ତିର୍ତ୍ତୋଲ ନିର୍ବାଚନ ମଣ୍ଡଳୀ ସ୍ତରରେ ବିଜୁ ମହିଳା ଜନତା ଦଳ ପକ୍ଷରୁ 'ନାରୀ ଅଧିକାର ଅଭିଯାନ' ଏକ ବିଶାଳ ମହିଳା ସମାବେଶ ସହିତ ଅନୁଷ୍ଠିତ ହୋଇଯାଇଛି। ଜ଼ିଲ୍ଲା ବିଜେଡି ମହିଳା ସଭାନେତ୍ରୀ ଲୋରା ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶୋଭାଯାତ୍ରାରେ ୨୯ଟି ପଞ୍ଚାୟତରୁ ଏକ ହଜାରରୁ ଉର୍ଦ୍ଧ୍ୱ ମହିଳା ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ନବୀନଙ୍କ ଖାସ୍ ଅନୁଗତ ତଥା ରାଜ୍ୟ ବିଜେଡି ଉପ-ସଭାନେତ୍ରୀ ଶ୍ରୀମତୀ ସୁମିତ୍ରା ଜେନା ହଠାତ୍ ଯୋଗଦେଇଥିଲେ। ଜଗତସିଂହପୁର ମାଟିକୁ ଏହା ତାଙ୍କର ପ୍ରଥମ ଗସ୍ତ ଥିବାରୁ ବହୁ ନାରୀନେତ୍ରୀ ତାଙ୍କୁ ପୁଷ୍ପଗୁଚ୍ଛ ଦେଇ ସଭାକୁ ପାଛୋଟି ନେଇଥିଲେ। ମାଧ୍ୟମ ପ୍ରତିନିଧିମାନେ ଏହି 'ନାରୀ ଅଧିକାର ଅଭିଯାନ' ସମ୍ପର୍କରେ ପଚାରିବାରୁ ସୁମିତ୍ରା ଜେନା ରାଜ୍ୟରେ ଚାଲିଥିବା ଡବଲ ଇଞ୍ଜିନ ସରକାର ଉପରେ ବର୍ଷିଥିଲେ। ସେ କହିଥିଲେ ଯେ, ଯେଉଁ ଗଛ ଅତି ଶୀଘ୍ର ବଢ଼େ, ତାହା ଅତି ଶୀଘ୍ର ଭୂମିରୁ ଲୋପପାଏ, ଠିକ୍ ସେହିଭଳି ରାଜ୍ୟରେ ଚାଲିଥିବା ବିଜେପି ସରକାରର ଦମ୍ କେତେ ତାହା ଲୋକେ ଜାଣିସାରିଲେଣି। ସେ ଅଭିଯୋଗ କରିଥିଲେ ଯେ ଏହି ଡବଲ ଇଞ୍ଜିନ ସରକାର ଆସୁ ଆସୁ ପ୍ରଥମେ ନାରୀ ଜାତିକୁ ପଛପଟୁ ଧକ୍କା ମାରିଛି। ରାଜ୍ୟରେ ଚୋରି, ଡକାୟତି, ରାହାଜାନୀ ସହିତ ଦିନ ଦୁଇ ପ୍ରହରରେ ରାସ୍ତା ଉପରେ ମର୍ଡର ଭଳି ଘଟଣା ଯୋଗୁଁ ନାରୀମାନେ ଅସୁରକ୍ଷିତ ମନେ କରୁଛନ୍ତି, ଯାହା ଫଳରେ ଆଇନ ଶୃଙ୍ଖଳା ପରିସ୍ଥିତି ଦିନକୁ ଦିନ ଜଟିଳ ହେବାରେ ଲାଗିଛି ବୋଲି ସେ ଦର୍ଶାଇଥିଲେ। ସୁମିତ୍ରା ଜେନା ଏହି ବିଜେପି ସରକାରକୁ 'ସୁଭଦ୍ରା ଯୋଜନା' ନାମରେ ନାରୀ ଜାତିକୁ ଠକିଥିବା ଅଭିଯୋଗ କରି କହିଥିଲେ ଯେ, ନିର୍ବାଚନ ଏଜେଣ୍ଡା ଅନୁଯାୟୀ ଏକାଥରେ ୫୦ ହଜାର ଟଙ୍କା ଦେବେ ବୋଲି କହିଥିବା ସରକାର କାର୍ଯ୍ୟଭାର ଗ୍ରହଣ କରିବା ପରେ ୬ ମାସକୁ ୫ ହଜାର ଟଙ୍କା ଦେଉଛି ଏବଂ ମହିଳାମାନଙ୍କୁ ଛେଳି କିଣି ସ୍ୱାବଲମ୍ବୀ ହେବାକୁ କହୁଛି। ସେ ଏହାକୁ ମହିଳାଙ୍କୁ ପ୍ରଥମ ପାହାଚରେ ଝୁଣ୍ଟିବା ସଦୃଶ ବୋଲି ବର୍ଣ୍ଣନା କରିଥିଲେ। ସେ ଆହୁରି ମଧ୍ୟ କହିଥିଲେ ଯେ, ମହିଳା ସଂରକ୍ଷଣ ବିଲ୍ ନାମରେ ଡିଣ୍ଡିମ ପିଟୁଥିବା ବିଜେପି ଦଳର ଭିତିରି ରହସ୍ୟ କିଛି ଅଲଗା। ଯେତେବେଳେ ଆମ ଦଳର ମୁଖିଆ ରାଜ୍ୟରେ ମହିଳାଙ୍କ ପାଇଁ ୩୩% ସଂରକ୍ଷଣ ବ୍ୟବସ୍ଥା କରିଥିଲେ, ସେତେବେଳେ କେନ୍ଦ୍ର ବିଜେପି ସରକାର କେଉଁଠି ଥିଲା ବୋଲି ସେ ପ୍ରଶ୍ନ କରିଥିଲେ ଏବଂ ଏବେ କୁମ୍ଭୀର କାନ୍ଦଣା କାନ୍ଦୁଥିବା ଅଭିଯୋଗ କରିଥିଲେ। ସୁମିତ୍ରା ଜେନା ଦୃଢୋକ୍ତି କରିଥିଲେ ଯେ, ରାଜ୍ୟର ମହିଳାମାନେ ସବୁ କିଛି ଜାଣିସାରିଲେଣି ଏବଂ ଠିକ୍ ସମୟରେ ଏହି ଭାରତୀୟ ଜନତା ପାର୍ଟି ସରକାରକୁ ଉପଯୁକ୍ତ ଜବାବ୍ ଦେବେ। ସେ କହିଥିଲେ ଯେ, ଗତ ରାତିରେ କୁଜି ନେତାଙ୍କୁ ପଠାଇ ଭୟ ଦେଖାଇ ମହିଳାମାନଙ୍କୁ ସଭାକୁ ନ ଆସିବା ପାଇଁ ଚେଷ୍ଟା କରାଯାଇଥିଲେ ମଧ୍ୟ ହଜାର ହଜାର ସଂଖ୍ୟାରେ ମହିଳା କେବଳ ନବୀନଙ୍କ ପ୍ରତି ଭଲ ପାଇବା ପାଇଁ ସ୍ୱଇଚ୍ଛାରେ ଆସିଛନ୍ତି। ଆଗାମୀ ଦିନରେ ପ୍ରତି ଜିଲ୍ଲାରେ ହଜାର ହଜାର ସଂଖ୍ୟାରେ ମହିଳା ଏହି ସରକାର ବିରୁଦ୍ଧରେ ରାଜରାସ୍ତାକୁ ଓହ୍ଲାଇବେ ଏବଂ ଆଗାମୀ ପଞ୍ଚାୟତ ନିର୍ବାଚନରେ ବିଜେଡିକୁ ବହୁମତ ଦେଇ ୨୯ ନିର୍ବାଚନ ପାଇଁ ନବୀନ ପଟ୍ଟନାୟକଙ୍କୁ ସ୍ୱାଗତ କରିବେ। ସୁମିତ୍ରା ଜେନା ଦୃଢ଼ତା ସହ କହିଥିଲେ ଯେ, ଆଗାମୀ ଦିନରେ ବିଜେପି ଖଣ୍ଡ ଖଣ୍ଡ ହୋଇଯିବ। ଅନ୍ୟମାନଙ୍କ ମଧ୍ୟରେ ପୂର୍ବତନ ମହିଳା କମିଶନ ଅଧ୍ୟକ୍ଷା ମିନତୀ ବେହେରା, ଜ଼ିଲ୍ଲା ପରିଷଦ ଉପାଧ୍ୟକ୍ଷା ସୁଜାତା ମହାନ୍ତି, ଜ଼ିଲ୍ଲା ପରିଷଦ ରଞ୍ଜିତା ସିଂହ, ତିର୍ତ୍ତୋଲ ସରପଞ୍ଚ ପ୍ରିୟମ୍ବଦା ମହାପାତ୍ର, ରୋଜାଲିନ ଦାସ ପ୍ରମୁଖ ଯୋଗଦେଇ ମହିଳା ବିରୋଧୀ ବିଜେପି ସରକାର ଉପରେ ବର୍ଷିଥିଲେ ଏବଂ ରାଜ୍ୟରେ ମହିଳା ନିର୍ଯାତନା ଦିନକୁ ଦିନ ବୃଦ୍ଧି ପାଉଥିବା କହିଥିଲେ। କଟକ-ପାରାଦ୍ୱୀପ ରାସ୍ତାର ସାରଳା ରୋଡ଼ ଠାରୁ ତିର୍ତ୍ତୋଲ ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିଶାଳ ଶୋଭାଯାତ୍ରାରେ ଯାଇ ୩୩% ମହିଳା ସଂରକ୍ଷଣ ଦାବୀ ସହିତ ବିଭିନ୍ନ ଦାବୀ ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ତିର୍ତ୍ତୋଲ ବିଡିଓଙ୍କ ଅନୁପସ୍ଥିତିରେ ଏବିଡିଓ ସତ୍ୟଜିତ ସ୍ୱାଇଁଙ୍କୁ ଦାବିପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମକୁ ବ୍ଲକ ଅଧ୍ୟକ୍ଷ ମନୋଜ କୁମାର ବେହେରା, ରଘୁନାଥପୁର ବ୍ଲକ ବିଜେଡି ଉପାଧ୍ୟକ୍ଷ ଦେବାଶିଷ ତ୍ରିପାଠୀ, ଜ଼ିଲ୍ଲା ବିଜେଡି ବରିଷ୍ଠ ଉପସଭାପତି ଅଶ୍ୱିନୀ ଦାସ, ବସନ୍ତ କୁମାର ମହାପାତ୍ର, ସୁବ୍ରତ ଦାଶ, ଚିତ୍ତରଞ୍ଜନ ରଥ, ଦେବୀପ୍ରସାଦ ମହାପାତ୍ରଙ୍କ ସମେତ ବହୁ କର୍ମୀ ପରିଚାଳନା କରିଥିଲେ।

Manas Kumar Sutar

ତିର୍ତ୍ତୋଲ, ଜଗତସିଂହପୁର, ଓଡ଼ିଶା•

1 hr ago

ତିର୍ତ୍ତୋଲ ନିର୍ବାଚନ ମଣ୍ଡଳୀ ସ୍ତରରେ ବିଜୁ ମହିଳା ଜନତା ଦଳ ପକ୍ଷରୁ 'ନାରୀ ଅଧିକାର ଅଭିଯାନ' ଏକ ବିଶାଳ ମହିଳା ସମାବେଶ ସହିତ ଅନୁଷ୍ଠିତ ହୋଇଯାଇଛି। ଜ଼ିଲ୍ଲା ବିଜେଡି ମହିଳା ସଭାନେତ୍ରୀ ଲୋରା ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ଶୋଭାଯାତ୍ରାରେ ୨୯ଟି ପଞ୍ଚାୟତରୁ ଏକ ହଜାରରୁ ଉର୍ଦ୍ଧ୍ୱ ମହିଳା ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ନବୀନଙ୍କ ଖାସ୍ ଅନୁଗତ ତଥା ରାଜ୍ୟ ବିଜେଡି ଉପ-ସଭାନେତ୍ରୀ ଶ୍ରୀମତୀ ସୁମିତ୍ରା ଜେନା ହଠାତ୍ ଯୋଗଦେଇଥିଲେ। ଜଗତସିଂହପୁର ମାଟିକୁ ଏହା ତାଙ୍କର ପ୍ରଥମ ଗସ୍ତ ଥିବାରୁ ବହୁ ନାରୀନେତ୍ରୀ ତାଙ୍କୁ ପୁଷ୍ପଗୁଚ୍ଛ ଦେଇ ସଭାକୁ ପାଛୋଟି ନେଇଥିଲେ। ମାଧ୍ୟମ ପ୍ରତିନିଧିମାନେ ଏହି 'ନାରୀ ଅଧିକାର ଅଭିଯାନ' ସମ୍ପର୍କରେ ପଚାରିବାରୁ ସୁମିତ୍ରା ଜେନା ରାଜ୍ୟରେ ଚାଲିଥିବା ଡବଲ ଇଞ୍ଜିନ ସରକାର ଉପରେ ବର୍ଷିଥିଲେ। ସେ କହିଥିଲେ ଯେ, ଯେଉଁ ଗଛ ଅତି ଶୀଘ୍ର ବଢ଼େ, ତାହା ଅତି ଶୀଘ୍ର ଭୂମିରୁ ଲୋପପାଏ, ଠିକ୍ ସେହିଭଳି ରାଜ୍ୟରେ ଚାଲିଥିବା ବିଜେପି ସରକାରର ଦମ୍ କେତେ ତାହା ଲୋକେ ଜାଣିସାରିଲେଣି। ସେ ଅଭିଯୋଗ କରିଥିଲେ ଯେ ଏହି ଡବଲ ଇଞ୍ଜିନ ସରକାର ଆସୁ ଆସୁ ପ୍ରଥମେ ନାରୀ ଜାତିକୁ ପଛପଟୁ ଧକ୍କା ମାରିଛି। ରାଜ୍ୟରେ ଚୋରି, ଡକାୟତି, ରାହାଜାନୀ ସହିତ ଦିନ ଦୁଇ ପ୍ରହରରେ ରାସ୍ତା ଉପରେ ମର୍ଡର ଭଳି ଘଟଣା ଯୋଗୁଁ ନାରୀମାନେ ଅସୁରକ୍ଷିତ ମନେ କରୁଛନ୍ତି, ଯାହା ଫଳରେ ଆଇନ ଶୃଙ୍ଖଳା ପରିସ୍ଥିତି ଦିନକୁ ଦିନ ଜଟିଳ ହେବାରେ ଲାଗିଛି ବୋଲି ସେ ଦର୍ଶାଇଥିଲେ। ସୁମିତ୍ରା ଜେନା ଏହି ବିଜେପି ସରକାରକୁ 'ସୁଭଦ୍ରା ଯୋଜନା' ନାମରେ ନାରୀ ଜାତିକୁ ଠକିଥିବା ଅଭିଯୋଗ କରି କହିଥିଲେ ଯେ, ନିର୍ବାଚନ ଏଜେଣ୍ଡା ଅନୁଯାୟୀ ଏକାଥରେ ୫୦ ହଜାର ଟଙ୍କା ଦେବେ ବୋଲି କହିଥିବା ସରକାର କାର୍ଯ୍ୟଭାର ଗ୍ରହଣ କରିବା ପରେ ୬ ମାସକୁ ୫ ହଜାର ଟଙ୍କା ଦେଉଛି ଏବଂ ମହିଳାମାନଙ୍କୁ ଛେଳି କିଣି ସ୍ୱାବଲମ୍ବୀ ହେବାକୁ କହୁଛି। ସେ ଏହାକୁ ମହିଳାଙ୍କୁ ପ୍ରଥମ ପାହାଚରେ ଝୁଣ୍ଟିବା ସଦୃଶ ବୋଲି ବର୍ଣ୍ଣନା କରିଥିଲେ। ସେ ଆହୁରି ମଧ୍ୟ କହିଥିଲେ ଯେ, ମହିଳା ସଂରକ୍ଷଣ ବିଲ୍ ନାମରେ ଡିଣ୍ଡିମ ପିଟୁଥିବା ବିଜେପି ଦଳର ଭିତିରି ରହସ୍ୟ କିଛି ଅଲଗା। ଯେତେବେଳେ ଆମ ଦଳର ମୁଖିଆ ରାଜ୍ୟରେ ମହିଳାଙ୍କ ପାଇଁ ୩୩% ସଂରକ୍ଷଣ ବ୍ୟବସ୍ଥା କରିଥିଲେ, ସେତେବେଳେ କେନ୍ଦ୍ର ବିଜେପି ସରକାର କେଉଁଠି ଥିଲା ବୋଲି ସେ ପ୍ରଶ୍ନ କରିଥିଲେ ଏବଂ ଏବେ କୁମ୍ଭୀର କାନ୍ଦଣା କାନ୍ଦୁଥିବା ଅଭିଯୋଗ କରିଥିଲେ। ସୁମିତ୍ରା ଜେନା ଦୃଢୋକ୍ତି କରିଥିଲେ ଯେ, ରାଜ୍ୟର ମହିଳାମାନେ ସବୁ କିଛି ଜାଣିସାରିଲେଣି ଏବଂ ଠିକ୍ ସମୟରେ ଏହି ଭାରତୀୟ ଜନତା ପାର୍ଟି ସରକାରକୁ ଉପଯୁକ୍ତ ଜବାବ୍ ଦେବେ। ସେ କହିଥିଲେ ଯେ, ଗତ ରାତିରେ କୁଜି ନେତାଙ୍କୁ ପଠାଇ ଭୟ ଦେଖାଇ ମହିଳାମାନଙ୍କୁ ସଭାକୁ ନ ଆସିବା ପାଇଁ ଚେଷ୍ଟା କରାଯାଇଥିଲେ ମଧ୍ୟ ହଜାର ହଜାର ସଂଖ୍ୟାରେ ମହିଳା କେବଳ ନବୀନଙ୍କ ପ୍ରତି ଭଲ ପାଇବା ପାଇଁ ସ୍ୱଇଚ୍ଛାରେ ଆସିଛନ୍ତି। ଆଗାମୀ ଦିନରେ ପ୍ରତି ଜିଲ୍ଲାରେ ହଜାର ହଜାର ସଂଖ୍ୟାରେ ମହିଳା ଏହି ସରକାର ବିରୁଦ୍ଧରେ ରାଜରାସ୍ତାକୁ ଓହ୍ଲାଇବେ ଏବଂ ଆଗାମୀ ପଞ୍ଚାୟତ ନିର୍ବାଚନରେ ବିଜେଡିକୁ ବହୁମତ ଦେଇ ୨୯ ନିର୍ବାଚନ ପାଇଁ ନବୀନ ପଟ୍ଟନାୟକଙ୍କୁ ସ୍ୱାଗତ କରିବେ। ସୁମିତ୍ରା ଜେନା ଦୃଢ଼ତା ସହ କହିଥିଲେ ଯେ, ଆଗାମୀ ଦିନରେ ବିଜେପି ଖଣ୍ଡ ଖଣ୍ଡ ହୋଇଯିବ। ଅନ୍ୟମାନଙ୍କ ମଧ୍ୟରେ ପୂର୍ବତନ ମହିଳା କମିଶନ ଅଧ୍ୟକ୍ଷା ମିନତୀ ବେହେରା, ଜ଼ିଲ୍ଲା ପରିଷଦ ଉପାଧ୍ୟକ୍ଷା ସୁଜାତା ମହାନ୍ତି, ଜ଼ିଲ୍ଲା ପରିଷଦ ରଞ୍ଜିତା ସିଂହ, ତିର୍ତ୍ତୋଲ ସରପଞ୍ଚ ପ୍ରିୟମ୍ବଦା ମହାପାତ୍ର, ରୋଜାଲିନ ଦାସ ପ୍ରମୁଖ ଯୋଗଦେଇ ମହିଳା ବିରୋଧୀ ବିଜେପି ସରକାର ଉପରେ ବର୍ଷିଥିଲେ ଏବଂ ରାଜ୍ୟରେ ମହିଳା ନିର୍ଯାତନା ଦିନକୁ ଦିନ ବୃଦ୍ଧି ପାଉଥିବା କହିଥିଲେ। କଟକ-ପାରାଦ୍ୱୀପ ରାସ୍ତାର ସାରଳା ରୋଡ଼ ଠାରୁ ତିର୍ତ୍ତୋଲ ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିଶାଳ ଶୋଭାଯାତ୍ରାରେ ଯାଇ ୩୩% ମହିଳା ସଂରକ୍ଷଣ ଦାବୀ ସହିତ ବିଭିନ୍ନ ଦାବୀ ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ତିର୍ତ୍ତୋଲ ବିଡିଓଙ୍କ ଅନୁପସ୍ଥିତିରେ ଏବିଡିଓ ସତ୍ୟଜିତ ସ୍ୱାଇଁଙ୍କୁ ଦାବିପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମକୁ ବ୍ଲକ ଅଧ୍ୟକ୍ଷ ମନୋଜ କୁମାର ବେହେରା, ରଘୁନାଥପୁର ବ୍ଲକ ବିଜେଡି ଉପାଧ୍ୟକ୍ଷ ଦେବାଶିଷ ତ୍ରିପାଠୀ, ଜ଼ିଲ୍ଲା ବିଜେଡି ବରିଷ୍ଠ ଉପସଭାପତି ଅଶ୍ୱିନୀ ଦାସ, ବସନ୍ତ କୁମାର ମହାପାତ୍ର, ସୁବ୍ରତ ଦାଶ, ଚିତ୍ତରଞ୍ଜନ ରଥ, ଦେବୀପ୍ରସାଦ ମହାପାତ୍ରଙ୍କ ସମେତ ବହୁ କର୍ମୀ ପରିଚାଳନା କରିଥିଲେ।