प्रशिक्षणार्थी तरुणांच्या भविष्यासाठी २३ जुलै, गुरुवार रोजी सकाळी १०:०० वाजता 'चलो आनंदखेडा रास्ता रोको आंदोलन' आयोजित करण्यात आले आहे. हे आंदोलन धुळे-गुजरात नॅशनल हायवे क्रमांक ६ वरील कुसुंबाजवळील आनंदखेडा बस स्टॉप येथे होणार आहे. आदर्श मल्हार बहुजन सेना ऑल इंडियाचे संस्थापक अध्यक्ष अभिलाल दादा देवरे यांनी सर्व तरुणांना आपल्या भविष्यासाठी या आंदोलनास उपस्थित राहण्याचे आवाहन केले आहे.

प्रशिक्षणार्थी तरुणांच्या भविष्यासाठी २३ जुलै, गुरुवार रोजी सकाळी १०:०० वाजता 'चलो आनंदखेडा रास्ता रोको आंदोलन' आयोजित करण्यात आले आहे. हे आंदोलन धुळे-गुजरात नॅशनल हायवे क्रमांक ६ वरील कुसुंबाजवळील आनंदखेडा बस स्टॉप येथे होणार आहे. आदर्श मल्हार बहुजन सेना ऑल इंडियाचे संस्थापक अध्यक्ष अभिलाल दादा देवरे यांनी सर्व तरुणांना आपल्या भविष्यासाठी या आंदोलनास उपस्थित राहण्याचे आवाहन केले आहे.

भोजपुरी सुपरस्टार खेसारी लाल यादव हे विद्यार्थ्यांच्या समर्थनात उघडपणे समोर आले आहेत. त्यांनी एक भावूक व्हिडिओ जारी करून विद्यार्थ्यांच्या मागण्यांना पूर्ण पाठिंबा दर्शवला आहे. या व्हिडिओद्वारे त्यांनी सर्वांना अत्यंत शांततापूर्ण मार्गाने आपली बाजू मांडण्याचे आवाहन केले आहे. हा व्हिडिओ समोर आल्यानंतर सोशल मीडियावर खेसारी लाल यादव यांची ही प्रतिक्रिया प्रचंड वेगाने व्हायरल होत आहे. या प्रकरणी लोकांकडूनही विविध प्रतिक्रिया येत असून या घडामोडींवर जोरदार चर्चा सुरू आहे.

नाशिकच्या निफाड तालुक्यातील विंचूर येथे आंतरराष्ट्रीय कृष्णभावनामृत संघ (इस्कॉन) येवला आणि हरे कृष्ण भक्तवृंद, विंचूर यांच्या संयुक्त विद्यमाने श्री जगन्नाथ रथयात्रा महोत्सव अत्यंत उत्साहात आणि भक्तिभावाने पार पडला. 'हरे कृष्ण हरे कृष्ण, कृष्ण कृष्ण हरे हरे...' या महामंत्राच्या अखंड गजराने आणि टाळ-मृदंगाच्या भक्तिमय निनादाने संपूर्ण विंचूर नगरी भक्तीरसात न्हाऊन निघाली होती. दुपारी २:३० वाजता भगवान श्री जगन्नाथांच्या महाआरतीने या सोहळ्याची सुरुवात झाली. त्यानंतर दुपारी ३ वाजता भगवान श्री जगन्नाथ, बलदेव आणि सुभद्रा यांच्या आकर्षक मूर्तींनी सजविलेल्या भव्य रथयात्रेला प्रारंभ झाला. ही रथयात्रा बजरंग गल्ली येथून सुरू होऊन खाडे गल्ली, निलेश गायकवाड वेस, आंबेडकर वेस आणि तीन पाटी मार्गे राम मंदिरापर्यंत काढण्यात आली. संपूर्ण मार्गावर भाविकांनी रथावर पुष्पवृष्टी करत देवाचे दर्शन घेतले आणि रथाची दोरी ओढण्यासाठी भाविकांची मोठी गर्दी झाली होती. सायंकाळी राम मंदिर व शनी मंदिर परिसरात हजारो भाविकांसाठी महाप्रसादाचे आयोजन करण्यात आले होते. "रथावर आरूढ भगवान जगन्नाथांचे दर्शन घेतल्याने जन्म-मृत्यूच्या फेऱ्यातून मुक्ती मिळते," या श्रद्धेने अबालवृद्धांनी मोठ्या संख्येने या रथयात्रेत सहभाग घेतला. हा सोहळा यशस्वी करण्यासाठी इस्कॉन येवला, हरे कृष्ण भक्तवृंद, विंचूर आणि ग्रामस्थांनी विशेष परिश्रम घेतले.

ठाण्याच्या शहापूर तालुका काँग्रेस कमिटीच्या वतीने स्पर्धा परीक्षांच्या कथित पेपरफुटीमुळे देशभरातील लाखो युवकांचे भवितव्य धोक्यात आल्याचा आरोप करत तीव्र संताप व्यक्त करण्यात आला आहे. आंदोलक युवकांवर झालेल्या लाठीमाराचा जोरदार निषेध नोंदवत केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा द्यावा, अशी मागणी काँग्रेसने केली आहे. तालुकाध्यक्ष जितेश विशे यांच्या नेतृत्वाखालील शिष्टमंडळाने शहापूरचे तहसीलदार परमेश्वर कासुळे आणि शहापूर पोलीस ठाण्याचे पोलीस निरीक्षक कदम यांना यासंदर्भात निवेदन सादर केले. निवेदनात नमूद करण्यात आले आहे की, भाजप सरकार सत्तेत आल्यापासून लोकशाही मार्गाने होणारी आंदोलने दडपण्याचे प्रकार वाढले आहेत. दिल्लीमध्ये शांततामय मार्गाने उपोषण करणाऱ्या सोनम वांगचुक यांना आरोग्याचे कारण पुढे करून बळजबरीने उपोषण सोडण्यास भाग पाडण्यात आले, तर संसदेवर मोर्चा काढणाऱ्या युवकांवर अमानुष लाठीमार करण्यात आला. या संपूर्ण प्रकाराची सखोल चौकशी करून केंद्रीय शिक्षणमंत्र्यांचा राजीनामा घेण्यात यावा आणि हे निवेदन पुढील आवश्यक कार्यवाहीसाठी तातडीने वरिष्ठ स्तरावर पाठवण्यात यावे, असा आग्रह जितेश विशे यांनी तहसीलदारांशी चर्चा करताना धरला. या प्रसंगी महिला काँग्रेसच्या जिल्हाध्यक्षा जान्हवी देशमुख, कृषी उत्पन्न बाजार समितीचे संचालक अनिल निचिते, अल्पसंख्याक विभागाचे तालुकाध्यक्ष अब्दुल शेख, पत्रकार नारायण शेट्टी, तालुका उपाध्यक्ष अविनाश सातपुते, आदिवासी आघाडीचे तालुकाध्यक्ष भावेश वांगड आणि काँग्रेसचे कार्यालयीन सरचिटणीस जयवंत पाटेकर हे प्रमुख पदाधिकारी व सदस्य उपस्थित होते.

दिल्ली येथील जंतर मंतर येथे सुरू असलेले सोनम वांगचुक आणि आदिवासी संघटनांचे आंदोलन आता अधिक व्यापक झाले असून, यात युवक, विद्यार्थी, सामाजिक कार्यकर्ते आणि प्रतिनिधी मोठ्या संख्येने सहभागी झाले आहेत. दिल्लीतील या आंदोलनाला आणि सोनम वांगचुक यांच्या उपोषणाला पाठिंबा देण्यासाठी महाराष्ट्रातील आदिवासी संघटनांनी सक्रिय भूमिका घेतली आहे. या आंदोलनाच्या समर्थनार्थ महाराष्ट्र राज्य आदिवासी बचाव अभियानचे केंद्रीय अध्यक्ष अशोक बागुल आणि आदिवासी एकता परिषदेचे डोंगर बागुल यांच्या मार्गदर्शनाखाली नाशिक, नंदुरबार, धुळे आणि पालघर जिल्ह्यात विविध ठिकाणी निवेदने देण्यात आली आहेत. नाशिकचे जिल्हाध्यक्ष रामचौरे, धुळे जिल्हाध्यक्ष गणेश गावित आणि नंदुरबार जिल्हाध्यक्ष राजेंद्र पवार यांच्यासह असंख्य कार्यकर्त्यांनी स्थानिक तहसील आणि जिल्हाधिकारी कार्यालयात जाऊन ही निवेदने सादर करत सोनम वांगचुक यांना जाहीर पाठिंबा दिला आहे. जर सोनम वांगचुक यांच्या मागण्यांची दखल घेतली गेली नाही, तर संपूर्ण नंदुरबार, धुळे, नाशिक आणि पालघर जिल्ह्यातील आदिवासी बांधव आणि सामाजिक संघटनांमार्फत रस्त्यावर उतरून तीव्र जनआंदोलन छेडण्यात येईल, असा इशारा देण्यात आला आहे. महाराष्ट्र राज्य आदिवासी बचाव अभियान आणि एकता परिषदेकडून संपूर्ण महाराष्ट्रातील आदिवासी जिल्ह्यांमध्ये हे आंदोलन अधिक तीव्र करण्याचे आवाहन करण्यात आले आहे.

NEET परीक्षेतील कथित अनियमिततेच्या निषेधार्थ पंतप्रधान निवासाजवळ धरणे आंदोलन करणाऱ्या समाजवादी पक्षाचे अध्यक्ष अखिलेश यादव यांना पोलिसांनी ताब्यात घेतले आहे. या पोलीस कारवाईनंतर आंदोलनस्थळावरील राजकीय वातावरण चांगलेच तापले असून, या विरोध प्रदर्शनावरून राजकीय वर्तुळात प्रचंड हालचाली गतिमान झाल्या आहेत.

देशातील विद्यार्थी आज अत्यंत निराश होऊन 'आमचे कोणतेही भविष्य उरलेले नाही' असे म्हणत आहेत, तर दुसरीकडे या सरकारचे मंत्री 'आमची खुर्ची जाणार नाही' असे सांगत आहेत. ज्या देशात विद्यार्थी स्वतःचे भविष्य गमावून बसतात आणि तरीही मंत्र्यांची खुर्ची जात नाही, अशा देशात न्याय अजिबात अस्तित्त्वात नाही.

लासलगाव-मनमाड रस्त्यावरून जाणारा एक ट्रेलर अचानक रस्त्याखाली गेला, मात्र सुदैवाने या अपघातात कोणालाही काहीही झालेले नाही. चालकाकडून मिळालेल्या माहितीनुसार, अचानक गाडीचे ब्रेक लटकल्यामुळे ते लवकर लागले नाहीत आणि त्यामुळे हा ट्रेलर रस्त्यावरून खाली गेला. लासलगाव-मनमाड रस्त्यावरून जात असताना हा ट्रेलर पूर्णपणे रस्त्याखाली कोसळता कोसळता थोडक्यात वाचला आहे.