धुळे जिल्ह्यात वनक्षेत्र वाढीसाठी प्रभावी उपाययोजना राबवा* *:पालकमंत्री जयकुमार रावल *धुळे, दि. 1 मे 2026 (जिमाका वृत्त) :* जिल्ह्यातील वनक्षेत्र वाढविण्यासाठी वनविभागाने नियोजनबद्ध व प्रभावी उपाययोजना राबवाव्यात, असे निर्देश राज्याचे पणन व राजशिष्टाचार मंत्री तथा जिल्ह्याचे पालकमंत्री जयकुमार रावल यांनी दिले. धुळे वनविभागात पालकमंत्री श्री. रावल यांच्या अध्यक्षतेखाली आढावा बैठक पार पडली. यावेळी आमदार अनुपभैय्या अग्रवाल, आमदार राघवेंद्र पाटील, मुख्य वनसंरक्षक (प्रादेशिक) निनू सोमराज, उपवनसंरक्षक मोहन नाईकवाडे, निवासी उपजिल्हाधिकारी शरद पवार, उपविभागीय अधिकारी रोहन कुवर यांच्यासह वनविभागातील वरिष्ठ अधिकारी उपस्थित होते. पालकमंत्री श्री. रावल म्हणाले की, पर्यावरणाचे संतुलन राखण्यासाठी तसेच पर्जन्यमानात वाढ होण्यासाठी वृक्षलागवड व वनसंवर्धन अत्यावश्यक आहे. यासाठी शासकीय जमिनीवर मोठ्या प्रमाणात वृक्षलागवड करावी. त्यासाठी स्थानिक हवामानाला पूरक प्रजातींची निवड करावी. केवळ वृक्षलागवड न करता त्यांच्या संगोपनासाठी दीर्घकालीन कृती आराखडा तयार करावा. वनसंवर्धनासोबत वन्यजीव वाढीसाठीही प्रयत्न करावेत. वनक्षेत्रात वनतळे तयार करून प्राण्यांसाठी पाण्याची व्यवस्था करावी, असे त्यांनी सांगितले. तसेच शिंदखेडा येथे नवीन नर्सरी उभारावी आणि मोर, ससे, कोल्हे यांसारख्या वन्यप्राण्यांची संख्या वाढविण्यासाठी उपाययोजना कराव्यात, असे निर्देश त्यांनी दिले. वृक्षलागवड उपक्रमात जनसहभाग वाढविण्यावर भर देत त्यांनी शाळा, महाविद्यालये, स्वयंसेवी संस्था व सामाजिक संघटनांच्या माध्यमातून जनजागृती मोहिमा राबवण्याचे निर्देश दिले. या संस्थांना वृक्षलागवडीचे ‘पालकत्व’ देऊन लागवड केलेल्या झाडांचे संगोपन व संरक्षण यावर विशेष भर द्यावा. वृक्षलागवड करताना मोठ्या आकाराची रोपे लावावीत. तसेच ‘इको डेव्हलपमेंट प्लॅन’ तयार करावा. धुळे शहरात ‘ऑक्सिजन पार्क’ उभारण्याबाबतही त्यांनी सूचना दिल्या. ‘हरित धुळे’ उपक्रम अधिक प्रभावी करण्यासाठी सर्व संबंधित विभागांनी समन्वयाने कार्य करावे, असे त्यांनी सांगितले. यावेळी मुख्य वनसंरक्षक (प्रादेशिक) श्रीमती सोमराज व उपवनसंरक्षक श्री. नाईकवाडे यांनी वनविभागाच्या विविध योजनांची माहिती सादर केली. 00000

सुमन नागनाथ अलमलकर

Latur, Maharashtra•

20 hrs ago

धुळे जिल्ह्यात वनक्षेत्र वाढीसाठी प्रभावी उपाययोजना राबवा* *:पालकमंत्री जयकुमार रावल *धुळे, दि. 1 मे 2026 (जिमाका वृत्त) :* जिल्ह्यातील वनक्षेत्र वाढविण्यासाठी वनविभागाने नियोजनबद्ध व प्रभावी उपाययोजना राबवाव्यात, असे निर्देश राज्याचे पणन व राजशिष्टाचार मंत्री तथा जिल्ह्याचे पालकमंत्री जयकुमार रावल यांनी दिले. धुळे वनविभागात पालकमंत्री श्री. रावल यांच्या अध्यक्षतेखाली आढावा बैठक पार पडली. यावेळी आमदार अनुपभैय्या अग्रवाल, आमदार राघवेंद्र पाटील, मुख्य वनसंरक्षक (प्रादेशिक) निनू सोमराज, उपवनसंरक्षक मोहन नाईकवाडे, निवासी उपजिल्हाधिकारी शरद पवार, उपविभागीय अधिकारी रोहन कुवर यांच्यासह वनविभागातील वरिष्ठ अधिकारी उपस्थित होते. पालकमंत्री श्री. रावल म्हणाले की, पर्यावरणाचे संतुलन राखण्यासाठी तसेच पर्जन्यमानात वाढ होण्यासाठी वृक्षलागवड व वनसंवर्धन अत्यावश्यक आहे. यासाठी शासकीय जमिनीवर मोठ्या प्रमाणात वृक्षलागवड करावी. त्यासाठी स्थानिक हवामानाला पूरक प्रजातींची निवड करावी. केवळ वृक्षलागवड न करता त्यांच्या संगोपनासाठी दीर्घकालीन कृती आराखडा तयार करावा. वनसंवर्धनासोबत वन्यजीव वाढीसाठीही प्रयत्न करावेत. वनक्षेत्रात वनतळे तयार करून प्राण्यांसाठी पाण्याची व्यवस्था करावी, असे त्यांनी सांगितले. तसेच शिंदखेडा येथे नवीन नर्सरी उभारावी आणि मोर, ससे, कोल्हे यांसारख्या वन्यप्राण्यांची संख्या वाढविण्यासाठी उपाययोजना कराव्यात, असे निर्देश त्यांनी दिले. वृक्षलागवड उपक्रमात जनसहभाग वाढविण्यावर भर देत त्यांनी शाळा, महाविद्यालये, स्वयंसेवी संस्था व सामाजिक संघटनांच्या माध्यमातून जनजागृती मोहिमा राबवण्याचे निर्देश दिले. या संस्थांना वृक्षलागवडीचे ‘पालकत्व’ देऊन लागवड केलेल्या झाडांचे संगोपन व संरक्षण यावर विशेष भर द्यावा. वृक्षलागवड करताना मोठ्या आकाराची रोपे लावावीत. तसेच ‘इको डेव्हलपमेंट प्लॅन’ तयार करावा. धुळे शहरात ‘ऑक्सिजन पार्क’ उभारण्याबाबतही त्यांनी सूचना दिल्या. ‘हरित धुळे’ उपक्रम अधिक प्रभावी करण्यासाठी सर्व संबंधित विभागांनी समन्वयाने कार्य करावे, असे त्यांनी सांगितले. यावेळी मुख्य वनसंरक्षक (प्रादेशिक) श्रीमती सोमराज व उपवनसंरक्षक श्री. नाईकवाडे यांनी वनविभागाच्या विविध योजनांची माहिती सादर केली. 00000