अहिल्यानगर जिल्ह्यातील राहाता तालुक्यातील सर्व सहा मंडळांमध्ये सुमारे १०० मि.मी. पावसाची नोंद झाली असून जमिनीत वापसा स्थिती निर्माण झाली आहे. या पार्श्वभूमीवर, खरीप हंगाम २०२६ मध्ये हवामानाचा अंदाज घेऊन पिकांचे योग्य नियोजन करावे आणि आधुनिक तंत्रज्ञानाचा वापर करून शास्त्रीय पद्धतीने पेरणी करावी, असे आवाहन तालुका कृषी अधिकारी आबासाहेब भोरे यांनी केले आहे. शेतकऱ्यांनी उपलब्ध पाणी, जमिनीचा प्रकार, हवामानातील बदल आणि बाजारपेठेतील मागणी लक्षात घेऊनच पिकांची निवड करावी, असा सल्ला देण्यात आला आहे. तालुक्यात यंदा २५ हजार हेक्टरवर सोयाबीन, ११ हजार हेक्टरवर मका आणि ९ हजार ६०० हेक्टरवर कापूस लागवडीचे नियोजन करण्यात आले आहे. गतवर्षी तालुक्यात एकूण ५७ हजार ०८४ हेक्टर क्षेत्रावर खरीप पेरणी झाली होती, ज्यामध्ये सोयाबीन २६ हजार २५४ हेक्टर, मका ९ हजार २८५ हेक्टर आणि कापूस ९ हजार ७०६ हेक्टर क्षेत्रावर होता. कृषी विभागाने कोरडवाहू भागात किमान ७५ ते १०० मि.मी. समाधानकारक पाऊस झाल्यानंतरच घाई न करता पेरणी करण्याचा सल्ला दिला आहे. पेरणीपूर्वी माती परीक्षण करून मृदा आरोग्य पत्रिकेनुसार संतुलित अन्नद्रव्यांचा वापर करावा आणि रासायनिक खतांचा अतिरेक टाळून शेणखत, कंपोस्ट, गांडूळखत व जैविक खतांचा वापर वाढवावा. पेरणीसाठी केवळ प्रमाणित व सत्यप्रत बियाण्यांचा वापर करून, रोगांपासून संरक्षणासाठी बुरशीनाशक आणि रायझोबियम, पीएसबी व ट्रायकोडर्मा या जैविक घटकांची बीजप्रक्रिया करणे आवश्यक आहे. तसेच, तालुक्यातील मध्यम ते भारी जमिनीमध्ये अतिरिक्त पाण्याचा निचरा आणि ओलावा संवर्धनासाठी बीबीएफ (Broad Bed Furrow) पद्धतीचा अवलंब उपयुक्त ठरेल. कीड व रोगांचा प्रादुर्भाव रोखण्यासाठी पिवळे व निळे चिकट सापळे, फेरोमोन सापळे आणि जैविक कीडनियंत्रणाचा वापर करावा आणि आर्थिक नुकसान पातळी ओलांडल्यानंतरच रासायनिक कीटकनाशकांची फवारणी करावी. पेरणीनंतर ३० ते ४५ दिवसांत तणांचे प्रभावी नियंत्रण करणे आवश्यक आहे. कृषी यांत्रिकीकरण, सूक्ष्म सिंचन, पीक संरक्षण आणि जैविक शेतीसह विविध योजनांचा लाभ घेण्यासाठी शेतकऱ्यांनी महाडीबीटी पोर्टलवर पात्रतेनुसार अर्ज करावेत आणि अधिक माहितीसाठी कृषी सहाय्यक, मंडळ कृषी अधिकारी किंवा तालुका कृषी अधिकारी कार्यालयाशी संपर्क साधावा.

राविराज शिंदे

Photographer अहमदनगर, अहमदनगर, महाराष्ट्र•

8 hrs ago

अहिल्यानगर जिल्ह्यातील राहाता तालुक्यातील सर्व सहा मंडळांमध्ये सुमारे १०० मि.मी. पावसाची नोंद झाली असून जमिनीत वापसा स्थिती निर्माण झाली आहे. या पार्श्वभूमीवर, खरीप हंगाम २०२६ मध्ये हवामानाचा अंदाज घेऊन पिकांचे योग्य नियोजन करावे आणि आधुनिक तंत्रज्ञानाचा वापर करून शास्त्रीय पद्धतीने पेरणी करावी, असे आवाहन तालुका कृषी अधिकारी आबासाहेब भोरे यांनी केले आहे. शेतकऱ्यांनी उपलब्ध पाणी, जमिनीचा प्रकार, हवामानातील बदल आणि बाजारपेठेतील मागणी लक्षात घेऊनच पिकांची निवड करावी, असा सल्ला देण्यात आला आहे. तालुक्यात यंदा २५ हजार हेक्टरवर सोयाबीन, ११ हजार हेक्टरवर मका आणि ९ हजार ६०० हेक्टरवर कापूस लागवडीचे नियोजन करण्यात आले आहे. गतवर्षी तालुक्यात एकूण ५७ हजार ०८४ हेक्टर क्षेत्रावर खरीप पेरणी झाली होती, ज्यामध्ये सोयाबीन २६ हजार २५४ हेक्टर, मका ९ हजार २८५ हेक्टर आणि कापूस ९ हजार ७०६ हेक्टर क्षेत्रावर होता. कृषी विभागाने कोरडवाहू भागात किमान ७५ ते १०० मि.मी. समाधानकारक पाऊस झाल्यानंतरच घाई न करता पेरणी करण्याचा सल्ला दिला आहे. पेरणीपूर्वी माती परीक्षण करून मृदा आरोग्य पत्रिकेनुसार संतुलित अन्नद्रव्यांचा वापर करावा आणि रासायनिक खतांचा अतिरेक टाळून शेणखत, कंपोस्ट, गांडूळखत व जैविक खतांचा वापर वाढवावा. पेरणीसाठी केवळ प्रमाणित व सत्यप्रत बियाण्यांचा वापर करून, रोगांपासून संरक्षणासाठी बुरशीनाशक आणि रायझोबियम, पीएसबी व ट्रायकोडर्मा या जैविक घटकांची बीजप्रक्रिया करणे आवश्यक आहे. तसेच, तालुक्यातील मध्यम ते भारी जमिनीमध्ये अतिरिक्त पाण्याचा निचरा आणि ओलावा संवर्धनासाठी बीबीएफ (Broad Bed Furrow) पद्धतीचा अवलंब उपयुक्त ठरेल. कीड व रोगांचा प्रादुर्भाव रोखण्यासाठी पिवळे व निळे चिकट सापळे, फेरोमोन सापळे आणि जैविक कीडनियंत्रणाचा वापर करावा आणि आर्थिक नुकसान पातळी ओलांडल्यानंतरच रासायनिक कीटकनाशकांची फवारणी करावी. पेरणीनंतर ३० ते ४५ दिवसांत तणांचे प्रभावी नियंत्रण करणे आवश्यक आहे. कृषी यांत्रिकीकरण, सूक्ष्म सिंचन, पीक संरक्षण आणि जैविक शेतीसह विविध योजनांचा लाभ घेण्यासाठी शेतकऱ्यांनी महाडीबीटी पोर्टलवर पात्रतेनुसार अर्ज करावेत आणि अधिक माहितीसाठी कृषी सहाय्यक, मंडळ कृषी अधिकारी किंवा तालुका कृषी अधिकारी कार्यालयाशी संपर्क साधावा.