खामगाव नगरपालिकेकडून पावसाळ्याच्या पार्श्वभूमीवर शहरातील मुख्य नाल्यासह विविध प्रभागांतील आठ ते दहा लहान-मोठ्या नाल्यांची स्वच्छता युद्धपातळीवर सुरू करण्यात आली आहे. नाल्यांमध्ये साचलेला कचरा आणि गाळ काढून पाण्याचा निचरा सुरळीत करण्याचा प्रयत्न प्रशासनाकडून केला जात असून, ही कामे येत्या काही दिवसांत पूर्ण होतील अशी माहिती देण्यात आली आहे. शहरात घंटागाडी आणि ट्रॅक्टरच्या माध्यमातून दररोज कचरा संकलनाची व्यवस्था असतानाही, काही नागरिक, व्यापारी, खाद्यपदार्थ विक्रेते तसेच चौपाटीवरील दुकानदारांकडून नाल्यांमध्ये कचरा आणि शिळे अन्न टाकले जात असल्याचे निदर्शनास आले आहे. यामुळे पावसाळ्यात पाणी तुंबण्याचा धोका निर्माण होत असून नागरिकांच्या आरोग्याचाही प्रश्न गंभीर बनत आहे. या पार्श्वभूमीवर, खामगाव नगरपालिकेचे मुख्याधिकारी डॉ. प्रशांत शेळके यांनी कडक इशारा दिला आहे की, यापुढे नाल्यांमध्ये कचरा टाकताना कोणीही आढळल्यास संबंधितांवर थेट कायदेशीर कारवाई करण्यात येईल. खामगाव शहराला स्वच्छ आणि पावसाळ्यात जलमय परिस्थितीपासून सुरक्षित ठेवण्यासाठी प्रशासनासोबत नागरिकांनीही सहकार्य करण्याचे आवाहन करण्यात आले आहे.

SHEGAONlive

Local News Reporter Buldana, Buldhana•

3 hrs ago

खामगाव नगरपालिकेकडून पावसाळ्याच्या पार्श्वभूमीवर शहरातील मुख्य नाल्यासह विविध प्रभागांतील आठ ते दहा लहान-मोठ्या नाल्यांची स्वच्छता युद्धपातळीवर सुरू करण्यात आली आहे. नाल्यांमध्ये साचलेला कचरा आणि गाळ काढून पाण्याचा निचरा सुरळीत करण्याचा प्रयत्न प्रशासनाकडून केला जात असून, ही कामे येत्या काही दिवसांत पूर्ण होतील अशी माहिती देण्यात आली आहे. शहरात घंटागाडी आणि ट्रॅक्टरच्या माध्यमातून दररोज कचरा संकलनाची व्यवस्था असतानाही, काही नागरिक, व्यापारी, खाद्यपदार्थ विक्रेते तसेच चौपाटीवरील दुकानदारांकडून नाल्यांमध्ये कचरा आणि शिळे अन्न टाकले जात असल्याचे निदर्शनास आले आहे. यामुळे पावसाळ्यात पाणी तुंबण्याचा धोका निर्माण होत असून नागरिकांच्या आरोग्याचाही प्रश्न गंभीर बनत आहे. या पार्श्वभूमीवर, खामगाव नगरपालिकेचे मुख्याधिकारी डॉ. प्रशांत शेळके यांनी कडक इशारा दिला आहे की, यापुढे नाल्यांमध्ये कचरा टाकताना कोणीही आढळल्यास संबंधितांवर थेट कायदेशीर कारवाई करण्यात येईल. खामगाव शहराला स्वच्छ आणि पावसाळ्यात जलमय परिस्थितीपासून सुरक्षित ठेवण्यासाठी प्रशासनासोबत नागरिकांनीही सहकार्य करण्याचे आवाहन करण्यात आले आहे.