ଶିକ୍ଷାବିତ୍ ଶତ୍ରୁଘନ ବେହେରାଙ୍କ ବିୟୋଗରେ ସାହିତ୍ୟଘରର ଶୋକସଭା ତାଳଚେର:ତାଳଚେର ବ୍ଲକ ସାଉଥବଲଣ୍ଡା ସମ୍ବାଦ ସାହିତ୍ୟ ଘରର ଉପଦେଷ୍ଟା ଶିକ୍ଷାବିତ୍ ଶତ୍ରୁଘନ ବେହେରା(୭୩ ବର୍ଷ)ଙ୍କର ଅକାଳ ବିୟୋଗ ଗତ ରବିବାର ରାତ୍ରୀ ୧୧ ଘଟିକା ସମୟରେ ହୋଇଥିଲା। ଏହି ଅବସରରେ ସାଉଥବଲଣ୍ଡା ସମ୍ବାଦ ସାହିତ୍ୟ ଘର ପକ୍ଷରୁ ଏକ ଶୋକସଭା ଗୋବରା ନୋଡ଼ାଲ ହାଇସ୍କୁଲ ପରିସରରେ ଅନୁଷ୍ଠିତ ହୋଇଥିଲା। ଏଥିରେ ସାହିତ୍ୟ ଘରର ସଭାପତି ଶିଶୁ ସାହିତ୍ୟିକ ବିଭୂତି ଭୂଷଣ ସ୍ବାଇଁ ଅଧ୍ୟକ୍ଷତା କରିଥିଲେ । ଅତିଥି ଭାବରେ ସମାଜସେବୀ ଚିତ୍ତରଞ୍ଜନ ପ୍ରଧାନ, କବି ମୁକୁନ୍ଦ ଚନ୍ଦ୍ର ସାମଲ ଓ ଗିରିଶ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଉପସ୍ଥିତ ସଦସ୍ୟ,ସଦସ୍ୟାମାନେ ସ୍ୱର୍ଗତ ବେହେରାଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହ ସ୍ୱର୍ଗତ ଆତ୍ମାର ସଦଗତି ନିମନ୍ତେ ଦୁଇ ମିନିଟ୍ ନୀରବ ପ୍ରାର୍ଥନା କରିଥିଲେ । ଶିକ୍ଷାବିତ୍ ଶତ୍ରୁଘନ ବେହେରା ଜଣେ ସରଳ, କର୍ମଠ ଓ ମେଳାପୀ ବ୍ୟକ୍ତି ଭାବରେ ଆଖପାଖ ଅଞ୍ଚଳରେ ପରିଚିତ ଥିଲେ । ସେ ଜଣେ ଦକ୍ଷ ସଂଗଠକ, କବି ତଥା କ୍ରୀଡ଼ାବିତ୍ ଭାବରେ ପ୍ରସିଦ୍ଧ ଲାଭ କରିଥିଲେ । ତାଙ୍କର ବିୟୋଗ ସାଉଥବଲଣ୍ଡା ସମ୍ବାଦ ସାହିତ୍ୟ ଘର ପାଇଁ ଏକ ଅପୂରଣୀୟ କ୍ଷତି ବୋଲି ବୋଲି ଅତିଥିମାନେ ମତବ୍ୟକ୍ତ କରିଥିଲେ । ସାହିତ୍ୟ ଘରର ସମ୍ପାଦକ କବି ତ୍ରିନାଥ ସାହୁ, ଉପସଭାପତି ସୁଶୀଲ କୁମାର ପ୍ରଧାନ, ସଂଗଠନ ସଂପାଦକ ପତିତପାବନ ପ୍ରଧାନ, ଯୁଗ୍ମ ସଂପାଦକ ହରିହର ଭୂକ୍ତା ପ୍ରମୁଖ ସ୍ୱର୍ଗତ ଶ୍ରୀ ବେହେରାଙ୍କ ଉଦ୍ଦେଶ୍ୟରେ ସ୍ମୃତିଚାରଣ କରିବା ସହ ସ୍ୱରଚିତ କବିତା ପାଠ କରିଥିଲେ। କାର୍ଯ୍ୟକ୍ରମକୁ ସାହିତ୍ୟ ଘରର ସମ୍ପାଦକ ତ୍ରିନାଥ ସାହୁ ପରିଚାଳନା କରିଥିବା ବେଳେ ଯୁଗ୍ମ ସଂପାଦକ ହରିହର ଭୂକ୍ତା ଧନ୍ୟବାଦ ଦେଇଥିଲେ । ସାହିତ୍ୟଘରର କୋଷାଧ୍ଯକ୍ଷ ଅରୁଣ କୁମାର ରାଉତ, ପଞ୍ଚାନନ ବେହେରା, ଭଗବାନ ବେହେରା, ଭକ୍ତ ଚରଣ ସାହୁ, ଅଶୋକ କୁମାର ବେହେରା ପ୍ରମୁଖ ସଦସ୍ୟ ଯୋଗ ଦେଇ ଶ୍ରଦ୍ଧାସୁମନ ଅର୍ପଣ କରିଥିଲେ ।

BIMBADHAR MOHAPATRA

Journalist, Matrubhasa Talcher Sadar, Anugul•

1 day ago

ଶିକ୍ଷାବିତ୍ ଶତ୍ରୁଘନ ବେହେରାଙ୍କ ବିୟୋଗରେ ସାହିତ୍ୟଘରର ଶୋକସଭା ତାଳଚେର:ତାଳଚେର ବ୍ଲକ ସାଉଥବଲଣ୍ଡା ସମ୍ବାଦ ସାହିତ୍ୟ ଘରର ଉପଦେଷ୍ଟା ଶିକ୍ଷାବିତ୍ ଶତ୍ରୁଘନ ବେହେରା(୭୩ ବର୍ଷ)ଙ୍କର ଅକାଳ ବିୟୋଗ ଗତ ରବିବାର ରାତ୍ରୀ ୧୧ ଘଟିକା ସମୟରେ ହୋଇଥିଲା। ଏହି ଅବସରରେ ସାଉଥବଲଣ୍ଡା ସମ୍ବାଦ ସାହିତ୍ୟ ଘର ପକ୍ଷରୁ ଏକ ଶୋକସଭା ଗୋବରା ନୋଡ଼ାଲ ହାଇସ୍କୁଲ ପରିସରରେ ଅନୁଷ୍ଠିତ ହୋଇଥିଲା। ଏଥିରେ ସାହିତ୍ୟ ଘରର ସଭାପତି ଶିଶୁ ସାହିତ୍ୟିକ ବିଭୂତି ଭୂଷଣ ସ୍ବାଇଁ ଅଧ୍ୟକ୍ଷତା କରିଥିଲେ । ଅତିଥି ଭାବରେ ସମାଜସେବୀ ଚିତ୍ତରଞ୍ଜନ ପ୍ରଧାନ, କବି ମୁକୁନ୍ଦ ଚନ୍ଦ୍ର ସାମଲ ଓ ଗିରିଶ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଉପସ୍ଥିତ ସଦସ୍ୟ,ସଦସ୍ୟାମାନେ ସ୍ୱର୍ଗତ ବେହେରାଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହ ସ୍ୱର୍ଗତ ଆତ୍ମାର ସଦଗତି ନିମନ୍ତେ ଦୁଇ ମିନିଟ୍ ନୀରବ ପ୍ରାର୍ଥନା କରିଥିଲେ । ଶିକ୍ଷାବିତ୍ ଶତ୍ରୁଘନ ବେହେରା ଜଣେ ସରଳ, କର୍ମଠ ଓ ମେଳାପୀ ବ୍ୟକ୍ତି ଭାବରେ ଆଖପାଖ ଅଞ୍ଚଳରେ ପରିଚିତ ଥିଲେ । ସେ ଜଣେ ଦକ୍ଷ ସଂଗଠକ, କବି ତଥା କ୍ରୀଡ଼ାବିତ୍ ଭାବରେ ପ୍ରସିଦ୍ଧ ଲାଭ କରିଥିଲେ । ତାଙ୍କର ବିୟୋଗ ସାଉଥବଲଣ୍ଡା ସମ୍ବାଦ ସାହିତ୍ୟ ଘର ପାଇଁ ଏକ ଅପୂରଣୀୟ କ୍ଷତି ବୋଲି ବୋଲି ଅତିଥିମାନେ ମତବ୍ୟକ୍ତ କରିଥିଲେ । ସାହିତ୍ୟ ଘରର ସମ୍ପାଦକ କବି ତ୍ରିନାଥ ସାହୁ, ଉପସଭାପତି ସୁଶୀଲ କୁମାର ପ୍ରଧାନ, ସଂଗଠନ ସଂପାଦକ ପତିତପାବନ ପ୍ରଧାନ, ଯୁଗ୍ମ ସଂପାଦକ ହରିହର ଭୂକ୍ତା ପ୍ରମୁଖ ସ୍ୱର୍ଗତ ଶ୍ରୀ ବେହେରାଙ୍କ ଉଦ୍ଦେଶ୍ୟରେ ସ୍ମୃତିଚାରଣ କରିବା ସହ ସ୍ୱରଚିତ କବିତା ପାଠ କରିଥିଲେ। କାର୍ଯ୍ୟକ୍ରମକୁ ସାହିତ୍ୟ ଘରର ସମ୍ପାଦକ ତ୍ରିନାଥ ସାହୁ ପରିଚାଳନା କରିଥିବା ବେଳେ ଯୁଗ୍ମ ସଂପାଦକ ହରିହର ଭୂକ୍ତା ଧନ୍ୟବାଦ ଦେଇଥିଲେ । ସାହିତ୍ୟଘରର କୋଷାଧ୍ଯକ୍ଷ ଅରୁଣ କୁମାର ରାଉତ, ପଞ୍ଚାନନ ବେହେରା, ଭଗବାନ ବେହେରା, ଭକ୍ତ ଚରଣ ସାହୁ, ଅଶୋକ କୁମାର ବେହେରା ପ୍ରମୁଖ ସଦସ୍ୟ ଯୋଗ ଦେଇ ଶ୍ରଦ୍ଧାସୁମନ ଅର୍ପଣ କରିଥିଲେ ।