સુરતમાં, મોહરમના તહેવારને અનુલક્ષીને લિબાયત પોલીસ દ્વારા શાંતિ સમિતિની બેઠકનું આયોજન કરવામાં આવ્યું હતું. આ બેઠકનો મુખ્ય સંદેશ મોહલ્લાઓમાં અમન અને ભાઈચારો જાળવવાનો હતો.

સુરત શહેરમાં નશાના કારોબાર પર એક મોટો પ્રહાર કરવામાં આવ્યો છે. આ કાર્યવાહી દરમિયાન ત્રણ મહિલાઓ પાસેથી કુલ 42 કિલોગ્રામ ગાંજો બરામદ કરવામાં આવ્યો છે.

સુરત શહેરમાં આગામી મોહરમ પર્વને ધ્યાનમાં રાખીને નીકળનારા તાજિયા જુલુસના સંદર્ભમાં લીંબાયત પોલીસ સ્ટેશન ખાતે એક મહત્વપૂર્ણ શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં પોલીસ અધિકારીઓ, વિવિધ સમાજોના આગેવાનો, ધાર્મિક પ્રતિનિધિઓ તેમજ સ્થાનિક આગેવાનો મોટી સંખ્યામાં ઉપસ્થિત રહ્યા હતા.

સુરત ખાતે રેલવે ગોડાઉન ઉપર બની રહેલા બ્રિજનો એક ગર્ડર નમી પડ્યો હતો. બે પિલરની વચ્ચે આવેલો આખો ભાગ નીચે નમી ગયો હતો, જેના કારણે તેને સંપૂર્ણપણે તોડી પાડવામાં આવ્યો. જોકે, આ ઘટનામાં કોઈપણ પ્રકારની જાનહાની થઈ ન હોવાનું જણાવાયું છે. અધિકારીઓએ સ્પષ્ટતા કરી છે કે ડિઝાઇન બદલવાની હોવાથી આ ગર્ડરને ઉતારી લેવામાં આવ્યો હતો.

સુરતના ભટાર આઝાદનગર નજીક આવેલા "સુમન પાર્થ" આવાસના રહીશો છેલ્લા ચાર વર્ષથી પાણી લીકેજની ગંભીર સમસ્યાથી ભારે નારાજ અને ત્રસ્ત છે. આ આવાસના અનેક ફ્લેટોમાં છત અને દીવાલોમાંથી સતત પાણી ટપકવાના કારણે રહેવાસીઓને રોજિંદા જીવનમાં પારાવાર મુશ્કેલીઓનો સામનો કરવો પડી રહ્યો છે. બિલ્ડિંગની જર્જરિત હાલતને લીધે તેની સ્ટ્રક્ચરલ સલામતી સામે પણ ગંભીર સવાલો ઊભા થયા છે, અને રહીશોને સતત લીકેજના કારણે બિલ્ડિંગને લાંબા ગાળે નુકસાન થવાનો ભય સતાવી રહ્યો છે. રહેવાસીઓનો આક્ષેપ છે કે તેમણે આ સમસ્યા અંગે SMC (સુરત મહાનગરપાલિકા) સમક્ષ અનેક રજૂઆતો કરી છે અને ઓનલાઈન ફરિયાદો પણ નોંધાવી છે, તેમ છતાં આજદિન સુધી કોઈ સંતોષકારક ઉકેલ આવ્યો નથી. તેઓ જણાવે છે કે SMCના અધિકારીઓ સ્થળ મુલાકાતે આવે છે, પરંતુ ત્યારબાદ કોઈ અસરકારક કાર્યવાહી કરવામાં આવતી નથી. આથી, સ્થાનિકોમાં SMCની કામગીરી સામે ભારે રોષ અને નિરાશા જોવા મળી રહી છે. રહીશોએ ચીમકી ઉચ્ચારી છે કે જો તેમની માંગણીઓ સંતોષવામાં નહીં આવે, તો તેઓ રસ્તા પર ઉતરીને વિરોધ પ્રદર્શન કરશે.

સુરત શહેરમાં આગામી મોહરમ પર્વને ધ્યાનમાં રાખીને નીકળનારા તાજિયા જુલુસ સંદર્ભે લીંબાયત પોલીસ સ્ટેશન ખાતે એક મહત્વપૂર્ણ શાંતિ સમિતિની બેઠકનું આયોજન કરવામાં આવ્યું હતું. આ બેઠકમાં પોલીસ અધિકારીઓ, વિવિધ સમાજોના આગેવાનો, ધાર્મિક પ્રતિનિધિઓ અને સ્થાનિક આગેવાનો મોટી સંખ્યામાં ઉપસ્થિત રહ્યા હતા.

સુરત શહેરના સંવેદનશીલ ગણાતા લિંબાયત પોલીસ સ્ટેશન ખાતે મોહરમ પર્વને ધ્યાનમાં રાખીને એક મહત્વપૂર્ણ શાંતિ સમિતિની બેઠકનું આયોજન કરવામાં આવ્યું હતું. આ બેઠકનો મુખ્ય ઉદ્દેશ્ય કાયદો અને વ્યવસ્થા જાળવી રાખવાનો હતો, જેને લઈ બેઠકમાં ઉપસ્થિતોને શાંતિ જાળવવા માટે અપીલ કરવામાં આવી હતી.

સુરત શહેરની ક્રાઈમ બ્રાન્ચને હત્યાના પ્રયાસના એક કેસમાં મોટી સફળતા મળી છે. પોલીસે લાંબા સમયથી ફરાર આરોપી સુરેશ હરિરામ છાબાને ઓડિશાના ભુવનેશ્વરથી ઝડપી પાડ્યો છે. રાજસ્થાનનો રહેવાસી આ આરોપી 2024થી પોલીસને ચકમો આપીને ફરાર હતો. સુરત પોલીસ કમિશનરના નિર્દેશ પર, શરીર વિરુદ્ધના ગુનાઓ જેવા ગંભીર અપરાધોમાં સામેલ અને લાંબા સમયથી ફરાર આરોપીઓને પકડવા માટે એક વિશેષ અભિયાન ચલાવવામાં આવી રહ્યું છે, જેના ભાગરૂપે આ કાર્યવાહી કરવામાં આવી છે.

સુરત ક્રાઈમ બ્રાન્ચને એક વર્ષથી ફરાર એક મોબાઈલ અને લેપટોપ ચોરને પકડવામાં સફળતા મળી છે. આ આરોપી અનેક ગંભીર ગુનાહિત કેસોમાં સામેલ હોવાનું જાણવા મળ્યું છે.