सतीश साखळकर यांनी, नागरिक जागृती मंच सांगली जिल्ह्याच्या वतीने, सांगलीतील प्रलंबित विकासकामांवर तीव्र नाराजी व्यक्त केली आहे. त्यांच्या मते, सांगली शहराला स्व. अजितदादांसारख्या सक्षम नेतृत्वाची नितांत गरज आहे, जे विकासकामे मार्गी लावू शकतील. सांगली आणि माधव नगर रस्त्यावरील प्रस्तावित स्टँडची जागा कित्येक वर्षांपासून जैसे थे स्थितीत असून त्यावर कोणतेही काम झालेले नाही. तसेच, ई-शिवाई बसेस मिळाल्या असल्या तरी, त्यांच्यासाठी आवश्यक चार्जिंग स्टेशनची सोय उपलब्ध नाही, याला त्यांनी “वराती मागून घोडे” असे संबोधले. तालुक्यांमध्ये चार्जिंग स्टेशन उभारली गेली असली तरी, जिल्ह्याचे ठिकाण असलेल्या सांगली, मिरज आणि कुपवाड शहरात ती नाहीत, यावरही त्यांनी प्रश्नचिन्ह उपस्थित केले. या गंभीर प्रश्नांवर आवाज उठवल्यास तात्काळ “अर्बन नक्षली, काँग्रेस प्रेमी, देशद्रोही” अशा उपमा देऊन शांत करण्याचा प्रयत्न केला जातो, अशी खंतही साखळकर यांनी व्यक्त केली. त्यामुळे, सांगली जिल्ह्याला स्व.अजितदादांसारखे प्रभावी नेतृत्व कधी मिळेल, असा सवाल त्यांनी उपस्थित केला आहे.

EXPRESS NEWS

Press advisory Miraj, Sangli•

2 hrs ago

सतीश साखळकर यांनी, नागरिक जागृती मंच सांगली जिल्ह्याच्या वतीने, सांगलीतील प्रलंबित विकासकामांवर तीव्र नाराजी व्यक्त केली आहे. त्यांच्या मते, सांगली शहराला स्व. अजितदादांसारख्या सक्षम नेतृत्वाची नितांत गरज आहे, जे विकासकामे मार्गी लावू शकतील. सांगली आणि माधव नगर रस्त्यावरील प्रस्तावित स्टँडची जागा कित्येक वर्षांपासून जैसे थे स्थितीत असून त्यावर कोणतेही काम झालेले नाही. तसेच, ई-शिवाई बसेस मिळाल्या असल्या तरी, त्यांच्यासाठी आवश्यक चार्जिंग स्टेशनची सोय उपलब्ध नाही, याला त्यांनी “वराती मागून घोडे” असे संबोधले. तालुक्यांमध्ये चार्जिंग स्टेशन उभारली गेली असली तरी, जिल्ह्याचे ठिकाण असलेल्या सांगली, मिरज आणि कुपवाड शहरात ती नाहीत, यावरही त्यांनी प्रश्नचिन्ह उपस्थित केले. या गंभीर प्रश्नांवर आवाज उठवल्यास तात्काळ “अर्बन नक्षली, काँग्रेस प्रेमी, देशद्रोही” अशा उपमा देऊन शांत करण्याचा प्रयत्न केला जातो, अशी खंतही साखळकर यांनी व्यक्त केली. त्यामुळे, सांगली जिल्ह्याला स्व.अजितदादांसारखे प्रभावी नेतृत्व कधी मिळेल, असा सवाल त्यांनी उपस्थित केला आहे.