અંકલેશ્વરની શ્રી ગટ્ટુ વિદ્યાલયના CBSE વિભાગમાં શુક્રવાર, તા. 10 જુલાઈ, 2026ના રોજ ‘બાળકો માટે આહાર અને પોષણ’ વિષય પર એક વિશેષ જાગૃતિ સત્રનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય બાળકોના સર્વાંગી વિકાસ અને સ્વસ્થ જીવનશૈલીને પ્રોત્સાહન આપવાનો હતો. આ સત્રમાં નર્સરીથી ધોરણ 5 સુધીના વિદ્યાર્થીઓની માતાઓએ મોટી સંખ્યામાં ભાગ લીધો હતો, જેમાં પ્રશ્નોત્તરી દ્વારા વાલીઓને આરોગ્ય અંગે ઉપયોગી માર્ગદર્શન મળ્યું હતું. આ કાર્યક્રમમાં ન્યુટ્રિશનિસ્ટ શ્રીમતી ધારા જયસ્વાલ અને શ્રીમતી અદિતિ જોશીએ નિષ્ણાત તરીકે માર્ગદર્શન પૂરું પાડ્યું હતું. બંને નિષ્ણાતો છેલ્લા 15 વર્ષથી પોષણ અને આરોગ્ય ક્ષેત્રે કાર્યરત છે અને મહારાજા સયાજીરાવ યુનિવર્સિટી, વડોદરાના Foods and Nutrition વિભાગમાં વ્યાખ્યાતા રહી ચૂક્યા છે. હાલમાં તેઓ Ambrosia Health & Nutrition Services સાથે જોડાયેલા છે, જે WHOની માર્ગદર્શિકા મુજબ શાળા પોષણ કાર્યક્રમોનું સંચાલન કરે છે અને 4,000થી વધુ બાળકો સુધી સેવાઓ પહોંચાડે છે. સત્ર દરમિયાન બાળકોના શારીરિક, માનસિક અને બૌદ્ધિક વિકાસ માટે સંતુલિત આહારનું મહત્વ, ઉંમર પ્રમાણે જરૂરી પોષક તત્ત્વો, સ્વસ્થ આહારની આદતો અને જંક ફૂડના દૂષ્પ્રભાવો અંગે વિસ્તૃત સમજ આપવામાં આવી હતી. શાળાના કેમ્પસ ડિરેક્ટર અને આચાર્યા શ્રીમતી મિષેલ ગણેશાણીએ નિષ્ણાતોનું સ્વાગત કરી શિક્ષણ સાથે યોગ્ય પોષણની સમજને સમયની માંગ ગણાવી હતી. આ કાર્યક્રમનું આયોજન શાળાના ઉપાચાર્યા શ્રીમતી સુચિતા રૉયના માર્ગદર્શન હેઠળ શ્રીમતી જાનવી પટેલ અને શ્રીમતી શાલુ પારીક દ્વારા કરવામાં આવ્યું હતું.

Gujarat Introverted day

Local News Reporter અંકલેશ્વર, ભરૂચ, ગુજરાત•

1 day ago

અંકલેશ્વરની શ્રી ગટ્ટુ વિદ્યાલયના CBSE વિભાગમાં શુક્રવાર, તા. 10 જુલાઈ, 2026ના રોજ ‘બાળકો માટે આહાર અને પોષણ’ વિષય પર એક વિશેષ જાગૃતિ સત્રનું આયોજન કરવામાં આવ્યું હતું. આ કાર્યક્રમનો મુખ્ય ઉદ્દેશ્ય બાળકોના સર્વાંગી વિકાસ અને સ્વસ્થ જીવનશૈલીને પ્રોત્સાહન આપવાનો હતો. આ સત્રમાં નર્સરીથી ધોરણ 5 સુધીના વિદ્યાર્થીઓની માતાઓએ મોટી સંખ્યામાં ભાગ લીધો હતો, જેમાં પ્રશ્નોત્તરી દ્વારા વાલીઓને આરોગ્ય અંગે ઉપયોગી માર્ગદર્શન મળ્યું હતું. આ કાર્યક્રમમાં ન્યુટ્રિશનિસ્ટ શ્રીમતી ધારા જયસ્વાલ અને શ્રીમતી અદિતિ જોશીએ નિષ્ણાત તરીકે માર્ગદર્શન પૂરું પાડ્યું હતું. બંને નિષ્ણાતો છેલ્લા 15 વર્ષથી પોષણ અને આરોગ્ય ક્ષેત્રે કાર્યરત છે અને મહારાજા સયાજીરાવ યુનિવર્સિટી, વડોદરાના Foods and Nutrition વિભાગમાં વ્યાખ્યાતા રહી ચૂક્યા છે. હાલમાં તેઓ Ambrosia Health & Nutrition Services સાથે જોડાયેલા છે, જે WHOની માર્ગદર્શિકા મુજબ શાળા પોષણ કાર્યક્રમોનું સંચાલન કરે છે અને 4,000થી વધુ બાળકો સુધી સેવાઓ પહોંચાડે છે. સત્ર દરમિયાન બાળકોના શારીરિક, માનસિક અને બૌદ્ધિક વિકાસ માટે સંતુલિત આહારનું મહત્વ, ઉંમર પ્રમાણે જરૂરી પોષક તત્ત્વો, સ્વસ્થ આહારની આદતો અને જંક ફૂડના દૂષ્પ્રભાવો અંગે વિસ્તૃત સમજ આપવામાં આવી હતી. શાળાના કેમ્પસ ડિરેક્ટર અને આચાર્યા શ્રીમતી મિષેલ ગણેશાણીએ નિષ્ણાતોનું સ્વાગત કરી શિક્ષણ સાથે યોગ્ય પોષણની સમજને સમયની માંગ ગણાવી હતી. આ કાર્યક્રમનું આયોજન શાળાના ઉપાચાર્યા શ્રીમતી સુચિતા રૉયના માર્ગદર્શન હેઠળ શ્રીમતી જાનવી પટેલ અને શ્રીમતી શાલુ પારીક દ્વારા કરવામાં આવ્યું હતું.