ધાનેરા શહેરના મુખ્ય માર્ગો અને રહેણાંક વિસ્તારોમાં ભૂગર્ભ ગટરો ઉભરાઈને બહાર આવતા જાણે નદી વહેતી હોય તેવી સ્થિતિ સર્જાઈ છે. ગંદા પાણી રસ્તા પર ફરી વળવાને કારણે રાહદારીઓ અને વાહનચાલકો ભારે મુશ્કેલીનો સામનો કરી રહ્યા છે. આસપાસના દુકાનદારો અને સ્થાનિક રહીશો સતત આવતી દુર્ગંધ અને વધતા મચ્છરોના ઉપદ્રવને કારણે રોગચાળો ફેલાવવાની દહેશત અનુભવી રહ્યા છે. સ્થાનિક રહીશોના મતે, પાલિકા તંત્રને અનેકવાર રજૂઆત કરવા છતાં ગટર સફાઈના દાવા માત્ર કાગળ પર જ સીમિત રહ્યા છે. રહીશોનું કહેવું છે કે તંત્ર દ્વારા કરવામાં આવતી કામચલાઉ મલમપટ્ટીના કારણે ગણતરીના દિવસોમાં જ ફરીથી જૂની પરિસ્થિતિ સર્જાય છે, જે તંત્રની મેન્ટેનન્સ કામગીરી સામે ગંભીર પ્રશ્નો ઉભા કરે છે. એક સ્થાનિક રહીશે આક્રોશ વ્યક્ત કરતા જણાવ્યું હતું કે, ટેક્સ ભરવા છતાં પ્રાથમિક સુવિધાઓ માટે સંઘર્ષ કરવો પડી રહ્યો છે. હવે ધાનેરાની જનતા ગટર લાઈનની ક્ષતિઓ દૂર કરીને કાયમી ઉકેલની માંગ કરી રહી છે. સમસ્યાનું નિરાકરણ નહીં આવે તો સ્થાનિકોએ ઉગ્ર આંદોલનની ચીમકી ઉચ્ચારી છે, અને હવે તંત્રની ગંભીરતા પર સૌની નજર ટકેલી છે.

ઈકબાલ મેમણ

Local News Reporter ધાનેરા, બનાસકાંઠા, ગુજરાત•

10 hrs ago

ધાનેરા શહેરના મુખ્ય માર્ગો અને રહેણાંક વિસ્તારોમાં ભૂગર્ભ ગટરો ઉભરાઈને બહાર આવતા જાણે નદી વહેતી હોય તેવી સ્થિતિ સર્જાઈ છે. ગંદા પાણી રસ્તા પર ફરી વળવાને કારણે રાહદારીઓ અને વાહનચાલકો ભારે મુશ્કેલીનો સામનો કરી રહ્યા છે. આસપાસના દુકાનદારો અને સ્થાનિક રહીશો સતત આવતી દુર્ગંધ અને વધતા મચ્છરોના ઉપદ્રવને કારણે રોગચાળો ફેલાવવાની દહેશત અનુભવી રહ્યા છે. સ્થાનિક રહીશોના મતે, પાલિકા તંત્રને અનેકવાર રજૂઆત કરવા છતાં ગટર સફાઈના દાવા માત્ર કાગળ પર જ સીમિત રહ્યા છે. રહીશોનું કહેવું છે કે તંત્ર દ્વારા કરવામાં આવતી કામચલાઉ મલમપટ્ટીના કારણે ગણતરીના દિવસોમાં જ ફરીથી જૂની પરિસ્થિતિ સર્જાય છે, જે તંત્રની મેન્ટેનન્સ કામગીરી સામે ગંભીર પ્રશ્નો ઉભા કરે છે. એક સ્થાનિક રહીશે આક્રોશ વ્યક્ત કરતા જણાવ્યું હતું કે, ટેક્સ ભરવા છતાં પ્રાથમિક સુવિધાઓ માટે સંઘર્ષ કરવો પડી રહ્યો છે. હવે ધાનેરાની જનતા ગટર લાઈનની ક્ષતિઓ દૂર કરીને કાયમી ઉકેલની માંગ કરી રહી છે. સમસ્યાનું નિરાકરણ નહીં આવે તો સ્થાનિકોએ ઉગ્ર આંદોલનની ચીમકી ઉચ્ચારી છે, અને હવે તંત્રની ગંભીરતા પર સૌની નજર ટકેલી છે.