கரூர் மாவட்டம் குளித்தலை அருகே க.பேட்டை தேசிய நெடுஞ்சாலையில், தார் சாலை அமைக்கும் பணி கிடப்பில் போடப்பட்டதைக் கண்டித்து அப்பகுதி மக்கள் திடீர் சாலை மறியல் போராட்டத்தில் ஈடுபட்டனர். குளித்தலை அடுத்த சீகம்பட்டி கிராமத்தில், முதல்வரின் கிராம சாலை மேம்பாட்டுத் திட்டத்தின் கீழ் ₹30.08 லட்சம் மதிப்பீட்டில் 750 மீட்டர் தூரத்திற்கு தார் சாலை அமைக்கும் பணி கடந்த பிப்ரவரி மாதம் தொடங்கப்பட்டது. சீகம்பட்டி மெயின் ரோட்டில் இருந்து ஊராட்சி ஒன்றிய தொடக்கப்பள்ளி வரை தார் சாலை அமைப்பதற்காக, ஜேசிபி இயந்திரம் மூலம் பழைய சாலை அகற்றப்பட்டது. ஆனால், மூன்று மாதங்களுக்கும் மேலாக சாலைப் பணியைத் தொடங்காமலும், அதிகாரிகள் அதனைக் கண்டுகொள்ளாமலும் இருந்துள்ளனர். இதனைக் கண்டித்து, அப்பகுதி மக்கள் க.பேட்டை ஊராட்சி மன்ற அலுவலகம் அருகே கரூர்-திருச்சி தேசிய நெடுஞ்சாலையில் திடீர் சாலை மறியலில் ஈடுபட்டனர். தகவல் அறிந்து சம்பவ இடத்திற்கு வந்த லாலாபேட்டை போலீசார், வட்டார வளர்ச்சி அலுவலர் மற்றும் உதவிப் பொறியாளர் ஆகியோர் போராட்டத்தில் ஈடுபட்ட மக்களுடன் அமைதிப் பேச்சுவார்த்தை நடத்தினர். பேச்சுவார்த்தைக்கு உடன்பட்டதை அடுத்து, மக்கள் தங்கள் சாலை மறியலைக் கைவிட்டனர். இதனால் அப்பகுதியில் சுமார் 4 மணி நேரத்திற்கும் மேலாக பரபரப்பான சூழல் நிலவியது. வருகின்ற 29 ஆம் தேதிக்குள் சாலைப் பணிகள் தொடங்கப்படாவிட்டால், மறுநாள் ஜேசிபி இயந்திரம் கொண்டு நாங்களாகவே ஜல்லிக்கற்களை அகற்றி விடுவோம் என்று அப்பகுதி மக்கள் அதிகாரிகள் முன்னிலையில் கடுமையாக எச்சரித்து அங்கிருந்து கலைந்து சென்றனர்.

கருணாநிதி

Kulithalai, Karur•

2 hrs ago

கரூர் மாவட்டம் குளித்தலை அருகே க.பேட்டை தேசிய நெடுஞ்சாலையில், தார் சாலை அமைக்கும் பணி கிடப்பில் போடப்பட்டதைக் கண்டித்து அப்பகுதி மக்கள் திடீர் சாலை மறியல் போராட்டத்தில் ஈடுபட்டனர். குளித்தலை அடுத்த சீகம்பட்டி கிராமத்தில், முதல்வரின் கிராம சாலை மேம்பாட்டுத் திட்டத்தின் கீழ் ₹30.08 லட்சம் மதிப்பீட்டில் 750 மீட்டர் தூரத்திற்கு தார் சாலை அமைக்கும் பணி கடந்த பிப்ரவரி மாதம் தொடங்கப்பட்டது. சீகம்பட்டி மெயின் ரோட்டில் இருந்து ஊராட்சி ஒன்றிய தொடக்கப்பள்ளி வரை தார் சாலை அமைப்பதற்காக, ஜேசிபி இயந்திரம் மூலம் பழைய சாலை அகற்றப்பட்டது. ஆனால், மூன்று மாதங்களுக்கும் மேலாக சாலைப் பணியைத் தொடங்காமலும், அதிகாரிகள் அதனைக் கண்டுகொள்ளாமலும் இருந்துள்ளனர். இதனைக் கண்டித்து, அப்பகுதி மக்கள் க.பேட்டை ஊராட்சி மன்ற அலுவலகம் அருகே கரூர்-திருச்சி தேசிய நெடுஞ்சாலையில் திடீர் சாலை மறியலில் ஈடுபட்டனர். தகவல் அறிந்து சம்பவ இடத்திற்கு வந்த லாலாபேட்டை போலீசார், வட்டார வளர்ச்சி அலுவலர் மற்றும் உதவிப் பொறியாளர் ஆகியோர் போராட்டத்தில் ஈடுபட்ட மக்களுடன் அமைதிப் பேச்சுவார்த்தை நடத்தினர். பேச்சுவார்த்தைக்கு உடன்பட்டதை அடுத்து, மக்கள் தங்கள் சாலை மறியலைக் கைவிட்டனர். இதனால் அப்பகுதியில் சுமார் 4 மணி நேரத்திற்கும் மேலாக பரபரப்பான சூழல் நிலவியது. வருகின்ற 29 ஆம் தேதிக்குள் சாலைப் பணிகள் தொடங்கப்படாவிட்டால், மறுநாள் ஜேசிபி இயந்திரம் கொண்டு நாங்களாகவே ஜல்லிக்கற்களை அகற்றி விடுவோம் என்று அப்பகுதி மக்கள் அதிகாரிகள் முன்னிலையில் கடுமையாக எச்சரித்து அங்கிருந்து கலைந்து சென்றனர்.