ଝାରସୁଗୁଡ଼ା ବିଟିଏମ ସ୍ଥିତ ଫାର୍ମାସି କଲେଜ ପ୍ରେକ୍ଷାଳୟରେ ପଶ୍ଚିମାଞ୍ଚଳ ଏକତା ମଞ୍ଚ ଝାରସୁଗୁଡ଼ା ଓ ଉତ୍କଳ ସାହିତ୍ୟ ସମାଜର ମିଳିତ ଆନୁକୂଲ୍ୟରେ ନାଟ୍ୟ ମହର୍ଷି ଗୁରୁ ଭଗବାନ ସାହୁଙ୍କ ୯୫ ତମ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଯାଇଛି। ପଶ୍ଚିମାଞ୍ଚଳ ଏକତାମଞ୍ଚର ସଭାପତି ରାଜେଶ ପାଢ଼ୀଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ଲକ୍ଷ୍ମୀ ନାରାୟଣ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ନରେନ୍ଦ୍ର କୁମାର ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସେ ଗୁରୁ ଭଗବାନ ସାହୁଙ୍କ ଫଟୋ ଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ଜ୍ୱଳନ କରି ଶ୍ରଦ୍ଧା ସୁମନ ଅର୍ପଣ କରିବା ସହ ଗୁରୁଙ୍କ ତ୍ୟାଗପୂତ ଜୀବନୀ ଉପରେ ଆଲୋକପାତ କରିଥିଲେ। ଉତ୍ସବରେ ଉତ୍କଳ ସାହିତ୍ୟ ସମାଜର ଆବାହିକା ଅଧ୍ୟାପିକା ମନ୍ଦାକିନୀ ଶତପଥୀ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ମୁଖ୍ୟବକ୍ତା କବି ସୁବୋଧ ଚନ୍ଦ୍ର ପଟେଲ ଗୁରୁଙ୍କ ଜୀବନୀ ଉପରେ ବକ୍ତବ୍ୟ ପ୍ରଦାନ କରିଥିଲେ। ସମ୍ମାନନୀୟ ଅତିଥି ପ୍ରେମ ସାଗର ଦେହେରିଆ ଗୁରୁଙ୍କ ଐତିହାସିକ, କିମ୍ବଦନ୍ତୀ ମୂଳକ ଓ ସାମାଜିକ ନାଟକ ସମେତ ଲୋକ ମହୋତ୍ସବରେ ତାଙ୍କର ଅବଦାନ ସମ୍ପର୍କରେ ଆଲୋଚନା କରିଥିଲେ। ଅନ୍ୟତମ ଅତିଥି ଗୀତିକବି ପ୍ରେମସାଗର ଦାସ, ରାଜଶ୍ରୀ ମେହେର ଓ ଆରତୀ ପଣ୍ଡା ତାଙ୍କର ଶବ୍ଦନୃତ୍ୟ ଏବଂ ସମଗ୍ର ପଶ୍ଚିମ ଓଡ଼ିଶାରେ ଗୋଟିଏ ଦିନରେ ନୂଆଖାଇ ପର୍ବ ପାଳନ ପାଇଁ କରିଥିବା ସଂଗ୍ରାମ ସମ୍ପର୍କରେ ଆଲୋଚନା କରିଥିଲେ। ଏଥିସହ ମହିଳା ସଂଯୋଜିକା ସୁଜାତା ମିଶ୍ର ଗୁରୁଙ୍କ ତ୍ୟାଗପୂତ ଜୀବନାଦର୍ଶ ବିଷୟରେ ଆଗାମୀ ପିଢି଼ଙ୍କୁ ଅବଗତ କରାଇବା ପାଇଁ ପ୍ରତ୍ୟେକ ସଚେତନ ସଂସ୍କୃତି ପ୍ରେମୀ ପ୍ରୟାସ କରିବା ଉଚିତ ବୋଲି ମତପ୍ରକାଶ କରିଥିଲେ। ଏହି ଶ୍ରଦ୍ଧାଞ୍ଜଳି ସଭାରେ ଉମେଶ ବେହେରା, ସତ୍ୟ ପଣ୍ଡା, ମିତେନ ରାଉତ, ସସ୍ମିତା ପଣ୍ଡା, ନବନୀତ କୌର ଓ ଦୀପା ନାୟକ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଗୁରୁଙ୍କ ସ୍ମୃତିଚାରଣ କରିଥିଲେ। ସଭା ଶେଷରେ ଆଲୋକ ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।

PNC MEDIA

ବରଗଡ଼, ବରଗଡ଼, ଓଡ଼ିଶା•

1 hr ago

ଝାରସୁଗୁଡ଼ା ବିଟିଏମ ସ୍ଥିତ ଫାର୍ମାସି କଲେଜ ପ୍ରେକ୍ଷାଳୟରେ ପଶ୍ଚିମାଞ୍ଚଳ ଏକତା ମଞ୍ଚ ଝାରସୁଗୁଡ଼ା ଓ ଉତ୍କଳ ସାହିତ୍ୟ ସମାଜର ମିଳିତ ଆନୁକୂଲ୍ୟରେ ନାଟ୍ୟ ମହର୍ଷି ଗୁରୁ ଭଗବାନ ସାହୁଙ୍କ ୯୫ ତମ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଯାଇଛି। ପଶ୍ଚିମାଞ୍ଚଳ ଏକତାମଞ୍ଚର ସଭାପତି ରାଜେଶ ପାଢ଼ୀଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ଲକ୍ଷ୍ମୀ ନାରାୟଣ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ନରେନ୍ଦ୍ର କୁମାର ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସେ ଗୁରୁ ଭଗବାନ ସାହୁଙ୍କ ଫଟୋ ଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ଜ୍ୱଳନ କରି ଶ୍ରଦ୍ଧା ସୁମନ ଅର୍ପଣ କରିବା ସହ ଗୁରୁଙ୍କ ତ୍ୟାଗପୂତ ଜୀବନୀ ଉପରେ ଆଲୋକପାତ କରିଥିଲେ। ଉତ୍ସବରେ ଉତ୍କଳ ସାହିତ୍ୟ ସମାଜର ଆବାହିକା ଅଧ୍ୟାପିକା ମନ୍ଦାକିନୀ ଶତପଥୀ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ମୁଖ୍ୟବକ୍ତା କବି ସୁବୋଧ ଚନ୍ଦ୍ର ପଟେଲ ଗୁରୁଙ୍କ ଜୀବନୀ ଉପରେ ବକ୍ତବ୍ୟ ପ୍ରଦାନ କରିଥିଲେ। ସମ୍ମାନନୀୟ ଅତିଥି ପ୍ରେମ ସାଗର ଦେହେରିଆ ଗୁରୁଙ୍କ ଐତିହାସିକ, କିମ୍ବଦନ୍ତୀ ମୂଳକ ଓ ସାମାଜିକ ନାଟକ ସମେତ ଲୋକ ମହୋତ୍ସବରେ ତାଙ୍କର ଅବଦାନ ସମ୍ପର୍କରେ ଆଲୋଚନା କରିଥିଲେ। ଅନ୍ୟତମ ଅତିଥି ଗୀତିକବି ପ୍ରେମସାଗର ଦାସ, ରାଜଶ୍ରୀ ମେହେର ଓ ଆରତୀ ପଣ୍ଡା ତାଙ୍କର ଶବ୍ଦନୃତ୍ୟ ଏବଂ ସମଗ୍ର ପଶ୍ଚିମ ଓଡ଼ିଶାରେ ଗୋଟିଏ ଦିନରେ ନୂଆଖାଇ ପର୍ବ ପାଳନ ପାଇଁ କରିଥିବା ସଂଗ୍ରାମ ସମ୍ପର୍କରେ ଆଲୋଚନା କରିଥିଲେ। ଏଥିସହ ମହିଳା ସଂଯୋଜିକା ସୁଜାତା ମିଶ୍ର ଗୁରୁଙ୍କ ତ୍ୟାଗପୂତ ଜୀବନାଦର୍ଶ ବିଷୟରେ ଆଗାମୀ ପିଢି଼ଙ୍କୁ ଅବଗତ କରାଇବା ପାଇଁ ପ୍ରତ୍ୟେକ ସଚେତନ ସଂସ୍କୃତି ପ୍ରେମୀ ପ୍ରୟାସ କରିବା ଉଚିତ ବୋଲି ମତପ୍ରକାଶ କରିଥିଲେ। ଏହି ଶ୍ରଦ୍ଧାଞ୍ଜଳି ସଭାରେ ଉମେଶ ବେହେରା, ସତ୍ୟ ପଣ୍ଡା, ମିତେନ ରାଉତ, ସସ୍ମିତା ପଣ୍ଡା, ନବନୀତ କୌର ଓ ଦୀପା ନାୟକ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଗୁରୁଙ୍କ ସ୍ମୃତିଚାରଣ କରିଥିଲେ। ସଭା ଶେଷରେ ଆଲୋକ ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।