लोकसहभागातून गाव समृद्धीकडे! बोरखेडीत 'माझी शाळा' उपक्रमाचा दिमाखदार सोहळा! विद्यार्थ्यांना डिजिटल शैक्षणिक साहित्य,गणवेश आणि क्रीडा साहित्याचे वितरण सेनगाव/विश्वनाथ देशमुख स्वामी विवेकानंद यांच्या प्रेरणादायी विचारांनी आणि महामानव डॉ.बाबासाहेब आंबेडकर यांच्या शैक्षणिक व सामाजिक परिवर्तनाच्या संदेशाने प्रेरित होऊन सेनगाव तालुक्यातील बोरखेडी (जी) येथे एका अभूतपूर्व उपक्रमाचे आयोजन करण्यात आले होते.जय भोले युवा परिवर्तन मित्र मंडळाच्या वतीने ‘लोकसहभागातून गाव समृद्धीकडे’ या संकल्पनेअंतर्गत ‘माझी शाळा’ हा स्तुत्य उपक्रम १५ सप्टेंबर मंगळवार रोजी अत्यंत उत्साहात पार पडला. शाळा ही केवळ ज्ञानाचे मंदिर नसून उज्ज्वल भविष्य घडविण्याची कार्यशाळा आहे, हा विचार या उपक्रमातून गावकऱ्यांनी कृतीत आणून दाखवला.या गौरवपूर्ण कार्यक्रमाच्या अध्यक्षस्थानी श्री.सुभाषराव हराळ पाटील होते,तर प्रमुख पाहुण्या म्हणून सेनगावच्या गटशिक्षणाधिकारी सौ.कविता गीते मॅडम उपस्थित होत्या. आधुनिक शिक्षणाची आणि क्रीडागुणांची सांगड विद्यार्थ्यांच्या शिक्षणाला आधुनिक तंत्रज्ञानाची जोड मिळावी आणि त्यांच्यातील क्रीडागुणांचा विकास व्हावा,या उदात्त हेतूने कपडशिंगी केंद्रातील विविध शाळांचे मुख्याध्यापक,शिक्षकवृंद आणि गावातील नागरिकांच्या उत्स्फूर्त लोकसहभागातून जिल्हा परिषद प्राथमिक शाळा,बोरखेडी (जी) येथील विद्यार्थ्यांना डिजिटल शैक्षणिक साहित्य,शालेय गणवेश आणि क्रीडा साहित्याचे वितरण मान्यवरांच्या हस्ते करण्यात आले.डिजिटल साहित्यामुळे आता ग्रामीण भागातील विद्यार्थ्यांनाही आधुनिक पद्धतीने शिक्षण घेता येणार आहे.'माझी शाळा, माझी जबाबदारी' या उपक्रमाच्या माध्यमातून समाजमनात ‘माझी शाळा,माझी जबाबदारी’ हा मोलाचा संदेश रुजवण्यात आला. गावाच्या सर्वांगीण विकासासाठी शिक्षण हेच सर्वोत्तम माध्यम असून, त्यासाठी गावकऱ्यांनी दाखवलेली सामाजिक बांधिलकी आणि लोकसहभागाचे सामर्थ्य इतरांसाठी प्रेरणादायी ठरेल,असा विश्वास मान्यवरांनी व्यक्त केला.थय भोले युवा परिवर्तन मित्र मंडळ बोरखेडी (जी) यांनी राबविलेल्या या सामाजिक व शैक्षणिक क्रांतीचे आणि गावकऱ्यांच्या कौतुकास्पद पुढाकाराचे सर्व स्तरातून प्रचंड कौतुक होत आहे. लोकसहभागातून गाव समृद्धीकडे नेणाऱ्या या ऐतिहासिक पावलाला संपूर्ण जिल्ह्यातून मनःपूर्वक शुभेच्छा दिल्या जात आहेत.

Vishwanath Deshmukh

सेनगाव, हिंगोली, महाराष्ट्र•

2 hrs ago

लोकसहभागातून गाव समृद्धीकडे! बोरखेडीत 'माझी शाळा' उपक्रमाचा दिमाखदार सोहळा! विद्यार्थ्यांना डिजिटल शैक्षणिक साहित्य,गणवेश आणि क्रीडा साहित्याचे वितरण सेनगाव/विश्वनाथ देशमुख स्वामी विवेकानंद यांच्या प्रेरणादायी विचारांनी आणि महामानव डॉ.बाबासाहेब आंबेडकर यांच्या शैक्षणिक व सामाजिक परिवर्तनाच्या संदेशाने प्रेरित होऊन सेनगाव तालुक्यातील बोरखेडी (जी) येथे एका अभूतपूर्व उपक्रमाचे आयोजन करण्यात आले होते.जय भोले युवा परिवर्तन मित्र मंडळाच्या वतीने ‘लोकसहभागातून गाव समृद्धीकडे’ या संकल्पनेअंतर्गत ‘माझी शाळा’ हा स्तुत्य उपक्रम १५ सप्टेंबर मंगळवार रोजी अत्यंत उत्साहात पार पडला. शाळा ही केवळ ज्ञानाचे मंदिर नसून उज्ज्वल भविष्य घडविण्याची कार्यशाळा आहे, हा विचार या उपक्रमातून गावकऱ्यांनी कृतीत आणून दाखवला.या गौरवपूर्ण कार्यक्रमाच्या अध्यक्षस्थानी श्री.सुभाषराव हराळ पाटील होते,तर प्रमुख पाहुण्या म्हणून सेनगावच्या गटशिक्षणाधिकारी सौ.कविता गीते मॅडम उपस्थित होत्या. आधुनिक शिक्षणाची आणि क्रीडागुणांची सांगड विद्यार्थ्यांच्या शिक्षणाला आधुनिक तंत्रज्ञानाची जोड मिळावी आणि त्यांच्यातील क्रीडागुणांचा विकास व्हावा,या उदात्त हेतूने कपडशिंगी केंद्रातील विविध शाळांचे मुख्याध्यापक,शिक्षकवृंद आणि गावातील नागरिकांच्या उत्स्फूर्त लोकसहभागातून जिल्हा परिषद प्राथमिक शाळा,बोरखेडी (जी) येथील विद्यार्थ्यांना डिजिटल शैक्षणिक साहित्य,शालेय गणवेश आणि क्रीडा साहित्याचे वितरण मान्यवरांच्या हस्ते करण्यात आले.डिजिटल साहित्यामुळे आता ग्रामीण भागातील विद्यार्थ्यांनाही आधुनिक पद्धतीने शिक्षण घेता येणार आहे.'माझी शाळा, माझी जबाबदारी' या उपक्रमाच्या माध्यमातून समाजमनात ‘माझी शाळा,माझी जबाबदारी’ हा मोलाचा संदेश रुजवण्यात आला. गावाच्या सर्वांगीण विकासासाठी शिक्षण हेच सर्वोत्तम माध्यम असून, त्यासाठी गावकऱ्यांनी दाखवलेली सामाजिक बांधिलकी आणि लोकसहभागाचे सामर्थ्य इतरांसाठी प्रेरणादायी ठरेल,असा विश्वास मान्यवरांनी व्यक्त केला.थय भोले युवा परिवर्तन मित्र मंडळ बोरखेडी (जी) यांनी राबविलेल्या या सामाजिक व शैक्षणिक क्रांतीचे आणि गावकऱ्यांच्या कौतुकास्पद पुढाकाराचे सर्व स्तरातून प्रचंड कौतुक होत आहे. लोकसहभागातून गाव समृद्धीकडे नेणाऱ्या या ऐतिहासिक पावलाला संपूर्ण जिल्ह्यातून मनःपूर्वक शुभेच्छा दिल्या जात आहेत.