लातूर जिल्ह्यात पेट्रोल आणि डिझेलचा पुरवठा पूर्णपणे सुरळीत असून आगामी काळातही तो अखंडित राहील, अशी हमी पेट्रोलियम कंपन्यांनी दिली आहे. यामुळे नागरिकांनी कोणत्याही अफवांवर विश्वास ठेवू नये आणि अनावश्यक इंधनाची अतिरिक्त खरेदी किंवा साठवणूक करू नये, असे आवाहन जिल्हाधिकारी डॉ. भारत बास्टेवाड यांनी केले आहे. जिल्ह्यातील इंधन पुरवठ्याचा आढावा घेण्यासाठी जिल्हाधिकारी डॉ. भारत बास्टेवाड यांच्या अध्यक्षतेखाली नुकतीच जिल्हाधिकारी कार्यालयात जिल्ह्यातील पेट्रोल पंप असोसिएशनचे पदाधिकारी आणि पेट्रोलियम कंपन्यांच्या प्रतिनिधींची एक बैठक झाली. या बैठकीत, जिल्ह्याला आवश्यक असलेला पेट्रोल आणि डिझेलचा पुरवठा नियमितपणे सुरू असून भविष्यातही तो असाच अखंडित राहील, अशी माहिती पेट्रोलियम कंपन्यांच्या प्रतिनिधींनी दिली. ग्रामीण भागात सध्या मान्सूनपूर्व शेती मशागतीची कामे मोठ्या प्रमाणावर सुरू असल्याने, जिल्हाधिकाऱ्यांनी सर्व पेट्रोल पंपांवर पेट्रोल आणि डिझेलचा पुरेसा साठा सतत उपलब्ध ठेवण्याचे निर्देश दिले. तसेच, शेती मशागतीसाठी शेतकऱ्यांना, उद्योग-व्यवसाय आणि जलसंधारणाच्या कामांसाठी आवश्यक असलेले डिझेल तात्काळ उपलब्ध करून देण्याची सूचनाही त्यांनी केली. पेट्रोलियम कंपन्यांनी यावर सकारात्मक प्रतिसाद देत जिल्ह्यात कुठेही पेट्रोल किंवा डिझेलचा तुटवडा निर्माण होणार नाही, अशी ग्वाही प्रशासनाला दिली आहे. नागरिकांनी अफवांवर विश्वास न ठेवता अतिरिक्त पेट्रोल किंवा डिझेल खरेदी करू नये, असे आवाहन जिल्हाधिकाऱ्यांनी पुन्हा केले आहे. त्यांनी आवश्यक तेवढेच इंधन खरेदी करून पेट्रोल पंपांवरील अनावश्यक गर्दी टाळण्याचे आवाहन केले. जिल्हा प्रशासन सर्व पेट्रोलियम कंपन्या आणि पेट्रोल पंप चालकांच्या सतत संपर्कात असून, जिल्ह्यात पेट्रोल व डिझेलचा पुरेसा साठा उपलब्ध असल्याची स्पष्टता डॉ. बास्टेवाड यांनी दिली.

Sunil Gawali

शिरूर-अनंतपाळ, लातूर, महाराष्ट्र•

11 hrs ago

लातूर जिल्ह्यात पेट्रोल आणि डिझेलचा पुरवठा पूर्णपणे सुरळीत असून आगामी काळातही तो अखंडित राहील, अशी हमी पेट्रोलियम कंपन्यांनी दिली आहे. यामुळे नागरिकांनी कोणत्याही अफवांवर विश्वास ठेवू नये आणि अनावश्यक इंधनाची अतिरिक्त खरेदी किंवा साठवणूक करू नये, असे आवाहन जिल्हाधिकारी डॉ. भारत बास्टेवाड यांनी केले आहे. जिल्ह्यातील इंधन पुरवठ्याचा आढावा घेण्यासाठी जिल्हाधिकारी डॉ. भारत बास्टेवाड यांच्या अध्यक्षतेखाली नुकतीच जिल्हाधिकारी कार्यालयात जिल्ह्यातील पेट्रोल पंप असोसिएशनचे पदाधिकारी आणि पेट्रोलियम कंपन्यांच्या प्रतिनिधींची एक बैठक झाली. या बैठकीत, जिल्ह्याला आवश्यक असलेला पेट्रोल आणि डिझेलचा पुरवठा नियमितपणे सुरू असून भविष्यातही तो असाच अखंडित राहील, अशी माहिती पेट्रोलियम कंपन्यांच्या प्रतिनिधींनी दिली. ग्रामीण भागात सध्या मान्सूनपूर्व शेती मशागतीची कामे मोठ्या प्रमाणावर सुरू असल्याने, जिल्हाधिकाऱ्यांनी सर्व पेट्रोल पंपांवर पेट्रोल आणि डिझेलचा पुरेसा साठा सतत उपलब्ध ठेवण्याचे निर्देश दिले. तसेच, शेती मशागतीसाठी शेतकऱ्यांना, उद्योग-व्यवसाय आणि जलसंधारणाच्या कामांसाठी आवश्यक असलेले डिझेल तात्काळ उपलब्ध करून देण्याची सूचनाही त्यांनी केली. पेट्रोलियम कंपन्यांनी यावर सकारात्मक प्रतिसाद देत जिल्ह्यात कुठेही पेट्रोल किंवा डिझेलचा तुटवडा निर्माण होणार नाही, अशी ग्वाही प्रशासनाला दिली आहे. नागरिकांनी अफवांवर विश्वास न ठेवता अतिरिक्त पेट्रोल किंवा डिझेल खरेदी करू नये, असे आवाहन जिल्हाधिकाऱ्यांनी पुन्हा केले आहे. त्यांनी आवश्यक तेवढेच इंधन खरेदी करून पेट्रोल पंपांवरील अनावश्यक गर्दी टाळण्याचे आवाहन केले. जिल्हा प्रशासन सर्व पेट्रोलियम कंपन्या आणि पेट्रोल पंप चालकांच्या सतत संपर्कात असून, जिल्ह्यात पेट्रोल व डिझेलचा पुरेसा साठा उपलब्ध असल्याची स्पष्टता डॉ. बास्टेवाड यांनी दिली.