९७ हजार थकबाकीदार शेतकऱ्यांचे दोन लाख रुपयांपर्यंतचे कर्ज माफ होणार; नियमित कर्जफेड करणाऱ्यांना ५० हजारांचे प्रोत्साहन – जिल्हाधिकारी कीर्ती किरण पुजार ९७ हजार थकबाकीदार शेतकऱ्यांचे दोन लाख रुपयांपर्यंतचे कर्ज माफ होणार; नियमित कर्जफेड करणाऱ्यांना ५० हजारांचे प्रोत्साहन – जिल्हाधिकारी कीर्ती किरण पुजार धाराशिव | प्रतिनिधी राज्य शासनाच्या पुण्यश्लोक अहिल्यादेवी होळकर शेतकरी कर्जमुक्ती योजने अंतर्गत धाराशिव जिल्ह्यातील सुमारे तीन लाख शेतकऱ्यांना लाभ मिळणार असून, त्यापैकी ९७ हजार थकबाकीदार शेतकऱ्यांचे दोन लाख रुपयांपर्यंतचे पीककर्ज माफ करण्यात येणार असल्याची माहिती जिल्हाधिकारी कीर्ती किरण पुजार यांनी पत्रकार परिषदेत दिली. जिल्हाधिकारी कार्यालयात आयोजित पत्रकार परिषदेत बोलताना त्यांनी सांगितले की, शासनाच्या निर्णयानुसार पात्र शेतकऱ्यांना कर्जमाफीचा लाभ देण्याची प्रक्रिया सुरू झाली आहे. लाभार्थ्यांच्या याद्या जिल्ह्यातील ग्रामपंचायती, तलाठी कार्यालये, संबंधित बँका तसेच शासन सेवा केंद्रांमध्ये प्रसिद्ध करण्यात आल्या आहेत. योजनेअंतर्गत दोन लाख रुपयांपर्यंतचे थकीत पीककर्ज असलेल्या पात्र शेतकऱ्यांना कर्जमाफीचा लाभ मिळणार आहे. त्यामुळे आर्थिक अडचणीत असलेल्या शेतकऱ्यांना मोठा दिलासा मिळणार असून, भविष्यात नव्याने पीककर्ज घेण्याचाही मार्ग मोकळा होणार आहे. याशिवाय, सन २०२२-२३, २०२३-२४ आणि २०२४-२५ या वर्षांतील निकषांनुसार नियमित कर्जफेड करणाऱ्या पात्र शेतकऱ्यांना ५० हजार रुपयांपर्यंतचे प्रोत्साहनपर अनुदान देण्यात येणार असल्याचेही जिल्हाधिकारी पुजार यांनी स्पष्ट केले. काही प्रकरणांमध्ये आधार प्रमाणीकरण अपूर्ण असणे, बँक खाते आधारशी संलग्न नसणे, वारसदारांची नोंद प्रलंबित असणे किंवा महसूल व बँकेच्या नोंदींमध्ये तफावत असणे यामुळे लाभ मिळण्यास विलंब होत आहे. अशा शेतकऱ्यांनी संबंधित बँक, तहसील कार्यालय किंवा शासन सेवा केंद्राशी संपर्क साधून आवश्यक त्रुटी तातडीने दूर कराव्यात, असे आवाहन त्यांनी केले. प्रक्रिया पूर्ण झाल्यानंतर पात्र शेतकऱ्यांच्या खात्यात कर्जमाफीची रक्कम आणि प्रोत्साहनपर अनुदान टप्प्याटप्प्याने जमा करण्यात येणार आहे. कोणत्याही अफवांवर विश्वास न ठेवता केवळ शासनाच्या अधिकृत माहितीनुसार आवश्यक कार्यवाही करावी, असे आवाहन जिल्हाधिकारी कीर्ती किरण पुजार यांनी केले.

आप्पा भगवान सिरसाठे

Newspaper publisher उस्मानाबाद, उस्मानाबाद, महाराष्ट्र•

5 hrs ago

९७ हजार थकबाकीदार शेतकऱ्यांचे दोन लाख रुपयांपर्यंतचे कर्ज माफ होणार; नियमित कर्जफेड करणाऱ्यांना ५० हजारांचे प्रोत्साहन – जिल्हाधिकारी कीर्ती किरण पुजार ९७ हजार थकबाकीदार शेतकऱ्यांचे दोन लाख रुपयांपर्यंतचे कर्ज माफ होणार; नियमित कर्जफेड करणाऱ्यांना ५० हजारांचे प्रोत्साहन – जिल्हाधिकारी कीर्ती किरण पुजार धाराशिव | प्रतिनिधी राज्य शासनाच्या पुण्यश्लोक अहिल्यादेवी होळकर शेतकरी कर्जमुक्ती योजने अंतर्गत धाराशिव जिल्ह्यातील सुमारे तीन लाख शेतकऱ्यांना लाभ मिळणार असून, त्यापैकी ९७ हजार थकबाकीदार शेतकऱ्यांचे दोन लाख रुपयांपर्यंतचे पीककर्ज माफ करण्यात येणार असल्याची माहिती जिल्हाधिकारी कीर्ती किरण पुजार यांनी पत्रकार परिषदेत दिली. जिल्हाधिकारी कार्यालयात आयोजित पत्रकार परिषदेत बोलताना त्यांनी सांगितले की, शासनाच्या निर्णयानुसार पात्र शेतकऱ्यांना कर्जमाफीचा लाभ देण्याची प्रक्रिया सुरू झाली आहे. लाभार्थ्यांच्या याद्या जिल्ह्यातील ग्रामपंचायती, तलाठी कार्यालये, संबंधित बँका तसेच शासन सेवा केंद्रांमध्ये प्रसिद्ध करण्यात आल्या आहेत. योजनेअंतर्गत दोन लाख रुपयांपर्यंतचे थकीत पीककर्ज असलेल्या पात्र शेतकऱ्यांना कर्जमाफीचा लाभ मिळणार आहे. त्यामुळे आर्थिक अडचणीत असलेल्या शेतकऱ्यांना मोठा दिलासा मिळणार असून, भविष्यात नव्याने पीककर्ज घेण्याचाही मार्ग मोकळा होणार आहे. याशिवाय, सन २०२२-२३, २०२३-२४ आणि २०२४-२५ या वर्षांतील निकषांनुसार नियमित कर्जफेड करणाऱ्या पात्र शेतकऱ्यांना ५० हजार रुपयांपर्यंतचे प्रोत्साहनपर अनुदान देण्यात येणार असल्याचेही जिल्हाधिकारी पुजार यांनी स्पष्ट केले. काही प्रकरणांमध्ये आधार प्रमाणीकरण अपूर्ण असणे, बँक खाते आधारशी संलग्न नसणे, वारसदारांची नोंद प्रलंबित असणे किंवा महसूल व बँकेच्या नोंदींमध्ये तफावत असणे यामुळे लाभ मिळण्यास विलंब होत आहे. अशा शेतकऱ्यांनी संबंधित बँक, तहसील कार्यालय किंवा शासन सेवा केंद्राशी संपर्क साधून आवश्यक त्रुटी तातडीने दूर कराव्यात, असे आवाहन त्यांनी केले. प्रक्रिया पूर्ण झाल्यानंतर पात्र शेतकऱ्यांच्या खात्यात कर्जमाफीची रक्कम आणि प्रोत्साहनपर अनुदान टप्प्याटप्प्याने जमा करण्यात येणार आहे. कोणत्याही अफवांवर विश्वास न ठेवता केवळ शासनाच्या अधिकृत माहितीनुसार आवश्यक कार्यवाही करावी, असे आवाहन जिल्हाधिकारी कीर्ती किरण पुजार यांनी केले.