भारत निवडणूक आयोगाच्या विशेष सखोल पुनरीक्षण (S.I.R.) कार्यक्रमांतर्गत वाशिम जिल्ह्यातील प्रत्येक मतदाराने गणनापत्र (ई.एफ. फॉर्म) भरणे आवश्यक असल्याचे जिल्हाधिकारी कार्यालयाने स्पष्ट केले आहे. मतदार यादीत आधीपासून नाव नोंदवलेले असले तरीही, प्रत्येक मतदाराला हा फॉर्म भरून सादर करावा लागणार आहे. प्रारूप मतदार यादीमध्ये आपल्या नावाची नोंद निश्चित करण्यासाठी २९ जुलैपूर्वी ही प्रक्रिया पूर्ण करण्याचे आवाहन जिल्हा प्रशासनाने केले आहे. हा गणनापत्र फॉर्म भरण्यासाठी मतदारांना दोन पर्याय उपलब्ध करून देण्यात आले आहेत. पहिल्या पर्यायानुसार, संबंधित मतदान केंद्रस्तरीय अधिकारी (बी.एल.ओ.) यांच्याकडे प्रत्यक्ष गणनापत्र भरून देता येईल. दुसऱ्या पर्यायानुसार, संकेतस्थळावर जाऊन नागरिक स्वतः ऑनलाईन पद्धतीने हे गणनापत्र भरू शकतात. ऑनलाईन फॉर्म भरण्याची प्रक्रिया समजून घेण्यासाठी जिल्हा प्रशासनाने एक व्हिडिओ देखील उपलब्ध करून दिला आहे. फॉर्म भरल्यानंतर बी.एल.ओ. संबंधित गणनापत्राची पडताळणी करणार आहेत. आपला मतदानाचा हक्क सुरक्षित ठेवण्यासाठी ही महत्त्वाची माहिती सर्व नागरिकांपर्यंत पोहोचवावी, असे विनम्र आवाहन जिल्हा प्रशासनाकडून जिल्ह्यातील सर्व मतदारांना करण्यात आले आहे.

के.के. रिपोर्टर

Spa रिसोड, वाशिम, महाराष्ट्र•

11 hrs ago

भारत निवडणूक आयोगाच्या विशेष सखोल पुनरीक्षण (S.I.R.) कार्यक्रमांतर्गत वाशिम जिल्ह्यातील प्रत्येक मतदाराने गणनापत्र (ई.एफ. फॉर्म) भरणे आवश्यक असल्याचे जिल्हाधिकारी कार्यालयाने स्पष्ट केले आहे. मतदार यादीत आधीपासून नाव नोंदवलेले असले तरीही, प्रत्येक मतदाराला हा फॉर्म भरून सादर करावा लागणार आहे. प्रारूप मतदार यादीमध्ये आपल्या नावाची नोंद निश्चित करण्यासाठी २९ जुलैपूर्वी ही प्रक्रिया पूर्ण करण्याचे आवाहन जिल्हा प्रशासनाने केले आहे. हा गणनापत्र फॉर्म भरण्यासाठी मतदारांना दोन पर्याय उपलब्ध करून देण्यात आले आहेत. पहिल्या पर्यायानुसार, संबंधित मतदान केंद्रस्तरीय अधिकारी (बी.एल.ओ.) यांच्याकडे प्रत्यक्ष गणनापत्र भरून देता येईल. दुसऱ्या पर्यायानुसार, संकेतस्थळावर जाऊन नागरिक स्वतः ऑनलाईन पद्धतीने हे गणनापत्र भरू शकतात. ऑनलाईन फॉर्म भरण्याची प्रक्रिया समजून घेण्यासाठी जिल्हा प्रशासनाने एक व्हिडिओ देखील उपलब्ध करून दिला आहे. फॉर्म भरल्यानंतर बी.एल.ओ. संबंधित गणनापत्राची पडताळणी करणार आहेत. आपला मतदानाचा हक्क सुरक्षित ठेवण्यासाठी ही महत्त्वाची माहिती सर्व नागरिकांपर्यंत पोहोचवावी, असे विनम्र आवाहन जिल्हा प्रशासनाकडून जिल्ह्यातील सर्व मतदारांना करण्यात आले आहे.