मोखाडा येथे जाण्यासाठी मोरीचा पाडा परिसरातील खड्ड्यांमुळे प्रवाशांची कसरत मोखाडा हे तालुक्याचे मुख्यालय असल्याने येथे दररोज हजारो नागरिक, विद्यार्थी, शासकीय अधिकारी आणि कर्मचारी विविध कामांसाठी ये-जा करतात. मात्र, मोखाडा गावात प्रवेश करण्यापूर्वी मोरीचा पाडा परिसरातील रस्त्यावर मोठ्या प्रमाणात लहान-मोठे खड्डे पडल्याने वाहनचालक आणि प्रवाशांना मोठ्या अडचणींचा सामना करावा लागत आहे. विशेष म्हणजे, याच मार्गावर सार्वजनिक बांधकाम विभागाच्या उपअभियंता कार्यालयाचे अस्तित्व असूनही रस्त्याची दुरवस्था कायम आहे. मोखाडा ग्रामीण रुग्णालयाकडे जाण्यासाठीही याच रस्त्याचा वापर करावा लागत असल्याने गर्भवती माता, ज्येष्ठ नागरिक तसेच गंभीर रुग्णांना खड्डेमय रस्त्यावरून प्रवास करताना मोठा त्रास सहन करावा लागत आहे. स्थानिक नागरिकांच्या मते, या रस्त्यावरील खड्ड्यांमुळे अपघाताचा धोका दिवसेंदिवस वाढत आहे. एखादी गंभीर दुर्घटना घडल्यानंतरच प्रशासन जागे होणार का, असा संतप्त सवाल नागरिक उपस्थित करत आहेत. मोरीचा पाडा येथील रस्त्यावरील खड्डे तात्काळ भरून रस्ता सुरक्षित करावा, अशी जोरदार मागणी नागरिकांकडून सार्वजनिक बांधकाम विभाग आणि प्रशासनाकडे करण्यात येत आहे.

लोक हिंद चॅनल

Journalist शहापूर, ठाणे, महाराष्ट्र•

16 hrs ago

मोखाडा येथे जाण्यासाठी मोरीचा पाडा परिसरातील खड्ड्यांमुळे प्रवाशांची कसरत मोखाडा हे तालुक्याचे मुख्यालय असल्याने येथे दररोज हजारो नागरिक, विद्यार्थी, शासकीय अधिकारी आणि कर्मचारी विविध कामांसाठी ये-जा करतात. मात्र, मोखाडा गावात प्रवेश करण्यापूर्वी मोरीचा पाडा परिसरातील रस्त्यावर मोठ्या प्रमाणात लहान-मोठे खड्डे पडल्याने वाहनचालक आणि प्रवाशांना मोठ्या अडचणींचा सामना करावा लागत आहे. विशेष म्हणजे, याच मार्गावर सार्वजनिक बांधकाम विभागाच्या उपअभियंता कार्यालयाचे अस्तित्व असूनही रस्त्याची दुरवस्था कायम आहे. मोखाडा ग्रामीण रुग्णालयाकडे जाण्यासाठीही याच रस्त्याचा वापर करावा लागत असल्याने गर्भवती माता, ज्येष्ठ नागरिक तसेच गंभीर रुग्णांना खड्डेमय रस्त्यावरून प्रवास करताना मोठा त्रास सहन करावा लागत आहे. स्थानिक नागरिकांच्या मते, या रस्त्यावरील खड्ड्यांमुळे अपघाताचा धोका दिवसेंदिवस वाढत आहे. एखादी गंभीर दुर्घटना घडल्यानंतरच प्रशासन जागे होणार का, असा संतप्त सवाल नागरिक उपस्थित करत आहेत. मोरीचा पाडा येथील रस्त्यावरील खड्डे तात्काळ भरून रस्ता सुरक्षित करावा, अशी जोरदार मागणी नागरिकांकडून सार्वजनिक बांधकाम विभाग आणि प्रशासनाकडे करण्यात येत आहे.