నర్సాపురం నియోజకవర్గంలోని యర్రంశెట్టివారి పాలెం గ్రామ పంచాయతీ మాజీ సర్పంచ్ మరియు రైతు ప్రజా సమస్యల పోరాట నాయకులు కూనప రెడ్డి వీర వెంకట విజయ రంగారావు, సోమవారం జరిగిన ప్రజావాణి కార్యక్రమంలో మూడు ప్రధాన సమస్యలపై ఆర్డీవో దాసిరాజుకు వినతిపత్రాలు అందజేశారు. ఈ సమస్యల పరిష్కారం కోసం తక్షణ చర్యలు తీసుకోవాలని ఆయన ఆర్డీవోను కోరారు. ఈ సందర్భంగా కూనప రెడ్డి మాట్లాడుతూ, కూటమి ప్రభుత్వం అధికారంలోకి వచ్చి రెండేళ్లు గడిచినా, అర్హులైన వృద్ధాప్య, వికలాంగ, వితంతు పింఛన్ల లబ్ధిదారులు సచివాలయంలో, గ్రీవెన్స్‌లో దరఖాస్తులు చేసుకున్నప్పటికీ, ఆన్‌లైన్ ఇంకా ఓపెన్ కాలేదని చెప్పి కాలయాపన చేస్తున్నారని ఆరోపించారు. అర్హులైన వారికి తక్షణమే పింఛన్లు మంజూరు చేసేలా తగు చర్యలు తీసుకోవాలని ఆయన డిమాండ్ చేశారు. రెండో ప్రధాన సమస్యగా, నరసాపురం పట్టణ పరిధిలోని మున్సిపాలిటీ మురుగునీరు వేములదేవి కాలువలోకి వదలడం వల్ల ఆ నీరు కలుషితమై ప్రజలు వివిధ రకాల జబ్బుల బారిన పడుతున్నారని కూనప రెడ్డి వివరించారు. ఈ కాలువ నుండి వచ్చే తాగునీరు, సాగునీరు కలుషితం కాకుండా మున్సిపల్ డ్రైనేజ్ నీరు వేములదేవి కాలువలో కలవకుండా నిలువరించే చర్యలు తీసుకోవాలని ఆయన వినతిపత్రంలో పేర్కొన్నారు. మూడో సమస్యగా, రుస్తుంబాధ నత్తల మురుగు కాలువలో మున్సిపల్ డ్రైనేజ్ వాటర్ చేరడం వల్ల, ఆ నీరు దిగువ ప్రాంతాల భూముల్లోకి ప్రవహించి దాదాపు ఎనిమిది సంవత్సరాలుగా రైతులు రెండు పంటలు పండించుకునే అవకాశం లేకుండా పోయిందని ఆయన వాపోయారు. సంబంధిత శాఖా పరమైన అధికారులు, పాలకులు తక్షణమే స్పందించి, డ్రైనేజ్ నీరు ఈ కాలువలలో కలవకుండా చర్యలు తీసుకుని, రైతులు తిరిగి రెండు పంటలు పండించుకునేందుకు అవకాశం కల్పించాలని విజయ రంగారావు తన వినతిపత్రంలో స్పష్టంగా డిమాండ్ చేశారు.

శిద్దాని వేణుగోపాల్ (చిన్ని)

Paan shop నరసాపురం, పశ్చిమ గోదావరి, ఆంధ్రప్రదేశ్•

5 hrs ago

నర్సాపురం నియోజకవర్గంలోని యర్రంశెట్టివారి పాలెం గ్రామ పంచాయతీ మాజీ సర్పంచ్ మరియు రైతు ప్రజా సమస్యల పోరాట నాయకులు కూనప రెడ్డి వీర వెంకట విజయ రంగారావు, సోమవారం జరిగిన ప్రజావాణి కార్యక్రమంలో మూడు ప్రధాన సమస్యలపై ఆర్డీవో దాసిరాజుకు వినతిపత్రాలు అందజేశారు. ఈ సమస్యల పరిష్కారం కోసం తక్షణ చర్యలు తీసుకోవాలని ఆయన ఆర్డీవోను కోరారు. ఈ సందర్భంగా కూనప రెడ్డి మాట్లాడుతూ, కూటమి ప్రభుత్వం అధికారంలోకి వచ్చి రెండేళ్లు గడిచినా, అర్హులైన వృద్ధాప్య, వికలాంగ, వితంతు పింఛన్ల లబ్ధిదారులు సచివాలయంలో, గ్రీవెన్స్‌లో దరఖాస్తులు చేసుకున్నప్పటికీ, ఆన్‌లైన్ ఇంకా ఓపెన్ కాలేదని చెప్పి కాలయాపన చేస్తున్నారని ఆరోపించారు. అర్హులైన వారికి తక్షణమే పింఛన్లు మంజూరు చేసేలా తగు చర్యలు తీసుకోవాలని ఆయన డిమాండ్ చేశారు. రెండో ప్రధాన సమస్యగా, నరసాపురం పట్టణ పరిధిలోని మున్సిపాలిటీ మురుగునీరు వేములదేవి కాలువలోకి వదలడం వల్ల ఆ నీరు కలుషితమై ప్రజలు వివిధ రకాల జబ్బుల బారిన పడుతున్నారని కూనప రెడ్డి వివరించారు. ఈ కాలువ నుండి వచ్చే తాగునీరు, సాగునీరు కలుషితం కాకుండా మున్సిపల్ డ్రైనేజ్ నీరు వేములదేవి కాలువలో కలవకుండా నిలువరించే చర్యలు తీసుకోవాలని ఆయన వినతిపత్రంలో పేర్కొన్నారు. మూడో సమస్యగా, రుస్తుంబాధ నత్తల మురుగు కాలువలో మున్సిపల్ డ్రైనేజ్ వాటర్ చేరడం వల్ల, ఆ నీరు దిగువ ప్రాంతాల భూముల్లోకి ప్రవహించి దాదాపు ఎనిమిది సంవత్సరాలుగా రైతులు రెండు పంటలు పండించుకునే అవకాశం లేకుండా పోయిందని ఆయన వాపోయారు. సంబంధిత శాఖా పరమైన అధికారులు, పాలకులు తక్షణమే స్పందించి, డ్రైనేజ్ నీరు ఈ కాలువలలో కలవకుండా చర్యలు తీసుకుని, రైతులు తిరిగి రెండు పంటలు పండించుకునేందుకు అవకాశం కల్పించాలని విజయ రంగారావు తన వినతిపత్రంలో స్పష్టంగా డిమాండ్ చేశారు.