ఆంధ్రప్రదేశ్ మున్సిపల్ వర్కర్స్ ఏఐటీయూసీ అనుబంధ సంఘం పిఠాపురం శాఖ సమావేశం మంగళవారం మధ్యాహ్నం ఆర్ఆర్ పార్క్ మస్తర్ల కార్యాలయం వద్ద యూనియన్ అధ్యక్షులు చెక్క అప్పలకొండ అధ్యక్షతన జరిగింది. ఈ సమావేశానికి ముఖ్యఅతిథిగా ఏఐటీయూసీ జిల్లా ప్రధాన కార్యదర్శి తోకల ప్రసాద్ హాజరయ్యారు. రాష్ట్రవ్యాప్తంగా మారుమోగుతున్న నియోజకవర్గమైన పిఠాపురంలో పారిశుద్ధ్య కార్మికుల సమస్యలు తెలియజేయడానికి శాసనసభ్యులు అందుబాటులో లేకపోవడం దౌర్భాగ్యం అని తోకల ప్రసాద్ ఈ సందర్భంగా తీవ్ర అసంతృప్తి వ్యక్తం చేశారు. అన్ని నియోజకవర్గాల్లో ఎమ్మెల్యేలు అందుబాటులో ఉన్నప్పటికీ, పిఠాపురం నియోజకవర్గంలో తమ సమస్యలను విన్నవించుకోవడానికి, పరిష్కరించడానికి నాధుడు కరువయ్యారని ఆయన ఆవేదన వ్యక్తం చేశారు. పెరుగుతున్న జనాభాకు అనుగుణంగా పారిశుద్ధ్య పనులు నిర్వహించేందుకు సిబ్బందిని నియమించాలని అనేకసార్లు అధికారులకు వినతి పత్రాలు సమర్పించినా పట్టించుకోవడంలేదని, కేవలం టెంపరేచర్ పోస్టులు మాత్రమే నియమించారని ప్రసాద్ పేర్కొన్నారు. అంతేకాకుండా, పారిశుద్ధ్య కార్మికులకు 3 నెలల బకాయి జీతాలు మంజూరు చేయలేదని, సకాలంలో జీతాలు అందకపోవడం వల్ల కార్మికులు అప్పుల భారంతో ఇబ్బందులు పడుతున్నారని ఆయన అన్నారు. పురపాలక సంఘం అధికారులు తక్షణమే బకాయి జీతాలను చెల్లించాలని, అలాగే యూనిఫారం, గ్లౌజులు, మాస్కులు అందజేయాలని, అదనపు సిబ్బందిని నియమించాలని డిమాండ్ చేశారు. పారిశుద్ధ్య పనులను ఏజెన్సీలకు, ప్రైవేట్ వ్యక్తులకు అప్పగించవద్దని, అలా చేస్తే అడ్డగిస్తామని హెచ్చరిస్తూ, పనులు ప్రభుత్వంలోనే కొనసాగించాలని స్పష్టం చేశారు. కార్మికుల సమస్యలపై ప్రస్తుతం ఆందోళనలు నిర్వహిస్తున్నామని, పారిశుద్ధ్య కార్మికుల సమస్యల పరిష్కారం కోసం జూన్ 24వ తేదీన 'చలో కలెక్టరేట్' కార్యక్రమానికి కార్మికులు పెద్ద సంఖ్యలో తరలిరావాలని తోకల ప్రసాద్ పిలుపునిచ్చారు. ఈ కార్యక్రమంలో యూనియన్ గౌరవాధ్యక్షులు కేశవరపు, ప్రధాన కార్యదర్శి ధనాల సతీష్, సగరపు నాగేశ్వరరావు, చిటికెల దాసు, బుర్ర ప్రసాద్, బంగారు కళ్యాణ్, ఇంటి అప్పలరాజు, తలై ప్రసాద్, ఎర్రం శెట్టి సత్యనారాయణ తదితరులు పాల్గొన్నారు.

Sattibabau dadala

Local News Reporter Pithapuram, Kakinada•

4 hrs ago

ఆంధ్రప్రదేశ్ మున్సిపల్ వర్కర్స్ ఏఐటీయూసీ అనుబంధ సంఘం పిఠాపురం శాఖ సమావేశం మంగళవారం మధ్యాహ్నం ఆర్ఆర్ పార్క్ మస్తర్ల కార్యాలయం వద్ద యూనియన్ అధ్యక్షులు చెక్క అప్పలకొండ అధ్యక్షతన జరిగింది. ఈ సమావేశానికి ముఖ్యఅతిథిగా ఏఐటీయూసీ జిల్లా ప్రధాన కార్యదర్శి తోకల ప్రసాద్ హాజరయ్యారు. రాష్ట్రవ్యాప్తంగా మారుమోగుతున్న నియోజకవర్గమైన పిఠాపురంలో పారిశుద్ధ్య కార్మికుల సమస్యలు తెలియజేయడానికి శాసనసభ్యులు అందుబాటులో లేకపోవడం దౌర్భాగ్యం అని తోకల ప్రసాద్ ఈ సందర్భంగా తీవ్ర అసంతృప్తి వ్యక్తం చేశారు. అన్ని నియోజకవర్గాల్లో ఎమ్మెల్యేలు అందుబాటులో ఉన్నప్పటికీ, పిఠాపురం నియోజకవర్గంలో తమ సమస్యలను విన్నవించుకోవడానికి, పరిష్కరించడానికి నాధుడు కరువయ్యారని ఆయన ఆవేదన వ్యక్తం చేశారు. పెరుగుతున్న జనాభాకు అనుగుణంగా పారిశుద్ధ్య పనులు నిర్వహించేందుకు సిబ్బందిని నియమించాలని అనేకసార్లు అధికారులకు వినతి పత్రాలు సమర్పించినా పట్టించుకోవడంలేదని, కేవలం టెంపరేచర్ పోస్టులు మాత్రమే నియమించారని ప్రసాద్ పేర్కొన్నారు. అంతేకాకుండా, పారిశుద్ధ్య కార్మికులకు 3 నెలల బకాయి జీతాలు మంజూరు చేయలేదని, సకాలంలో జీతాలు అందకపోవడం వల్ల కార్మికులు అప్పుల భారంతో ఇబ్బందులు పడుతున్నారని ఆయన అన్నారు. పురపాలక సంఘం అధికారులు తక్షణమే బకాయి జీతాలను చెల్లించాలని, అలాగే యూనిఫారం, గ్లౌజులు, మాస్కులు అందజేయాలని, అదనపు సిబ్బందిని నియమించాలని డిమాండ్ చేశారు. పారిశుద్ధ్య పనులను ఏజెన్సీలకు, ప్రైవేట్ వ్యక్తులకు అప్పగించవద్దని, అలా చేస్తే అడ్డగిస్తామని హెచ్చరిస్తూ, పనులు ప్రభుత్వంలోనే కొనసాగించాలని స్పష్టం చేశారు. కార్మికుల సమస్యలపై ప్రస్తుతం ఆందోళనలు నిర్వహిస్తున్నామని, పారిశుద్ధ్య కార్మికుల సమస్యల పరిష్కారం కోసం జూన్ 24వ తేదీన 'చలో కలెక్టరేట్' కార్యక్రమానికి కార్మికులు పెద్ద సంఖ్యలో తరలిరావాలని తోకల ప్రసాద్ పిలుపునిచ్చారు. ఈ కార్యక్రమంలో యూనియన్ గౌరవాధ్యక్షులు కేశవరపు, ప్రధాన కార్యదర్శి ధనాల సతీష్, సగరపు నాగేశ్వరరావు, చిటికెల దాసు, బుర్ర ప్రసాద్, బంగారు కళ్యాణ్, ఇంటి అప్పలరాజు, తలై ప్రసాద్, ఎర్రం శెట్టి సత్యనారాయణ తదితరులు పాల్గొన్నారు.