जालना जिल्ह्यातील घनसावंगी येथील भूमी अभिलेख कार्यालयात कार्यरत असलेले भूकरमापक अनंत मधुकर पाटील (वय ३०) यांना १२ हजार रुपयांची लाच स्वीकारताना अॅन्टी करप्शन ब्युरो (एसीबी) जालना पथकाने रंगेहात पकडले. ही कारवाई सोमवारी (दि. २२ जून) घनसावंगी फाटा येथील हॉटेल इंडिया येथे सापळा रचून करण्यात आली. तक्रारदारांच्या जमिनीच्या मोजणीचा नकाशा देण्यासाठी अनंत पाटील यांनी ही लाच मागितली होती. मिळालेल्या माहितीनुसार, तक्रारदारांच्या आई श्रीमती सीमा संतराम फुके यांच्या नावावर ग्राम बोलेगाव, ता. घनसावंगी, जि. जालना येथील गट क्रमांक ४४ मध्ये २ हेक्टर २३ आर जमीन आहे. या जमिनीच्या मोजणीसाठी तीन महिन्यांपूर्वी भूमी अभिलेख कार्यालयात अर्ज करण्यात आला होता, आणि तक्रारदारांनी दि. ८ एप्रिल २०२६ रोजी मोजणी शुल्क म्हणून १५ हजार रुपये भरले होते. त्यानंतर, दि. २९ मे २०२६ रोजी भूकरमापक अनंत पाटील यांनी पंचांसमक्ष जमिनीची मोजणी केली. मात्र, मोजणीचा नकाशा देण्यासाठी ते टाळाटाळ करत असल्याचा आरोप तक्रारदारांनी केला आहे. वारंवार पाठपुरावा केल्यानंतर दि. १८ जून रोजी अनंत पाटील यांनी नकाशा देण्यासाठी १२ हजार रुपयांची लाच मागितल्याचे तक्रारीत नमूद आहे. या प्रकरणी तक्रारदारांनी दि. २२ जून रोजी अॅन्टी करप्शन ब्युरो, जालना येथे तक्रार दाखल केली. तक्रारीची पडताळणी केल्यानंतर एसीबीने सापळा रचून कारवाई केली. घनसावंगी फाटा येथील हॉटेल इंडिया येथे तक्रारदारांकडून १२ हजार रुपयांची लाच स्वीकारताना अनंत पाटील यांना एसीबीच्या पथकाने ताब्यात घेतले. आरोपीकडून लाचेची १२ हजार रुपयांची रक्कम, इतर १ हजार ३६० रुपये रोख रक्कम आणि एक मोबाईल फोन जप्त करण्यात आला आहे. एसीबीने दिलेल्या माहितीनुसार, या प्रकरणी आरोपीच्या घराची झडती घेण्याची प्रक्रिया सुरू असून, घनसावंगी पोलीस ठाण्यात गुन्हा दाखल करण्याची प्रक्रियाही सुरू आहे. पोलीस अधीक्षक माधुरी केदार कांगणे आणि अपर पोलीस अधीक्षक शशिकांत सिंगारे यांच्या मार्गदर्शनाखाली पोलीस उपअधीक्षक बी. एस. जाधवर आणि त्यांच्या पथकाने ही कारवाई केली.

पत्रकार ओमप्रकाश उढाण

घनसावंगी, जालना, महाराष्ट्र•

1 day ago

जालना जिल्ह्यातील घनसावंगी येथील भूमी अभिलेख कार्यालयात कार्यरत असलेले भूकरमापक अनंत मधुकर पाटील (वय ३०) यांना १२ हजार रुपयांची लाच स्वीकारताना अॅन्टी करप्शन ब्युरो (एसीबी) जालना पथकाने रंगेहात पकडले. ही कारवाई सोमवारी (दि. २२ जून) घनसावंगी फाटा येथील हॉटेल इंडिया येथे सापळा रचून करण्यात आली. तक्रारदारांच्या जमिनीच्या मोजणीचा नकाशा देण्यासाठी अनंत पाटील यांनी ही लाच मागितली होती. मिळालेल्या माहितीनुसार, तक्रारदारांच्या आई श्रीमती सीमा संतराम फुके यांच्या नावावर ग्राम बोलेगाव, ता. घनसावंगी, जि. जालना येथील गट क्रमांक ४४ मध्ये २ हेक्टर २३ आर जमीन आहे. या जमिनीच्या मोजणीसाठी तीन महिन्यांपूर्वी भूमी अभिलेख कार्यालयात अर्ज करण्यात आला होता, आणि तक्रारदारांनी दि. ८ एप्रिल २०२६ रोजी मोजणी शुल्क म्हणून १५ हजार रुपये भरले होते. त्यानंतर, दि. २९ मे २०२६ रोजी भूकरमापक अनंत पाटील यांनी पंचांसमक्ष जमिनीची मोजणी केली. मात्र, मोजणीचा नकाशा देण्यासाठी ते टाळाटाळ करत असल्याचा आरोप तक्रारदारांनी केला आहे. वारंवार पाठपुरावा केल्यानंतर दि. १८ जून रोजी अनंत पाटील यांनी नकाशा देण्यासाठी १२ हजार रुपयांची लाच मागितल्याचे तक्रारीत नमूद आहे. या प्रकरणी तक्रारदारांनी दि. २२ जून रोजी अॅन्टी करप्शन ब्युरो, जालना येथे तक्रार दाखल केली. तक्रारीची पडताळणी केल्यानंतर एसीबीने सापळा रचून कारवाई केली. घनसावंगी फाटा येथील हॉटेल इंडिया येथे तक्रारदारांकडून १२ हजार रुपयांची लाच स्वीकारताना अनंत पाटील यांना एसीबीच्या पथकाने ताब्यात घेतले. आरोपीकडून लाचेची १२ हजार रुपयांची रक्कम, इतर १ हजार ३६० रुपये रोख रक्कम आणि एक मोबाईल फोन जप्त करण्यात आला आहे. एसीबीने दिलेल्या माहितीनुसार, या प्रकरणी आरोपीच्या घराची झडती घेण्याची प्रक्रिया सुरू असून, घनसावंगी पोलीस ठाण्यात गुन्हा दाखल करण्याची प्रक्रियाही सुरू आहे. पोलीस अधीक्षक माधुरी केदार कांगणे आणि अपर पोलीस अधीक्षक शशिकांत सिंगारे यांच्या मार्गदर्शनाखाली पोलीस उपअधीक्षक बी. एस. जाधवर आणि त्यांच्या पथकाने ही कारवाई केली.