाटप करून कार्यकर्त्यांनी आपली सामाजिक बांधिलकी जपली. रुग्णालयातील डॉक्टर्स व कर्मचाऱ्यांनी या उपक्रमाबद्दल कार्यकर्त्यांचे आभार मानले.

येवला तालुक्यातील देवळाणे येथील शेतकऱ्यावरील ॲसिड हल्ल्या प्रकरणी दोन आरोपी गजाआड येवल्यात शेतकऱ्यावरील ॲसिड तालुक्यातील देवळाणे येथे एका शेतकऱ्यासह त्यांच्या पत्नीवर झालेल्या भीषण ॲसिड हल्ला प्रकरणात स्थानिक गुन्हे शाखा आणि येवला तालुका पोलिसांनी मोठी कारवाई केली आहे. या घटनेतील दोन मुख्य आरोपींना पोलिसांनी अवघ्या काही दिवसांत अटक केली असून, जुन्या वादातून हा हल्ला केल्याचे तपासात उघड झाले आहे. दिनांक ८ मे २०२६ रोजी रात्रीच्या सुमारास देवळाणे येथील शेतकरी श्री. भाऊसाहेब बोर्डे आणि त्यांची पत्नी घराच्या गच्चीवर झोपलेले असताना अज्ञात इसमांनी त्यांच्यावर ॲसिडसदृश घातक पदार्थ टाकला होता. या हल्ल्यात बोर्डे दांपत्य गंभीर जखमी झाले होते. या प्रकरणी येवला तालुका पोलीस ठाण्यात गुन्हा दाखल करण्यात आला होता. ​तपासाचे चक्र आणि अटक: घटनेचे गांभीर्य लक्षात घेऊन पोलीस अधीक्षक कार्यालयाने तातडीने पथके रवाना केली होती. तांत्रिक पुरावे आणि गुप्त माहितीच्या आधारे पोलिसांनी खालील दोन आरोपींना ताब्यात घेतले आहे: १) चांगदेव देवराम मोरे (वय ४० वर्ष) २) सचिन जालिंदर कोटमे (वय २० वर्ष) पोलिसांनी दिलेल्या माहितीनुसार, जखमी भाऊसाहेब बोर्डे आणि आरोपी चांगदेव मोरे यांच्यात शेतीच्या बांधावरून जुना वाद होता. तसेच, बोर्डे यांचे यंदा कांद्याचे पीक चांगले आल्याने आणि ते आरोपीबद्दल लोकांशी वाईट बोलत असल्याच्या रागातून आरोपींनी हा कट रचला. शेतातील तण जाळण्यासाठी आणलेले ॲसिड बाटलीत भरून त्यांनी हा हल्ला केला. ​सदर कारवाई पोलीस निरीक्षक श्री. संदीप मंडलीक आणि त्यांच्या पथकाने वरिष्ठांच्या मार्गदर्शनाखाली यशस्वीरीत्या पार पाडली. या अटकेमुळे परिसरात खळबळ उडाली आहे. ब्युरो रिपोर्ट सचिन वखारे येवला

नाशिक जिल्ह्यातील सिन्नर येथील जिल्हा परिषद शाळेतील विद्यार्थ्यांनी अप्रतिम चित्रकला सादर केली. त्यांच्या या कलाकृतींनी सर्वांचे लक्ष वेधून घेतले असून, सर्वत्र त्यांचे कौतुक होत आहे.

पुण्यातील हडपसरमध्ये धक्कादायक प्रकार! मुलीची छेड काढणाऱ्या तरुणाला संतप्त नागरिकांनी पकडून चांगलाच चोप दिला. महिलांच्या सुरक्षेबाबत नागरिक आता अधिक सतर्क झाल्याचे पुन्हा एकदा दिसून आले.

नाशिक महापालिका प्रशासनाने दिव्यागांच्या समस्या प्रश्नी बोलवलेली बैठक रद्द केल्याने प्रहार संघटना पदाधिकारी संतप्त नाशिक :- शहरातील दिव्यांगांच्या अडीअडचणी व समस्या सोडवण्यासंदर्भात तसेच राखीव आणि निधी खर्च करण्यासंदर्भात प्रहार दिव्यांग संघटना यांच्या वतीने नाशिक महानगरपालिका आयुक्त यांना पत्र देण्यात आले होते. त्या पत्रास अनुसरून नाशिक महानगरपालिकेने दिनांक 11 मे रोजी अकरा वाजता बैठक आयोजित केली असल्याचे लेखी पत्र पाठवून बैठकीस आमंत्रित केले होते जेव्हा प्रहार दिव्यांग संघटनेचे पदाधिकारी राजीव गांधी भवन मुख्यालय येथे आले असता बैठक रद्द झाल्याचे कर्मचाऱ्यांनी सांगितले तसेच अतिरिक्त आयुक्त व मनपा उपायुक्त समाज कल्याण हे जिल्हाधिकारी कार्यालय येथे महिला आयोगाच्या बैठकीसाठी गेल्याचे सांगण्यात आले दिव्यांग संघटनेची बैठक ही पूर्वनियोजित असतानाही मनपा अधिकारी हे हजर नसल्याने दिव्यांग संघटनेच्या पदाधिकाऱ्यांनी तीव्र संताप व्यक्त केला मनपा दिव्यांग निधी मधून दिव्यांगांना दरमहा 3000 ऐवजी 6000 रुपये अनुदान देण्यात यावे तसेच राखीव दिव्यांग निधी इतरत्र न वळवता तो दिव्यांगांसाठीच खर्च करण्यात याव्या आदी मागण्यासाठी या बैठकीचे आयोजन करण्यात आले होते.दिव्यांगांकडे महानगरपालिकेचा बघण्याचा दृष्टिकोन हा नकारात्मक स्वरूपाचा असल्याची खंत दिव्यांगांनी व्यक्त केली. दिव्यांगांच्या मागण्या येत्या 15 दिवसात मान्य न झाल्यास मुख्यालयासमोर तीव्र आंदोलन छेडण्यात येणार असल्याचे प्रहार दिव्यांग संघटनेच्या वतीने सांगण्यात आले या प्रसंगी प्रहार दिव्यांग संघटनेचे जिल्हाध्यक्ष ललित पवार जिल्हा कार्याध्यक्ष बबलु मिर्झा,हाॅकर्स झोन चे अध्यक्ष वसंत ठाकुर, मुकबधिर जिल्हाध्यक्ष शोहेब सिद्दीकी,उपजिल्हाध्यक्ष रुपेश परदेशी,शहराध्यक्ष सुभाष निकाळजे, जिल्हाउपाध्यक्ष दत्ता कांगणे,उपशहरप्रमुख दिपक भोई आदी सह दिव्यांग पदाधिकारी उपस्थित होते.

नाशिकमध्ये एका प्रेमी युगुलाला एकत्र फिरताना लोकांनी पकडून पोलिसांच्या स्वाधीन केले. या घटनेनंतर मुलीच्या वडिलांनी दोघांचे लग्न लावण्याचा निर्णय घेतला.

नाशिकमधील खरात प्रकरणात राज्य महिला आयोगाच्या अध्यक्षा रुपाली चाकणकर यांनी विशेष तपास पथकासमोर हजेरी लावली. या घटनेमुळे उच्चभ्रू वर्तुळात खळबळ उडाली असून, पुढील तपासात अनेक खुलासे होण्याची शक्यता आहे.

नाशिकमध्ये भोंदू अशोक खरात प्रकरणाच्या चौकशीसाठी राज्य महिला आयोगाच्या माजी अध्यक्षा रुपाली चाकणकर यांची एसआयटीने तब्बल साडेपाच तास चौकशी केली. चाकणकर यांनी चौकशीला पूर्ण सहकार्य करत पुढील तपासासाठी पुन्हा हजर राहण्याची तयारी दर्शवली आहे. या हाय-प्रोफाईल चौकशीमुळे प्रकरणातील अनेक पैलू उघड होण्याची शक्यता आहे.

येवला नगरपालिकेने पाणीपुरवठा चार दिवसांआड केल्याने नागरिकांमध्ये तीव्र संताप आहे. शिवसेना (शिंदे गट) उपजिल्हाप्रमुख अमोल शिंदे यांनी प्रशासनाला तातडीने पाणीपुरवठा सुरळीत न केल्यास 'हंडा मोर्चा' काढण्याचा इशारा दिला.