మేడ్చల్-మల్కాజ్‌గిరి జిల్లా షామీర్‌పేట మండలంలోని జవహర్ నగర్ డంపింగ్ యార్డును ఎత్తివేయాలని డిమాండ్ చేస్తూ చేపట్ట తలపెట్టిన నిరసన కార్యక్రమానికి ముందు జరిగిన అక్రమ ముందస్తు అరెస్టులను సీనియర్ నాయకులు నాగరాజు యాదవ్, సూర్య శేఖర్ రెడ్డి, నల్ల వెంకటరెడ్డి, జూపల్లి నరేష్ తీవ్రంగా ఖండించారు. ప్రజల ఆరోగ్యం, పర్యావరణ పరిరక్షణ కోసం సాగుతున్న ప్రజాస్వామ్య ఉద్యమాలను అణచివేయడం ప్రజాస్వామ్యానికే విరుద్ధమని వారు ఆందోళన వ్యక్తం చేశారు. హైదరాబాద్ నగర ప్రధాన చెత్త డంపింగ్ యార్డు అయిన జవహర్ నగర్ దాదాపు 300 ఎకరాల్లో విస్తరించి ఉందని, 1999 సంవత్సరం నుంచి జీహెచ్‌ఎంసీ పరిధిలోని ఆరు జోన్ల నుండి రోజుకు దాదాపు 4,500 నుంచి 5,000 టన్నుల ఇళ్లు, వీధులు, హోటళ్ల ఘన వ్యర్థాలను ఇక్కడ వేస్తున్నారని వారు తెలిపారు. ఈ చెత్త కుళ్లిపోవడం వల్ల మీథేన్ వాయువు విడుదలై తీవ్ర వాయు కాలుష్యం ఏర్పడుతోందని, వేసవిలో మంటలు చెలరేగుతున్నాయని ఆవేదన వ్యక్తం చేశారు. అలాగే, లీచేట్ కలుషిత నీరు భూగర్భ జలాల్లో కలవడం వల్ల తీవ్ర నీటి కాలుష్యం జరుగుతోందని పేర్కొన్నారు. ఈ డంపింగ్ యార్డు కారణంగా చుట్టుపక్కల ఉన్న పది గ్రామాల ప్రజలు శ్వాసకోశ, చర్మ సంబంధిత వ్యాధులతో తీవ్రంగా ఇబ్బంది పడుతున్నారని, 5 నుంచి 10 కిలోమీటర్ల మేర తీవ్ర దుర్వాసన వ్యాపిస్తోందని నాయకులు ఆరోపించారు. ప్రజల ప్రాణాలు, ఆరోగ్యాలను పణంగా పెట్టే ఈ యార్డును వెంటనే ఎత్తివేసి, ప్రత్యామ్నాయ శాస్త్రీయ వ్యర్థ నిర్వహణ వ్యవస్థను ఏర్పాటు చేయాలని ప్రభుత్వాన్ని డిమాండ్ చేశారు. ప్రజల న్యాయమైన ఆందోళనలను అర్థం చేసుకుని, ముందస్తు అరెస్టులు ఆపాలని, తక్షణమే సమస్య పరిష్కారానికి చర్యలు తీసుకోవాలని వారు ప్రభుత్వాన్ని కోరారు.

Suresh Sagar

కాప్రా, మేడ్చల్ మల్కాజ్‌గిరి, తెలంగాణ•

2 hrs ago

మేడ్చల్-మల్కాజ్‌గిరి జిల్లా షామీర్‌పేట మండలంలోని జవహర్ నగర్ డంపింగ్ యార్డును ఎత్తివేయాలని డిమాండ్ చేస్తూ చేపట్ట తలపెట్టిన నిరసన కార్యక్రమానికి ముందు జరిగిన అక్రమ ముందస్తు అరెస్టులను సీనియర్ నాయకులు నాగరాజు యాదవ్, సూర్య శేఖర్ రెడ్డి, నల్ల వెంకటరెడ్డి, జూపల్లి నరేష్ తీవ్రంగా ఖండించారు. ప్రజల ఆరోగ్యం, పర్యావరణ పరిరక్షణ కోసం సాగుతున్న ప్రజాస్వామ్య ఉద్యమాలను అణచివేయడం ప్రజాస్వామ్యానికే విరుద్ధమని వారు ఆందోళన వ్యక్తం చేశారు. హైదరాబాద్ నగర ప్రధాన చెత్త డంపింగ్ యార్డు అయిన జవహర్ నగర్ దాదాపు 300 ఎకరాల్లో విస్తరించి ఉందని, 1999 సంవత్సరం నుంచి జీహెచ్‌ఎంసీ పరిధిలోని ఆరు జోన్ల నుండి రోజుకు దాదాపు 4,500 నుంచి 5,000 టన్నుల ఇళ్లు, వీధులు, హోటళ్ల ఘన వ్యర్థాలను ఇక్కడ వేస్తున్నారని వారు తెలిపారు. ఈ చెత్త కుళ్లిపోవడం వల్ల మీథేన్ వాయువు విడుదలై తీవ్ర వాయు కాలుష్యం ఏర్పడుతోందని, వేసవిలో మంటలు చెలరేగుతున్నాయని ఆవేదన వ్యక్తం చేశారు. అలాగే, లీచేట్ కలుషిత నీరు భూగర్భ జలాల్లో కలవడం వల్ల తీవ్ర నీటి కాలుష్యం జరుగుతోందని పేర్కొన్నారు. ఈ డంపింగ్ యార్డు కారణంగా చుట్టుపక్కల ఉన్న పది గ్రామాల ప్రజలు శ్వాసకోశ, చర్మ సంబంధిత వ్యాధులతో తీవ్రంగా ఇబ్బంది పడుతున్నారని, 5 నుంచి 10 కిలోమీటర్ల మేర తీవ్ర దుర్వాసన వ్యాపిస్తోందని నాయకులు ఆరోపించారు. ప్రజల ప్రాణాలు, ఆరోగ్యాలను పణంగా పెట్టే ఈ యార్డును వెంటనే ఎత్తివేసి, ప్రత్యామ్నాయ శాస్త్రీయ వ్యర్థ నిర్వహణ వ్యవస్థను ఏర్పాటు చేయాలని ప్రభుత్వాన్ని డిమాండ్ చేశారు. ప్రజల న్యాయమైన ఆందోళనలను అర్థం చేసుకుని, ముందస్తు అరెస్టులు ఆపాలని, తక్షణమే సమస్య పరిష్కారానికి చర్యలు తీసుకోవాలని వారు ప్రభుత్వాన్ని కోరారు.