આણંદ જિલ્લાના તારાપુરમાં દર વર્ષની જેમ આ વર્ષે પણ મહોરમ પર્વની ભારે આસ્થા અને ગમગીન માહોલમાં ઉજવણી કરવામાં આવી. હક્ક અને ઇન્સાફ માટે કરબલાના મેદાનમાં શહીદ થયેલા વીરોની યાદમાં તારાપુરના કસ્બા વિસ્તારમાંથી કલાત્મક તાજીયાનું ભવ્ય જુલુસ નીકળ્યું હતું. ઇસ્લામ ધર્મના સિદ્ધાંતોની રક્ષા કાજે અને માનવતાના મૂલ્યો માટે હઝરત મોહંમદ પયગંબરના દોહિત્ર હઝરત ઇમામ હુસૈન અને તેમના ૭૨ સાથીઓએ કરબલાના મેદાનમાં શહાદત વહોરી હતી. આ મહાન શહીદોની યાદમાં જ મહોરમનું આ પર્વ મનાવવામાં આવે છે. તારાપુરના કસ્બા વિસ્તારમાં મહોરમ કમિટીના સભ્યો દ્વારા પરંપરાગત રીતે ખૂબ જ સુંદર અને કલાત્મક તાજીયા તૈયાર કરી મુકવામાં આવ્યા હતા. બપોરે બરાબર ૩ વાગ્યે કસ્બા વિસ્તારમાંથી આ ભવ્ય જુલુસની શરૂઆત થઈ હતી. આ જુલુસ કસ્બા વિસ્તારમાંથી નીકળી, નગરપાલિકા કચેરી થઈને મોટા તળાવ ખાતે પહોંચ્યું હતું, જ્યાં ધાર્મિક રીત-રિવાજો સાથે તાજીયા ઠંડા કરવામાં આવ્યા હતા. આ પ્રસંગે કસ્બા વિસ્તારના રહીશો મોટી સંખ્યામાં ઉપસ્થિત રહ્યા હતા અને ઠેર ઠેર કોમી એકતાના દર્શન જોવા મળ્યા હતા. મહોરમ પર્વ દરમિયાન કાયદો-વ્યવસ્થા જળવાઈ રહે તે માટે તારાપુર પોલીસ દ્વારા ચુસ્ત પોલીસ બંદોબસ્ત ગોઠવવામાં આવ્યો હતો, જેના પરિણામે આ પર્વ શાંતિપૂર્ણ માહોલમાં સંપન્ન થયો હતો.

TNA LIVE NEWS GUJARATI

Video Creator તારાપુર, આણંદ, ગુજરાત•

6 hrs ago

આણંદ જિલ્લાના તારાપુરમાં દર વર્ષની જેમ આ વર્ષે પણ મહોરમ પર્વની ભારે આસ્થા અને ગમગીન માહોલમાં ઉજવણી કરવામાં આવી. હક્ક અને ઇન્સાફ માટે કરબલાના મેદાનમાં શહીદ થયેલા વીરોની યાદમાં તારાપુરના કસ્બા વિસ્તારમાંથી કલાત્મક તાજીયાનું ભવ્ય જુલુસ નીકળ્યું હતું. ઇસ્લામ ધર્મના સિદ્ધાંતોની રક્ષા કાજે અને માનવતાના મૂલ્યો માટે હઝરત મોહંમદ પયગંબરના દોહિત્ર હઝરત ઇમામ હુસૈન અને તેમના ૭૨ સાથીઓએ કરબલાના મેદાનમાં શહાદત વહોરી હતી. આ મહાન શહીદોની યાદમાં જ મહોરમનું આ પર્વ મનાવવામાં આવે છે. તારાપુરના કસ્બા વિસ્તારમાં મહોરમ કમિટીના સભ્યો દ્વારા પરંપરાગત રીતે ખૂબ જ સુંદર અને કલાત્મક તાજીયા તૈયાર કરી મુકવામાં આવ્યા હતા. બપોરે બરાબર ૩ વાગ્યે કસ્બા વિસ્તારમાંથી આ ભવ્ય જુલુસની શરૂઆત થઈ હતી. આ જુલુસ કસ્બા વિસ્તારમાંથી નીકળી, નગરપાલિકા કચેરી થઈને મોટા તળાવ ખાતે પહોંચ્યું હતું, જ્યાં ધાર્મિક રીત-રિવાજો સાથે તાજીયા ઠંડા કરવામાં આવ્યા હતા. આ પ્રસંગે કસ્બા વિસ્તારના રહીશો મોટી સંખ્યામાં ઉપસ્થિત રહ્યા હતા અને ઠેર ઠેર કોમી એકતાના દર્શન જોવા મળ્યા હતા. મહોરમ પર્વ દરમિયાન કાયદો-વ્યવસ્થા જળવાઈ રહે તે માટે તારાપુર પોલીસ દ્વારા ચુસ્ત પોલીસ બંદોબસ્ત ગોઠવવામાં આવ્યો હતો, જેના પરિણામે આ પર્વ શાંતિપૂર્ણ માહોલમાં સંપન્ન થયો હતો.