ଘରର ମୁଖ୍ୟଦ୍ୱାରରେ ଜୋତା ଷ୍ଟାଣ୍ଡ ରଖୁଥିବା ବ୍ୟକ୍ତିମାନଙ୍କୁ ସାବଧାନ ହେବାକୁ ପରାମର୍ଶ ଦିଆଯାଇଛି।

ଭୁବନେଶ୍ୱରର ଲୋୟର ପିଏମଜିରେ ବାଲିଅନ୍ତାର ଚର୍ଚ୍ଚିତ ସୌମ୍ୟ ହତ୍ୟା ମାମଲାକୁ ନେଇ ପୁଣିଥରେ ନ୍ୟାୟର ସ୍ୱର ଉଠିଛି। ସୌମ୍ୟଙ୍କ ପରିବାର ଏବଂ ସମର୍ଥକମାନେ ଏକତ୍ରିତ ହୋଇ ଦୋଷୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି। ସୌମ୍ୟଙ୍କ ମା' ଲୁହଭରା ଆଖିରେ ସରକାରଙ୍କୁ ନ୍ୟାୟ ପାଇଁ ନିବେଦନ କରିଛନ୍ତି। ସେ କହିଛନ୍ତି ଯେ ତାଙ୍କ ପୁଅ ସହିତ ଘଟିଥିବା ଘଟଣାର ସଠିକ୍ ତଦନ୍ତ ହେଉ ଏବଂ ପ୍ରକୃତ ଦୋଷୀମାନଙ୍କୁ ଶୀଘ୍ର ଦଣ୍ଡ ଦିଆଯାଉ। ପରିବାର ଅଭିଯୋଗ କରିଛି ଯେ ଘଟଣା ପରେ ମଧ୍ୟ ସେମାନେ ଆଶା କରୁଥିବା ନ୍ୟାୟ ପାଇନାହାନ୍ତି। ପ୍ରତିବାଦ ସ୍ଥଳରେ ଉପସ୍ଥିତ ଲୋକମାନେ "Justice For Soumya" ସ୍ଲୋଗାନ ଦେଇ ସରକାର ଓ ପ୍ରଶାସନକୁ ତଦନ୍ତ ପ୍ରକ୍ରିୟା ତ୍ୱରାନ୍ୱିତ କରିବାକୁ ଆହ୍ୱାନ କରିଥିଲେ। ଏହି ଘଟଣାକୁ ନେଇ ସୋସିଆଲ ମିଡିଆରେ ମଧ୍ୟ ଚର୍ଚ୍ଚା ଜାରି ରହିଛି, ଯେଉଁଠାରେ ଅନେକ ଲୋକ ସୌମ୍ୟଙ୍କ ପରିବାରକୁ ସମର୍ଥନ ଜଣାଇ ନ୍ୟାୟ ଦାବି କରୁଛନ୍ତି। ବର୍ତ୍ତମାନ ସମସ୍ତଙ୍କ ନଜର ସରକାର ଏବଂ ତଦନ୍ତକାରୀ ସଂସ୍ଥାଙ୍କ ପରବର୍ତ୍ତୀ ପଦକ୍ଷେପ ଉପରେ ରହିଛି।

ଜଗତସିଂହପୁର DRDA କାର୍ଯ୍ୟାଳୟର ମହିଳା ୱାସ୍‌ରୁମ୍‌ରୁ ଏକ ହିଡେନ୍ କ୍ୟାମେରା ଜବତ ହେବା ଘଟଣା ଏବେ ସମଗ୍ର ଜିଲ୍ଲାରେ ବ୍ୟାପକ ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାରେ ଜଡିତ ଥିବା ଜୁନିୟର କିରାଣି ସଞ୍ଜୟ ଅଧେଖାଙ୍କୁ ପୋଲିସ ଗିରଫ କରିଛି। ସୂଚନା ଅନୁସାରେ, ଏକତରଫା ପ୍ରେମରେ ବିଫଳ ହେବା କାରଣରୁ ସଞ୍ଜୟ ଏହି କାର୍ଯ୍ୟ କରିଥିବା ଜଣାପଡ଼ିଛି। ପୋଲିସ ତଦନ୍ତରେ ଏହି ଘଟଣା ସମ୍ପର୍କରେ ଅନେକ ଚମକାଇଦେବା ଭଳି ତଥ୍ୟ ସାମ୍ନାକୁ ଆସିଛି।

ଢ଼େଙ୍କାନାଳ ଜିଲ୍ଲା ଅନ୍ତର୍ଗତ ଭୁବନରେ ବାଦ୍ୟକାର ମହସଂଘର ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ଏହି ବୈଠକ ମାଧ୍ୟମରେ ବାଦ୍ୟକାରମାନଙ୍କ ଅଧିକାର ପାଇଁ ଆହ୍ବାନ ଦିଆଯାଇଛି।

ସୌମ୍ୟ ହତ୍ୟା ମାମଲାକୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଏହି ମାମଲାରେ ସୌମ୍ୟଙ୍କ ମାଆ ଏକ ଚରମପନ୍ଥୀ ବୟାନ ଦେଇଛନ୍ତି ଯେ, ଯଦି ତାଙ୍କ ପୁଅକୁ ନ୍ୟାୟ ନମିଳେ, ତେବେ ସେ ନିଜ ମୁଣ୍ଡ କାଟି ଗଡ଼ାଇ ଦେବେ।

କଳିଙ୍ଗନଗର ସ୍ଥିତ ରଣା ଗୁଣ୍ଡି ପଞ୍ଚାୟତରେ ଶ୍ରୀ ବିନାୟକ ମେଡିକାଲ ଏବଂ ଷ୍ଟିଲି ସିଟିର ମିଳିତ ଆନୁକୂଲ୍ୟରେ ଏକ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ ହୋଇଛି। ଏହି ମେଡିକାଲ ସେବାରେ ରଣା ଗୁଣ୍ଡି ପଞ୍ଚାୟତରୁ ୧୦୦ରୁ ଅଧିକ ଲୋକ ଯୋଗ ଦେଇ ସେମାନଙ୍କର ସ୍ୱାସ୍ଥ୍ୟ ପରୀକ୍ଷା କରାଇଛନ୍ତି।

କୋରେଇ IIC ରାକେଶ ସାର ଆକ୍ସନ ମୁଡ଼ରେ ରହି ବଛିପୁର ନିକଟରୁ ୬ଟି ବାଲିଗାଡିକୁ ଧରିଛନ୍ତି। ଏହି ଘଟଣାକୁ ନେଇ ସେ ତଦନ୍ତ ପାଇଁ ଖଣି ବିଭାଗକୁ ନିର୍ଦ୍ଦେଶ ଦେଇଥିବା ଜଣାପଡିଛି।

ଜଗତସିଂହପୁରରେ ମହିଳା ଶୌଚାଳୟ ଭିତରେ ସିକ୍ରେଟ କ୍ୟାମେରା ଲଗାଇବା ଜଣେ ବ୍ୟକ୍ତିଙ୍କୁ ମହଙ୍ଗା ପଡ଼ିଛି। ଏହି ଘଟଣାରେ ଜୁନିଅର ସଞ୍ଜୟ ନାମକ ଅଭିଯୁକ୍ତଙ୍କୁ ପୋଲିସ ଗିରଫ କରିଛି।

ରାହାମା ସ୍ଥିତ ସାଇଲୋ ଉଚ୍ଚ ବିଦ୍ୟାଳୟ ପରିସରରେ ସହକାରୀ ଶିକ୍ଷୟତ୍ରୀ ଶ୍ରୀମତୀ ନିରୁପମା ବାରିକଙ୍କୁ ତାଙ୍କର ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି। ଏହି ସମାରୋହରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ରାଜଲକ୍ଷ୍ମୀ ପୃଷ୍ଟି, ପୂର୍ବତନ ବିଇଓ ପବିତ୍ର କୁମାର କର, ଜିଲ୍ଲାପରିଷଦ ସଭ୍ୟ ରବିନାରାୟଣ ସାହୁ, ଗୋବିନ୍ଦ ଚନ୍ଦ୍ର ମିଶ୍ର ଏବଂ ସମୀର କୁମାର ଗିରି ପ୍ରମୁଖ ବରେଣ୍ୟ ଅତିଥି ଭାବେ ଯୋଗଦେଇଥିଲେ। ସେମାନେ ନିରୂପମାଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ। ଉକ୍ତ ସଭାରେ ପ୍ରହ୍ଲାଦ ପଶାୟତ, କ୍ଷୀରୋଦ ଚନ୍ଦ୍ର ଦାସ, ରାଜେନ୍ଦ୍ର ପ୍ରସାଦ ବାରିକ, ସଞ୍ଜୟ ମହାପାତ୍ର, ପ୍ରଦୀପ୍ତ ବେହେରା, ନିର୍ଲିପ୍ତ ବିଶ୍ବାଳ, ଦୀପିକା ମୁଦୁଲି, ସରଳା ସେଠୀ, ଲିପସା‌ ସାହୁ, ଅରୁନ୍ଧତୀ ଦାସ, ଗାୟତ୍ରୀ ବେହେରା, ଲକ୍ଷ୍ମୀ ପ୍ରିୟା ମାଝି, ନିରୁପମା ପ୍ରଧାନ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ସଭାକାର୍ଯ୍ୟ ପରିଚାଳନା କରିଥିଲେ। ହାଇସ୍କୁଲ ପକ୍ଷରୁ ଅବସରପ୍ରାପ୍ତ ଶିକ୍ଷୟତ୍ରୀଙ୍କୁ ମାନପତ୍ର, ଉପଢ଼ୌକନ ଓ ପୁଷ୍ପଗୁଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା।

ରାହାମା ITCT କମ୍ପୁଟର ପଏଣ୍ଟର କୃତୀ ଛାତ୍ରଛାତ୍ରୀମାନଙ୍କ ସଫଳତାକୁ ନେଇ ଏକ ସମ୍ବର୍ଦ୍ଧନା ଉତ୍ସବର ଆୟୋଜନ କରାଯାଇଥିଲା। ଏହି ଅବସରରେ ଛାତ୍ରଛାତ୍ରୀମାନେ ଶପଥ ନେଇଥିଲେ ଯେ ସେମାନେ ନିଶ୍ଚିତ ଭାବରେ ଭଲ ପାଠ ପଢ଼ି ସମାଜର ନାମ ରଖିବେ ଏବଂ ଜଣେ ଜଣେ ଉଚ୍ଚକୋଟୀର ବ୍ୟକ୍ତି ହୋଇ ସମାଜର ମଙ୍ଗଳ ପାଇଁ କିଛି କାର୍ଯ୍ୟ କରିବେ। ଉତ୍ସବରେ ଯୋଗଦେଇଥିବା ବହୁ ବରିଷ୍ଠ ଶିକ୍ଷକ ଶିକ୍ଷୟିତ୍ରୀମାନେ ପ୍ରତିଭାବାନ ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧନା ଜଣାଇବା ସହ ସେମାନଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ।