फेसबुक जाहिरातीच्या आमिषाला भुलून वृद्ध व्यक्तीला बसला ९ लाख २१ हजारांचा फटका फेसबुक जाहिरातीच्या आमिषाला भुलून वृद्ध व्यक्तीला बसला ९ लाख २१ हजारांचा फटका रत्नागिरी :- सोशल मीडियावरील रिल्स आणि आकर्षक जाहिरातींच्या आमिषाला बळी पडत शहराजवळील भाटिमिऱ्या येथील एका वृद्धाला तब्बल ९ लाख २१ हजार ७०१ रुपयांचा आर्थिक फटका बसल्याची घटना उघडकीस आली आहे. ऑगस्ट २०२५ ते जानेवारी २०२६ या कालावधीत हा प्रकार घडला आहे. पोलिसांनी दिलेल्या माहितीनुसार याप्रकरणी शहर पोलीस ठाण्यात अमित चव्हाण (रा. उत्तरप्रदेश) याच्याविरोधात गुन्हा दाखल करण्यात आला आहे. याप्रकरणी हेमंत मारुती शिवलकर (वय ७१, रा. नवीन दत्तमंदिर, भाटिमिऱ्या) यांनी १४ एप्रिल रोजी तक्रार दिली आहे. तक्रारीनुसार, फेसबुकवरील रिल्स पाहताना संशयिताशी त्यांची ओळख झाली. विश्वास संपादन केल्यानंतर ५ रुपयांच्या नोटेवर ट्रॅक्टरचे चित्र असल्यास १५ लाख रुपये मिळतील, असे आमिष दाखवून आरोपीने त्यांच्याकडून विविध बँक खात्यांद्वारे व गुगल पेच्या माध्यमातून रक्कम उकळली. एवढेच नव्हे तर फिर्यादींच्या बँक खात्यांचा वापर करून इतरांची फसवणूक करूनही पैसे फिरवले गेल्याचे समोर आले आहे. वयोमानामुळे नियमित बँक व्यवहार तपासले न गेल्याने अडीच महिन्यांनी हा प्रकार उघडकीस आला. त्यानंतर त्यांनी तत्काळ पोलिसांत धाव घेतली. भारतीय न्यायसंहिता अधिनियम २०२३ च्या कलम ३१८(४) अंतर्गत गुन्हा नोंद करण्यात आला असून पुढील तपास सुरू आहे.

Aslam Shaikh

रत्नागिरी, रत्नागिरी, महाराष्ट्र•

2 hrs ago

फेसबुक जाहिरातीच्या आमिषाला भुलून वृद्ध व्यक्तीला बसला ९ लाख २१ हजारांचा फटका फेसबुक जाहिरातीच्या आमिषाला भुलून वृद्ध व्यक्तीला बसला ९ लाख २१ हजारांचा फटका रत्नागिरी :- सोशल मीडियावरील रिल्स आणि आकर्षक जाहिरातींच्या आमिषाला बळी पडत शहराजवळील भाटिमिऱ्या येथील एका वृद्धाला तब्बल ९ लाख २१ हजार ७०१ रुपयांचा आर्थिक फटका बसल्याची घटना उघडकीस आली आहे. ऑगस्ट २०२५ ते जानेवारी २०२६ या कालावधीत हा प्रकार घडला आहे. पोलिसांनी दिलेल्या माहितीनुसार याप्रकरणी शहर पोलीस ठाण्यात अमित चव्हाण (रा. उत्तरप्रदेश) याच्याविरोधात गुन्हा दाखल करण्यात आला आहे. याप्रकरणी हेमंत मारुती शिवलकर (वय ७१, रा. नवीन दत्तमंदिर, भाटिमिऱ्या) यांनी १४ एप्रिल रोजी तक्रार दिली आहे. तक्रारीनुसार, फेसबुकवरील रिल्स पाहताना संशयिताशी त्यांची ओळख झाली. विश्वास संपादन केल्यानंतर ५ रुपयांच्या नोटेवर ट्रॅक्टरचे चित्र असल्यास १५ लाख रुपये मिळतील, असे आमिष दाखवून आरोपीने त्यांच्याकडून विविध बँक खात्यांद्वारे व गुगल पेच्या माध्यमातून रक्कम उकळली. एवढेच नव्हे तर फिर्यादींच्या बँक खात्यांचा वापर करून इतरांची फसवणूक करूनही पैसे फिरवले गेल्याचे समोर आले आहे. वयोमानामुळे नियमित बँक व्यवहार तपासले न गेल्याने अडीच महिन्यांनी हा प्रकार उघडकीस आला. त्यानंतर त्यांनी तत्काळ पोलिसांत धाव घेतली. भारतीय न्यायसंहिता अधिनियम २०२३ च्या कलम ३१८(४) अंतर्गत गुन्हा नोंद करण्यात आला असून पुढील तपास सुरू आहे.