एका रात्रीत ८ दुकाने फोडणारी टोळी जेरबंद ; मिरजगाव पोलिसांची धडाकेबाज कारवाई मिरजगाव पोलीस स्टेशन हद्दीत एका रात्रीत ८ दुकाने फोडून चोरी करणाऱ्या टोळीला मिरजगाव पोलिसांनी अवघ्या १२ तासांत जेरबंद केले असून आरोपींकडून सुमारे १ लाख १५ हजार रुपये किमतीचा मुद्देमाल जप्त करण्यात आला आहे. दि. ४ मार्च रोजी सायंकाळी ८ ते ५ मार्च रोजी सकाळी ९ या कालावधीत मिरजगाव–कडा रोडवरील वीर पाटील कॉम्प्लेक्समधील ८ दुकानांच्या पाठीमागील पत्रे उचकटून अज्ञात आरोपींनी आत प्रवेश केला. त्यानंतर सोलर किटचे १३ कंट्रोलर, सीसीटीव्ही कॅमेऱ्याचा डीव्हीआर, ड्रिल मशीन, स्पॅनर सेट, ट्रॅक्टरचे टेप, स्पीकर वायर, कटर तसेच रोख रक्कम असा मुद्देमाल चोरून नेण्यात आला. याबाबत अभय बाळासाहेब दळवी, रा. तिखी, ता. कर्जत यांच्या फिर्यादीवरून मिरजगाव पोलीस स्टेशन येथे गुन्हा रजि. नं. ७४/२०२६ भा.न्याय संहिता कलम ३३१(४), ३३४(१), ३०५, ३२४(४), ३(५) अन्वये गुन्हा दाखल करण्यात आला. मिरजगाव पोलीस स्टेशनचे प्रभारी सहायक पोलीस निरीक्षक विजय झंजाड व तपास पथकाने तातडीने तपास सुरू केला. गुप्त माहितीच्या आधारे मनोहर भीमराव पवार (रा. बीडसांगवी, ता. आष्टी, जि. बीड) यास ताब्यात घेण्यात आले. चौकशीत त्याने अरुण रघुनाथ बर्डे, काळुराम चंदू माळी, ज्ञानेश्वर गंगाराम साळुंखे, सुरेश बाळू माळी आणि भास्कर बबन गांगर्डे (सर्व रा. देवीनिमगाव, ता. आष्टी, जि. बीड) यांच्यासह मिळून चोरी केल्याची कबुली दिली. त्यानुसार सर्व आरोपींना अटक करण्यात आली. तपासादरम्यान आरोपींकडून एकूण १ लाख १५ हजार रुपये किमतीचा मुद्देमाल जप्त करण्यात आला आहे. आरोपी मनोहर भीमराव पवार याच्याविरुद्ध आष्टी पोलीस स्टेशन, जि. बीड येथे यापूर्वीही कलम ३७९, ३४ प्रमाणे गुन्हा दाखल असल्याची माहिती समोर आली आहे. ही कारवाई प्रभारी सहायक पोलीस निरीक्षक विजय झंजाड, सहायक फौजदार शंकर रोकडे, पोलीस हेडकॉन्स्टेबल गणेश ठोंबरे पोलीस कॉन्स्टेबल सुनिल खैरे, गोकुळ पळसे, राजेंद्र गाडे, अक्षय गार्डे, बळीराम काकडे तसेच होमगार्ड प्रशांत माने, अजय फुलमाळी, अक्षय पवार, दिपक काळे व बिभीषण रणदिवे यांनी केली असून पुढील तपास सफौ. शंकर रोकडे करत आहेत.

कर्जत लाईव्ह

Advertising agency कर्जत, अहमदनगर, महाराष्ट्र•

16 hrs ago

एका रात्रीत ८ दुकाने फोडणारी टोळी जेरबंद ; मिरजगाव पोलिसांची धडाकेबाज कारवाई मिरजगाव पोलीस स्टेशन हद्दीत एका रात्रीत ८ दुकाने फोडून चोरी करणाऱ्या टोळीला मिरजगाव पोलिसांनी अवघ्या १२ तासांत जेरबंद केले असून आरोपींकडून सुमारे १ लाख १५ हजार रुपये किमतीचा मुद्देमाल जप्त करण्यात आला आहे. दि. ४ मार्च रोजी सायंकाळी ८ ते ५ मार्च रोजी सकाळी ९ या कालावधीत मिरजगाव–कडा रोडवरील वीर पाटील कॉम्प्लेक्समधील ८ दुकानांच्या पाठीमागील पत्रे उचकटून अज्ञात आरोपींनी आत प्रवेश केला. त्यानंतर सोलर किटचे १३ कंट्रोलर, सीसीटीव्ही कॅमेऱ्याचा डीव्हीआर, ड्रिल मशीन, स्पॅनर सेट, ट्रॅक्टरचे टेप, स्पीकर वायर, कटर तसेच रोख रक्कम असा मुद्देमाल चोरून नेण्यात आला. याबाबत अभय बाळासाहेब दळवी, रा. तिखी, ता. कर्जत यांच्या फिर्यादीवरून मिरजगाव पोलीस स्टेशन येथे गुन्हा रजि. नं. ७४/२०२६ भा.न्याय संहिता कलम ३३१(४), ३३४(१), ३०५, ३२४(४), ३(५) अन्वये गुन्हा दाखल करण्यात आला. मिरजगाव पोलीस स्टेशनचे प्रभारी सहायक पोलीस निरीक्षक विजय झंजाड व तपास पथकाने तातडीने तपास सुरू केला. गुप्त माहितीच्या आधारे मनोहर भीमराव पवार (रा. बीडसांगवी, ता. आष्टी, जि. बीड) यास ताब्यात घेण्यात आले. चौकशीत त्याने अरुण रघुनाथ बर्डे, काळुराम चंदू माळी, ज्ञानेश्वर गंगाराम साळुंखे, सुरेश बाळू माळी आणि भास्कर बबन गांगर्डे (सर्व रा. देवीनिमगाव, ता. आष्टी, जि. बीड) यांच्यासह मिळून चोरी केल्याची कबुली दिली. त्यानुसार सर्व आरोपींना अटक करण्यात आली. तपासादरम्यान आरोपींकडून एकूण १ लाख १५ हजार रुपये किमतीचा मुद्देमाल जप्त करण्यात आला आहे. आरोपी मनोहर भीमराव पवार याच्याविरुद्ध आष्टी पोलीस स्टेशन, जि. बीड येथे यापूर्वीही कलम ३७९, ३४ प्रमाणे गुन्हा दाखल असल्याची माहिती समोर आली आहे. ही कारवाई प्रभारी सहायक पोलीस निरीक्षक विजय झंजाड, सहायक फौजदार शंकर रोकडे, पोलीस हेडकॉन्स्टेबल गणेश ठोंबरे पोलीस कॉन्स्टेबल सुनिल खैरे, गोकुळ पळसे, राजेंद्र गाडे, अक्षय गार्डे, बळीराम काकडे तसेच होमगार्ड प्रशांत माने, अजय फुलमाळी, अक्षय पवार, दिपक काळे व बिभीषण रणदिवे यांनी केली असून पुढील तपास सफौ. शंकर रोकडे करत आहेत.