தூத்துக்குடி மாவட்டம், எட்டையபுரம் வட்டம், துரைச்சாமிபுரம் கிராமத்தைச் சேர்ந்த கூலித் தொழிலாளியான 40 வயது குருசாமி என்பவர், நேற்று தனது சொந்த ஊரிலிருந்து கீழ ஈரால் கிராமத்தில் வசிக்கும் தனது தங்கை மாரியம்மாளைப் பார்ப்பதற்காகப் புறப்பட்டுள்ளார். துரைச்சாமிபுரத்திலிருந்து மதுரை - தூத்துக்குடி தேசிய நெடுஞ்சாலையில் தனது பைக்கில் சென்று கொண்டிருந்தபோது, பின்னால் அதிவேகமாக வந்த அடையாளம் தெரியாத கார் ஒன்று எதிர்பாராத விதமாக அவரது இருசக்கர வாகனத்தின் மீது மோதியது. விபத்தை ஏற்படுத்திய அந்தக் கார் நிற்காமல் அதிவேகமாகச் சென்று மறைந்தது. இந்த விபத்தில் தூக்கி வீசப்பட்ட குருசாமிக்குத் தலையில் பலத்த ரத்தக்காயம் ஏற்பட்டு, சம்பவ இடத்திலேயே பரிதாபமாக உயிரிழந்தார். விபத்து குறித்து தகவல் அறிந்த எட்டையபுரம் போலீசார், குருசாமியின் உடலைக் கைப்பற்றிப் பிரேதப் பரிசோதனைக்காகத் தூத்துக்குடி அரசு மருத்துவமனைக்கு அனுப்பி வைத்தனர். மேலும், இந்தச் சம்பவம் குறித்து எட்டையபுரம் காவல் நிலைய போலீசார் வழக்குப் பதிவு செய்து, விபத்தை ஏற்படுத்திவிட்டு நிற்காமல் தப்பிச் சென்ற அடையாளம் தெரியாத காரையும், அதன் ஓட்டுநரையும் தீவிரமாகத் தேடி வருகின்றனர். தங்கை வீட்டிற்குச் சென்ற இளைஞர் கார் மோதி உயிரிழந்த இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது.

மா.சுடலைமணி

Local News Reporter தூத்துக்குடி, தூத்துக்குடி, தமிழ்நாடு•

13 hrs ago

தூத்துக்குடி மாவட்டம், எட்டையபுரம் வட்டம், துரைச்சாமிபுரம் கிராமத்தைச் சேர்ந்த கூலித் தொழிலாளியான 40 வயது குருசாமி என்பவர், நேற்று தனது சொந்த ஊரிலிருந்து கீழ ஈரால் கிராமத்தில் வசிக்கும் தனது தங்கை மாரியம்மாளைப் பார்ப்பதற்காகப் புறப்பட்டுள்ளார். துரைச்சாமிபுரத்திலிருந்து மதுரை - தூத்துக்குடி தேசிய நெடுஞ்சாலையில் தனது பைக்கில் சென்று கொண்டிருந்தபோது, பின்னால் அதிவேகமாக வந்த அடையாளம் தெரியாத கார் ஒன்று எதிர்பாராத விதமாக அவரது இருசக்கர வாகனத்தின் மீது மோதியது. விபத்தை ஏற்படுத்திய அந்தக் கார் நிற்காமல் அதிவேகமாகச் சென்று மறைந்தது. இந்த விபத்தில் தூக்கி வீசப்பட்ட குருசாமிக்குத் தலையில் பலத்த ரத்தக்காயம் ஏற்பட்டு, சம்பவ இடத்திலேயே பரிதாபமாக உயிரிழந்தார். விபத்து குறித்து தகவல் அறிந்த எட்டையபுரம் போலீசார், குருசாமியின் உடலைக் கைப்பற்றிப் பிரேதப் பரிசோதனைக்காகத் தூத்துக்குடி அரசு மருத்துவமனைக்கு அனுப்பி வைத்தனர். மேலும், இந்தச் சம்பவம் குறித்து எட்டையபுரம் காவல் நிலைய போலீசார் வழக்குப் பதிவு செய்து, விபத்தை ஏற்படுத்திவிட்டு நிற்காமல் தப்பிச் சென்ற அடையாளம் தெரியாத காரையும், அதன் ஓட்டுநரையும் தீவிரமாகத் தேடி வருகின்றனர். தங்கை வீட்டிற்குச் சென்ற இளைஞர் கார் மோதி உயிரிழந்த இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது.