ପ୍ରଧାନମନ୍ତ୍ରୀଙ୍କ କାର୍ଯ୍ୟକାଳର ୧୨ ବର୍ଷ ପୂର୍ତ୍ତି ଉପଲକ୍ଷେ ପୋଲସରା ନିର୍ବାଚନ ମଣ୍ଡଳୀ ପକ୍ଷରୁ ବୁଗୁଡ଼ା ବଳଦେବ ମନ୍ଦିରଠାରେ 'ସଂକଳ୍ପରୁ ସିଦ୍ଧି' ନାମକ ଏକ କାର୍ଯ୍ୟକ୍ରମ ଆୟୋଜିତ ହୋଇଛି।

ପୁରୀରୁ ଜଗନ୍ନାଥ ଦର୍ଶନକୁ ନେଇ ବ୍ୟାପକ ଅଭିଯୋଗ ଆସିଛି, ଯେଉଁଥିରେ ବରିଷ୍ଠ ନାଗରିକ, ଦିବ୍ୟାଙ୍ଗ ଏବଂ ସାଧାରଣ ଭକ୍ତଙ୍କୁ ଅବହେଳାର ସାମ୍ନା କରିବାକୁ ପଡ଼ିଛି। ଜୁନ ୧୭, ୨୦୨୬ ରେ ଆସିଥିବା ଏହି ଅଭିଯୋଗ ଅନୁସାରେ, ପଶ୍ଚିମବଙ୍ଗରୁ ଆସିଥିବା ଜଣେ ୭୨ ବର୍ଷୀୟ ବରିଷ୍ଠ ନାଗରିକ ଭକ୍ତଙ୍କୁ ସିଂହଦ୍ୱାର ପାଖରେ ସୁରକ୍ଷା କର୍ମୀ ଧକ୍କା ଦେଇଥିଲେ, ଯାହା ଫଳରେ ସେ ତଳେ ପଡ଼ିଯାଇଥିଲେ। ପରିବାର ଲୋକଙ୍କ କହିବାନୁସାରେ କେହି ସାହାଯ୍ୟ କରିନଥିଲେ ଏବଂ ସେମାନେ ଦର୍ଶନ ନକରି ଫେରିଯାଇଥିଲେ। ଏହି ଘଟଣାର ଭିଡିଓ ଭାଇରାଲ୍ ହେବା ପରେ SJTA ତଦନ୍ତ ନିର୍ଦ୍ଦେଶ ଦେଇଛି। ଦିବ୍ୟାଙ୍ଗ ଭକ୍ତଙ୍କ ପାଇଁ ଶ୍ରୀମନ୍ଦିର କାର୍ଯ୍ୟାଳୟରେ ଥିବା ୧୦ଟି ହ୍ୱିଲ୍ ଚେୟାର ମଧ୍ୟରୁ ୮ଟି ଭଙ୍ଗା ଅବସ୍ଥାରେ ଥିବାରୁ ସେମାନେ ଅସୁବିଧାର ସମ୍ମୁଖୀନ ହେଉଛନ୍ତି। କଟକରୁ ଆସିଥିବା ଜଣେ ଦିବ୍ୟାଙ୍ଗ ଭକ୍ତ ଦୁଇ ଘଣ୍ଟା ଅପେକ୍ଷା କରି ମଧ୍ୟ ଦର୍ଶନ ନ କରି ଫେରିଥିଲେ। ଭକ୍ତମାନେ ପ୍ରଶ୍ନ କରିଛନ୍ତି ଯେ, କୋଟି କୋଟି ଟଙ୍କା ଦାନ ଆସୁଥିବା ସତ୍ତ୍ୱେ ହ୍ୱିଲ୍ ଚେୟାର ଯୋଗାଇ ଦିଆଯାଉ ନାହିଁ କାହିଁକି। ଅନ୍ୟ ଏକ ଗୁରୁତ୍ୱପୂର୍ଣ୍ଣ ଅଭିଯୋଗ ହେଉଛି, ଗ୍ରୀଷ୍ମ ପ୍ରବାହ ସତ୍ତ୍ୱେ ମନ୍ଦିର ପରିସରରେ ମାଗଣା ପାଣି କେନ୍ଦ୍ର ବନ୍ଦ ରହିଛି। ଫଳରେ ଘରୋଇ ଷ୍ଟଲରେ ୨୦ ଟଙ୍କା ମୂଲ୍ୟର ପାଣି ବୋତଲ ୫୦ ଟଙ୍କାରେ ବିକ୍ରି ହେଉଛି। ଏହି ଅଭିଯୋଗ ପରେ ଜିଲ୍ଲାପାଳ ଚଢ଼ାଉ ନିର୍ଦ୍ଦେଶ ଦେଇଛନ୍ତି। ଏହା ସହିତ, VIP ଦର୍ଶନ ନାଁରେ ସକାଳ ୭ଟାରୁ ୧୦ଟା ପର୍ଯ୍ୟନ୍ତ ସାଧାରଣ ଦର୍ଶନ ଧାଡ଼ିକୁ ତିନି ଘଣ୍ଟା ବନ୍ଦ ରଖାଯାଇଥିଲା, ଯେଉଁଥିପାଇଁ ଖରାରେ ହଜାର ହଜାର ଭକ୍ତ ଛିଡ଼ା ହୋଇ ଅସୁସ୍ଥ ହୋଇପଡ଼ିଥିଲେ ଏବଂ ଦୁଇ ଜଣ ମହିଳା ଭକ୍ତ ଚେତାଶୂନ୍ୟ ହୋଇଥିଲେ। ତେବେ, SJTA ପକ୍ଷରୁ କୁହାଯାଇଛି ଯେ, ମାତ୍ର ୩୦ ମିନିଟ୍ ପାଇଁ ଧାଡ଼ି ବନ୍ଦ ରହିଥିଲା। ଶ୍ରୀମନ୍ଦିର ପ୍ରଶାସନ ପକ୍ଷରୁ ଏହି ସମସ୍ତ ଅଭିଯୋଗର ତଦନ୍ତ କରାଯିବ ଏବଂ ଦୋଷୀ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି। ପ୍ରଶାସନ ରଥଯାତ୍ରା ପୂର୍ବରୁ ସମସ୍ତ ବ୍ୟବସ୍ଥା ଠିକ୍ କରିବାକୁ ପ୍ରତିଶ୍ରୁତି ଦେଇଛି। ରଥଯାତ୍ରାକୁ ଆଉ ମାତ୍ର ୧୩ ଦିନ ବାକି ଥିବା ବେଳେ ଭକ୍ତମାନଙ୍କ ମଧ୍ୟରେ ଏହି ଅବ୍ୟବସ୍ଥାକୁ ନେଇ ପ୍ରବଳ ଅସନ୍ତୋଷ ପ୍ରକାଶ ପାଇଛି।

ପୁରୀ ଜିଲ୍ଲା ବ୍ରହ୍ମଗିରି ନିକଟସ୍ଥ ପ୍ରସିଦ୍ଧ ଶକ୍ତିପୀଠ ମାଆ ବାଲିହରଚଣ୍ଡୀଙ୍କ ପୀଠ ରଜ ଉତ୍ସବର ଆନନ୍ଦରେ ମୁଖରିତ ହୋଇଉଠିଛି। ତିନିଦିନ ଧରି ଚାଲିଥିବା ଏହି ଉତ୍ସବରେ ସାମିଲ ହେବା ପାଇଁ ପୁରୀ ଜିଲ୍ଲା ସମେତ ରାଜ୍ୟର ବିଭିନ୍ନ ପ୍ରାନ୍ତରୁ ଭକ୍ତ ଓ ପର୍ଯ୍ୟଟକଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି। ରଜ ପର୍ବକୁ ନେଇ ମନ୍ଦିର ପରିସରରେ ଏକ ମେଳାର ଭ୍ରମ ସୃଷ୍ଟି ହୋଇଛି। ପୀଠ ଚତୁଃପାର୍ଶ୍ୱରେ ଭଳିକି ଭଳି ଖାଦ୍ୟର ପସରା, ପିଲାଙ୍କ ପାଇଁ ରଙ୍ଗବେରଙ୍ଗର ଖେଳଣା ଏବଂ ପୂଜା ସାମଗ୍ରୀର ଦୋକାନଗୁଡ଼ିକ ଭକ୍ତଙ୍କୁ ବେଶ୍ ଆକୃଷ୍ଟ କରୁଛି। ଭକ୍ତଙ୍କ ସୁରକ୍ଷା ତଥା ପୀଠରେ ଶାନ୍ତିଶୃଙ୍ଖଳା ବଜାୟ ରଖିବା ପାଇଁ ସ୍ଥାନୀୟ ପ୍ରଶାସନ ଓ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ପୋଲିସ ମୁତୟନ କରାଯିବା ସହ ଗମନାଗମନ ଓ ଭିଡ଼ ନିୟନ୍ତ୍ରଣ ଉପରେ କଡ଼ା ନଜର ରଖାଯାଇଛି। ମାଆଙ୍କ ଦର୍ଶନ ସହିତ ରଜ ପର୍ବର ଏହି ମିଳନ ଓ ମଉଜକୁ ଉପଭୋଗ କରିବା ପାଇଁ ଭକ୍ତଙ୍କ ମଧ୍ୟରେ ଅନେକ ଉତ୍ସାହ ଦେଖାଦେଇଛି।

ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ଛଣଗିରି ଗ୍ରାମରେ ଜଣେ ବ୍ୟକ୍ତି ଅବରୋଧ କରି ରଖିଥିବା ପ୍ରାୟ ୧୦୦ ମିଟର ରାସ୍ତାକୁ ଶେଷରେ ମୁକ୍ତ କରାଯାଇଛି। ଜଣେ ଅସାମାଜିକ ବ୍ୟକ୍ତି ଏହି ରାସ୍ତା ନିର୍ମାଣ କାମ କରାଇ ଦେଉନଥିବାରୁ ସ୍ଥାନୀୟ ଲୋକେ ଯାତାୟତରେ ବହୁ ଅସୁବିଧାର ସମ୍ମୁଖୀନ ହେଉଥିଲେ ଏବଂ ବାରମ୍ବାର ଜିଲ୍ଲା ପ୍ରଶାସନକୁ ଅବଗତ କରାଇଥିଲେ ମଧ୍ୟ ସମାଧାନ ହୋଇପାରିନଥିଲା। ମଙ୍ଗଳବାର ରାତିରେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦେବ ଛଣଗିରି ଗ୍ରାମକୁ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିବା ବେଳେ ରାସ୍ତାର ଦୁରବସ୍ଥା ଦେଖିବା ସହ ଅଞ୍ଚଳବାସୀଙ୍କ ଅଭିଯୋଗ ଶୁଣିଥିଲେ। ଏହାପରେ ସେ ତୁରନ୍ତ ରାତି ଅଧରେ ଜିଲ୍ଲା ପ୍ରଶାସନ, ପୋଲିସ ପ୍ରଶାସନ ଏବଂ ପୂର୍ତ୍ତ ବିଭାଗ ଅଧିକାରୀଙ୍କୁ ଡକାଇ ରାସ୍ତାକୁ ଅବରୋଧ ମୁକ୍ତ କରିବା ସହ ରାସ୍ତା କାମ ଆରମ୍ଭ କରିଥିଲେ। ବିଧାୟକ ନିଜେ ଉପସ୍ଥିତ ରହିବା ସହ ଗ୍ରାମବାସୀଙ୍କ ଉପସ୍ଥିତିରେ ସକାଳ ସୁଦ୍ଧା ସେହି ସ୍ଥାନରେ କଂକ୍ରିଟ ରାସ୍ତା ନିର୍ମାଣ କରାଇଥିଲେ। ବିଧାୟକଙ୍କ ଏଭଳି ତ୍ୱରିତ ପଦକ୍ଷେପକୁ ସାଧାରଣରେ ବେଶ ପ୍ରଶଂସା କରାଯାଇଥିବା ବେଳେ ଅଞ୍ଚଳବାସୀଙ୍କ ଦୀର୍ଘ ଦିନର ସମସ୍ୟାର ସମାଧାନ ହୋଇପାରିଛି।

କନ୍ଧମାଳର ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ହତ୍ୟା ମାମଲା ଫାଇଲ ହଜିବା ପ୍ରସଙ୍ଗରେ ଏକ ନୂଆ ମୋଡ଼ ସାମ୍ନାକୁ ଆସିଛି। ଏହି ଘଟଣା ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟାଳୟରୁ କମିଶନଙ୍କ ରିପୋର୍ଟ ଗାଏବ ହେବା ସହ ଜଡ଼ିତ। ଫାଇଲ ହଜିବା ପ୍ରସଙ୍ଗରେ ସନ୍ଦେହ ପ୍ରକାଶ କରି ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀ ସ୍ମୃତି ନ୍ୟାସର ଏକ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ କମିଶନ ରିପୋର୍ଟ ଗାଏବ ଘଟଣା ନବୀନ ପଟ୍ଟନାୟକଙ୍କ ପାଇଁ ଅଡୁଆ ବଢ଼ାଇଛି।

ବାଚସ୍ପତି ସୁରମା ପାଢ଼ୀ ରଜ ମହୋତ୍ସବ ଅବସରରେ ବିଭିର୍ନ କଳାକାରମାନଙ୍କୁ ନିମନ୍ତ୍ରିତ କରି ସମ୍ମାନିତ କରିଛନ୍ତି।

ଖୋର୍ଦ୍ଧା ଅବକାରୀ ଅଧିକ୍ଷିକା ସୁମତି ତ୍ରିପାଠୀଙ୍କ ନିର୍ଦ୍ଦେଶକ୍ରମେ ଉପ ଅବକାରୀ ଅଧିକ୍ଷକ ରାଧାକାନ୍ତ ଭୋଇ ଏବଂ ଟାଙ୍ଗୀ ଅବକାରୀ ନିରୀକ୍ଷକ ଅଜିତ କୁମାର ପାତ୍ରଙ୍କ ତତ୍ତ୍ଵାବଧାନରେ ଟାଙ୍ଗୀ ଅବକାରୀ ଅଧିକାରୀ ରମେଶ ଚନ୍ଦ୍ର ବାରିକଙ୍କ ପରିଚାଳନାରେ ଜଙ୍କିଆ ଥାନା ଅନ୍ତର୍ଗତ ଛଣଗିରି ଠାରେ ଚୋରା ଗଞ୍ଜେଇ ଚାଲାଣ କରୁଥିବା ଏକ କାରକୁ କାବୁ କରାଯାଇଛି। ଜିଲ୍ଲା ଅବକାରୀ ବିଭାଗକୁ ମିଳିଥିବା ସୂଚନା ମୁତାବକ, ଓଡି ୦୨ ସି ଡବ୍ଲୁ ୬୫୩୧ ନମ୍ବର ବିଶିଷ୍ଟ ଏକ ଧଳା ରଙ୍ଗର ଡିଜାର କାରରେ ଗଞ୍ଜେଇ ଚାଲାଣ ହେଉଥିଲା। ଆଜି ମଧ୍ୟାହ୍ନ ୧୨ ଘଟିକା ସମୟରେ ଛଣଗିରି ଦୋଳପଡ଼ିଆ ଠାରେ ଅବକାରୀ ବିଭାଗର ଟିମ୍ ଉକ୍ତ କାରକୁ କାବୁ କରି ୩ଟି ଜରି ବସ୍ତାରୁ ୮୦ କିଲୋଗ୍ରାମ ଓଜନର ଗଞ୍ଜେଇ ଜବତ କରିଥିଲା, ଯାହାର ଆନୁମାନିକ ମୂଲ୍ୟ ୬ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଏହି ଗଞ୍ଜେଇ ଫୁଲବାଣୀରୁ ଭୁବନେଶ୍ୱର ଅଭିମୁଖେ ଚାଲାଣ ହେଉଥିଲା। ଏହି ଘଟଣାରେ ଫୁଲବାଣୀର ଶୁଣ୍ଢୀ ସାହିର ଅମିତ କୁମାର ସାହୁକୁ ଗିରଫ କରାଯାଇ ଟାଙ୍ଗୀ ଅବକାରୀ ଥାନାରେ ୫୬/୨୬-୨୭ ନମ୍ବରରେ ଏକ ମାମଲା ରୁଜୁ କରାଯାଇଛି ଏବଂ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି। ଏହି ଚଢ଼ାଉରେ ଖୋର୍ଦ୍ଧା ସଦର ଓଆଇସି ସୁଜିତ କୁମାର ମୁଦୁଲି, ଏଏସଆଇ ଶମ୍ବୁନାଥ ପ୍ରଧାନ, ଜିତେନ୍ଦ୍ର ବେହେରା, ଇସି ଟିଟୁ ସାହୁ, ଅନିଲ କୁମାର ପ୍ରଧାନ, ମନୋଜ କୁମାର ଜୟସିଂହ ଏବଂ ପ୍ରଣବ କୁମାର ବେହେରା ପ୍ରମୁଖ ସାମିଲ ଥିଲେ।

ମୋହନ ସରକାର 'ବିକାଶର ଧାରା ଓଡ଼ିଶା ସାରା' ଥିମ୍ ଆଧାରରେ ନିଜର ଦୁଇ ବର୍ଷ ପୂର୍ତ୍ତି ଉତ୍ସବ ପାଳନ କରୁଛି। ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୁନ ୨୦ ତାରିଖରେ ଓଡ଼ିଶା ଆସୁଛନ୍ତି। ଜୁନ ୩୦ ପର୍ଯ୍ୟନ୍ତ ଚାଲିବାକୁ ଥିବା ଏହି ବର୍ଷ ପୂର୍ତ୍ତି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ଓଡ଼ିଶା ପାଇଁ ଏକ ବଡ଼ ଭେଟି ନେଇ ଆସିବେ ଏବଂ ଉତ୍ସବରେ ଯୋଗ ଦେବେ।

ଢେଙ୍କାନାଳ ସ୍ଥିତ ସନ ହସ୍ପିଟାଲର ଜଣେ କର୍ମଚାରୀ ସକାଳେ କାର୍ଯ୍ୟକୁ ଯାଉଥିବାବେଳେ ଏକ ବାଇକ୍ ଦୁର୍ଘଟଣାର ଶିକାର ହୋଇଛନ୍ତି। ଏହି ଘଟଣା ଡାକ୍ତରଖାନା ସମ୍ମୁଖରେ ହିଁ ଘଟିଥିଲା, ଯେତେବେଳେ ବାଇକ୍ ଆଗକୁ ହଠାତ୍ ଏକ କୁକୁର ପଶିଯିବା ଯୋଗୁଁ ଏହି ଦୁର୍ଘଟଣା ହୋଇଥିଲା। ବିଡମ୍ବନାର ବିଷୟ ଯେ, ଦୁର୍ଘଟଣାଟି ଡାକ୍ତରଖାନା ସାମନାରେ ଘଟିଥିଲେ ମଧ୍ୟ ସମ୍ପୃକ୍ତ କର୍ମଚାରୀ ଜଣକ କୌଣସି ସାହାଯ୍ୟ ପାଇବାରୁ ବଞ୍ଚିତ ହୋଇଛନ୍ତି।