वाशिम जिल्हा प्रतिनिधी विश्वास कुटे यांच्या सातत्यपूर्ण पाठपुराव्यामुळे पेडगाव (मंगरूळपीर) येथील गेल्या १५ ते २० वर्षांपासून रखडलेला पिण्याच्या पाण्याचा प्रश्न अखेर मिटला आहे. अनेक वर्षांच्या प्रतीक्षेनंतर गावातील प्रत्येक घराघरात नळाद्वारे शुद्ध पिण्याचे पाणी पोहोचले असून, यामुळे पेडगावात आनंदाचे वातावरण निर्माण झाले आहे. गावातील नागरिकांना पिण्याच्या पाण्यासाठी वर्षानुवर्षे कराव्या लागलेल्या संघर्षाची दखल घेत, पत्रकार विश्वास कुटे यांनी हा गंभीर प्रश्न सातत्याने प्रशासनाच्या निदर्शनास आणला. त्यांनी शासन स्तरावर तसेच संबंधित विभागाच्या अधिकाऱ्यांकडे प्रभावी पाठपुरावा करत रखडलेली नळ पाणीपुरवठा योजना मार्गी लावण्यासाठी अथक प्रयत्न केले. या पाठपुराव्याचे फलित म्हणून, २२ जून रोजी पेडगावमध्ये नळ योजनेद्वारे प्रत्यक्ष घराघरात पाणीपुरवठा सुरू करण्यात आला. यामुळे पाण्यासाठी दूरवर भटकंती करणाऱ्या महिला आणि इतर ग्रामस्थांची अनेक वर्षांची मोठी समस्या दूर झाली आहे. गावाच्या मूलभूत गरजेचा प्रश्न सुटल्याने नागरिकांनी समाधान व्यक्त केले असून, पत्रकार विश्वास कुटे यांच्या कार्याचे कौतुक केले आहे. ग्रामस्थांनी म्हटले आहे की, त्यांच्या सातत्यपूर्ण प्रयत्नांमुळे आज पेडगावची तहान भागली असून, हा पेडगावच्या विकासाच्या वाटचालीतील एक महत्त्वाचा टप्पा आहे. या प्रसंगी पत्रकार विश्वास कुटे यांनी भविष्यातही पेडगावच्या विकासासाठी कोणतीही समस्या असल्यास ती प्रशासनापर्यंत पोहोचवून सोडवण्यासाठी सदैव प्रयत्नशील राहण्याची ग्वाही दिली. त्यांच्या या प्रयत्नांचे ग्रामस्थांनी स्वागत केले असून, पेडगावच्या सर्वांगीण विकासाची एक नवी दिशा सुरू झाल्याची भावना व्यक्त केली आहे, कारण १५ वर्षांचा पाणी वनवास संपल्याने पेडगावात विकासाची नवी पहाट उगवली आहे.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

1 hr ago

वाशिम जिल्हा प्रतिनिधी विश्वास कुटे यांच्या सातत्यपूर्ण पाठपुराव्यामुळे पेडगाव (मंगरूळपीर) येथील गेल्या १५ ते २० वर्षांपासून रखडलेला पिण्याच्या पाण्याचा प्रश्न अखेर मिटला आहे. अनेक वर्षांच्या प्रतीक्षेनंतर गावातील प्रत्येक घराघरात नळाद्वारे शुद्ध पिण्याचे पाणी पोहोचले असून, यामुळे पेडगावात आनंदाचे वातावरण निर्माण झाले आहे. गावातील नागरिकांना पिण्याच्या पाण्यासाठी वर्षानुवर्षे कराव्या लागलेल्या संघर्षाची दखल घेत, पत्रकार विश्वास कुटे यांनी हा गंभीर प्रश्न सातत्याने प्रशासनाच्या निदर्शनास आणला. त्यांनी शासन स्तरावर तसेच संबंधित

विभागाच्या अधिकाऱ्यांकडे प्रभावी पाठपुरावा करत रखडलेली नळ पाणीपुरवठा योजना मार्गी लावण्यासाठी अथक प्रयत्न केले. या पाठपुराव्याचे फलित म्हणून, २२ जून रोजी पेडगावमध्ये नळ योजनेद्वारे प्रत्यक्ष घराघरात पाणीपुरवठा सुरू करण्यात आला. यामुळे पाण्यासाठी दूरवर भटकंती करणाऱ्या महिला आणि इतर ग्रामस्थांची अनेक वर्षांची मोठी समस्या दूर झाली आहे. गावाच्या मूलभूत गरजेचा प्रश्न सुटल्याने नागरिकांनी समाधान व्यक्त केले असून, पत्रकार विश्वास कुटे यांच्या कार्याचे कौतुक केले आहे. ग्रामस्थांनी म्हटले आहे की,

त्यांच्या सातत्यपूर्ण प्रयत्नांमुळे आज पेडगावची तहान भागली असून, हा पेडगावच्या विकासाच्या वाटचालीतील एक महत्त्वाचा टप्पा आहे. या प्रसंगी पत्रकार विश्वास कुटे यांनी भविष्यातही पेडगावच्या विकासासाठी कोणतीही समस्या असल्यास ती प्रशासनापर्यंत पोहोचवून सोडवण्यासाठी सदैव प्रयत्नशील राहण्याची ग्वाही दिली. त्यांच्या या प्रयत्नांचे ग्रामस्थांनी स्वागत केले असून, पेडगावच्या सर्वांगीण विकासाची एक नवी दिशा सुरू झाल्याची भावना व्यक्त केली आहे, कारण १५ वर्षांचा पाणी वनवास संपल्याने पेडगावात विकासाची नवी पहाट उगवली आहे.