तालुकास्तरीय कबड्डीत झेवियर्सचा दबदबा! अंडर-१४ संघाची विजयी झेप; अंतिम सामन्यात प्रतिस्पर्ध्याला लोळवत पटकावले प्रथम स्थान.. तालुकास्तरीय कबड्डीत झेवियर्सचा दबदबा! अंडर-१४ संघाची विजयी झेप; अंतिम सामन्यात प्रतिस्पर्ध्याला लोळवत पटकावले प्रथम स्थान शेगाव : प्रतिनिधी मैदानावर उतरलेल्या झेवियर्स इंग्लिश स्कूलच्या चिमुकल्या कबड्डीपटूंनी आपल्या दमदार खेळाने प्रतिस्पर्ध्यांना अक्षरशः घाम फोडत तालुकास्तरीय शालेय कबड्डी स्पर्धेत अंडर-१४ गटाचे विजेतेपद पटकावले. सुरुवातीपासूनच आक्रमक चढाया, भक्कम पकड आणि जबरदस्त सांघिक समन्वयाच्या जोरावर झेवियर्सच्या संघाने स्पर्धेवर आपला ठसा उमटविला. क्रीडा व युवक सेवा संचालनालय, महाराष्ट्र राज्य, पुणे यांच्या अंतर्गत आयोजित ही स्पर्धा १६ सप्टेंबर रोजी गौलखेड रोडवरील सरस्वती कॉलेज, शेगाव येथे उत्साहपूर्ण वातावरणात पार पडली. स्पर्धेतील प्रत्येक सामन्यात झेवियर्सच्या खेळाडूंनी आत्मविश्वासाने खेळ करत प्रतिस्पर्ध्यांवर दबाव निर्माण केला. बचावफळीतील अचूक पकडी आणि आक्रमक खेळाडूंच्या प्रभावी चढायांनी सामना रंगतदार केला. अंतिम सामन्यातही झेवियर्सच्या खेळाडूंनी आपली विजयी घोडदौड कायम ठेवत प्रतिस्पर्धी संघाला मात दिली आणि तालुक्याच्या कबड्डी मैदानावर विजेतेपदाची मोहर उमटवली. या शानदार कामगिरीमुळे शाळेच्या क्रीडा क्षेत्रातील यशात आणखी एका मानाच्या अध्यायाची भर पडली आहे. या घवघवीत यशाबद्दल शाळेचे प्रिन्सिपल फादर बेंजामिन, क्रीडा शिक्षक संकेत सरोदे तसेच सर्व शिक्षकवृंदांनी विजयी खेळाडूंचे अभिनंदन केले. क्रीडा शिक्षकांचे मार्गदर्शन, खेळाडूंची मेहनत आणि संघभावनेमुळे हे यश मिळाल्याचे प्रिन्सिपल यांनी सांगितले. तालुकास्तरीय स्पर्धेत झेंडा फडकावल्यानंतर आता जिल्हास्तरीय स्पर्धेसाठी झेवियर्सच्या संघाकडून दमदार कामगिरीची अपेक्षा व्यक्त होत आहे. विजयी खेळाडूंच्या या कामगिरीचे पालक, शिक्षक आणि क्रीडाप्रेमींकडून कौतुक होत आहे.

Sachin kadukar

Photographer Shegaon, Buldhana•

6 hrs ago

तालुकास्तरीय कबड्डीत झेवियर्सचा दबदबा! अंडर-१४ संघाची विजयी झेप; अंतिम सामन्यात प्रतिस्पर्ध्याला लोळवत पटकावले प्रथम स्थान.. तालुकास्तरीय कबड्डीत झेवियर्सचा दबदबा! अंडर-१४ संघाची विजयी झेप; अंतिम सामन्यात प्रतिस्पर्ध्याला लोळवत पटकावले प्रथम स्थान शेगाव : प्रतिनिधी मैदानावर उतरलेल्या झेवियर्स इंग्लिश स्कूलच्या चिमुकल्या कबड्डीपटूंनी आपल्या दमदार खेळाने प्रतिस्पर्ध्यांना अक्षरशः घाम फोडत तालुकास्तरीय शालेय कबड्डी स्पर्धेत अंडर-१४ गटाचे विजेतेपद पटकावले. सुरुवातीपासूनच आक्रमक चढाया, भक्कम पकड आणि जबरदस्त सांघिक समन्वयाच्या जोरावर झेवियर्सच्या संघाने स्पर्धेवर आपला ठसा उमटविला. क्रीडा व युवक सेवा संचालनालय, महाराष्ट्र राज्य, पुणे यांच्या अंतर्गत आयोजित ही स्पर्धा १६ सप्टेंबर रोजी गौलखेड रोडवरील सरस्वती कॉलेज, शेगाव येथे उत्साहपूर्ण वातावरणात पार पडली. स्पर्धेतील प्रत्येक सामन्यात झेवियर्सच्या खेळाडूंनी आत्मविश्वासाने खेळ करत प्रतिस्पर्ध्यांवर दबाव निर्माण केला. बचावफळीतील अचूक पकडी आणि आक्रमक खेळाडूंच्या प्रभावी चढायांनी सामना रंगतदार केला. अंतिम सामन्यातही झेवियर्सच्या खेळाडूंनी आपली विजयी घोडदौड कायम ठेवत प्रतिस्पर्धी संघाला मात दिली आणि तालुक्याच्या कबड्डी मैदानावर विजेतेपदाची मोहर उमटवली. या शानदार कामगिरीमुळे शाळेच्या क्रीडा क्षेत्रातील यशात आणखी एका मानाच्या अध्यायाची भर पडली आहे. या घवघवीत यशाबद्दल शाळेचे प्रिन्सिपल फादर बेंजामिन, क्रीडा शिक्षक संकेत सरोदे तसेच सर्व शिक्षकवृंदांनी विजयी खेळाडूंचे अभिनंदन केले. क्रीडा शिक्षकांचे मार्गदर्शन, खेळाडूंची मेहनत आणि संघभावनेमुळे हे यश मिळाल्याचे प्रिन्सिपल यांनी सांगितले. तालुकास्तरीय स्पर्धेत झेंडा फडकावल्यानंतर आता जिल्हास्तरीय स्पर्धेसाठी झेवियर्सच्या संघाकडून दमदार कामगिरीची अपेक्षा व्यक्त होत आहे. विजयी खेळाडूंच्या या कामगिरीचे पालक, शिक्षक आणि क्रीडाप्रेमींकडून कौतुक होत आहे.