निधीअभावी ठेकेदार हवालदिल; नाशिक सार्वजनिक बांधकाम विभागासमोर निदर्शने आर्थिक वर्षाचा शेवटचा दिवस उजाडूनही विकासकामांची बिले न मिळाल्याने नाशिक जिल्ह्यातील ठेकेदारांनी आज संताप व्यक्त केला. सार्वजनिक बांधकाम विभागाच्या अधीक्षक अभियंता अरुंधती शर्मा यांची भेट घेऊन ठेकेदारांनी आपल्या व्यथा मांडल्या आणि कार्यालयाबाहेर जोरदार घोषणाबाजी करत निषेध नोंदवला. ​सध्या राज्यातील ठेकेदार मोठ्या आर्थिक संकटात सापडले आहेत. स्वत:चे भांडवल, कर्ज आणि उसनवारी करून ठेकेदारांनी सरकारी कामे पूर्ण केली. मात्र, लेखाशीर्षक ०४ आणि ०३ अंतर्गत असलेल्या कामांना एक रुपयाही निधी प्राप्त झालेला नाही. काही कामांना अत्यंत अल्प निधी मिळाल्याने आणि गेल्या दोन-तीन वर्षांपासून बिले थकल्याने बँकांचे हप्ते व देणी कशी फेडायची, असा यक्षप्रश्न त्यांच्यासमोर उभा आहे. ​याप्रसंगी रमेश शेठ शिरसाट, राजेंद्र पानसरे, आर. टी. शिंदे, अमोल मोरे, दत्ताजी शेलार, भगवान चित्ते, गोविंदराव गायके यांसह अनेक ठेकेदारांनी अधीक्षक अभियंत्यांना निवेदन दिले. "शासनाने तातडीने लक्ष देऊन विकासकामांना हातभार लावणाऱ्या ठेकेदारांना न्याय द्यावा," अशी मागणी यावेळी करण्यात आली. दुपारच्या सुमारास झालेल्या या आंदोलनाने परिसरात काही काळ तणाव निर्माण झाला होता.

Sachin Dilip Wakhare

Reporter येवला, नाशिक, महाराष्ट्र•

11 hrs ago

निधीअभावी ठेकेदार हवालदिल; नाशिक सार्वजनिक बांधकाम विभागासमोर निदर्शने आर्थिक वर्षाचा शेवटचा दिवस उजाडूनही विकासकामांची बिले न मिळाल्याने नाशिक जिल्ह्यातील ठेकेदारांनी आज संताप व्यक्त केला. सार्वजनिक बांधकाम विभागाच्या अधीक्षक अभियंता अरुंधती शर्मा यांची भेट घेऊन ठेकेदारांनी आपल्या व्यथा मांडल्या आणि कार्यालयाबाहेर जोरदार घोषणाबाजी करत निषेध नोंदवला. ​सध्या राज्यातील ठेकेदार मोठ्या आर्थिक संकटात सापडले आहेत. स्वत:चे भांडवल, कर्ज आणि उसनवारी करून ठेकेदारांनी सरकारी कामे पूर्ण केली. मात्र, लेखाशीर्षक ०४ आणि ०३ अंतर्गत असलेल्या कामांना एक रुपयाही निधी प्राप्त झालेला नाही. काही कामांना अत्यंत अल्प निधी मिळाल्याने आणि गेल्या दोन-तीन वर्षांपासून बिले थकल्याने बँकांचे हप्ते व देणी कशी फेडायची, असा यक्षप्रश्न त्यांच्यासमोर उभा आहे. ​याप्रसंगी रमेश शेठ शिरसाट, राजेंद्र पानसरे, आर. टी. शिंदे, अमोल मोरे, दत्ताजी शेलार, भगवान चित्ते, गोविंदराव गायके यांसह अनेक ठेकेदारांनी अधीक्षक अभियंत्यांना निवेदन दिले. "शासनाने तातडीने लक्ष देऊन विकासकामांना हातभार लावणाऱ्या ठेकेदारांना न्याय द्यावा," अशी मागणी यावेळी करण्यात आली. दुपारच्या सुमारास झालेल्या या आंदोलनाने परिसरात काही काळ तणाव निर्माण झाला होता.