କୁରମିତ୍ରା ମାଇନ୍ସରେ କିଛି ନିର୍ଦ୍ଦିଷ୍ଟ ଟ୍ରାନ୍ସପୋର୍ଟରଙ୍କ ମନମାନି ଏବଂ ବରସୁଆଁ, ଲହୁଣୀପଡ଼ା, ରଜାମୁଣ୍ଡା, ବଣାଇଁ ଓ କଲେଇପୋଷ ଟିପର ଅନର ଆସୋସିଏସନକୁ ଲୋଡିଂ ସ୍ଲିପ୍ ନ ମିଳିବା ଅଭିଯୋଗରେ ପାଞ୍ଚଟି ସଂଘର ମାଲିକମାନେ ମାଇନ୍ସର ମୁଖ୍ୟ ଫାଟକ ସମ୍ମୁଖରେ ଧାରଣାରେ ବସିଛନ୍ତି। ଏହି କାର୍ଯ୍ୟକ୍ରମ ପ୍ରଶାସନିକ ଅଧିକାରୀଙ୍କ ନିଷ୍ପତ୍ତିକୁ ଅବମାନନା କରୁଥିବା ଅଭିଯୋଗ ହୋଇଛି। ସୂଚନାନୁସାରେ, ଖଣ୍ଡାଧାର ମାଇନ୍ସରେ ମୁଖ୍ୟତଃ ବାସୁକୀନାଥ, ଓରାମ ଓ ବରୁଆ ନାମକ ତିନୋଟି ଟ୍ରାନ୍ସପୋର୍ଟ ଅଧିକ କାମ କରିଥାନ୍ତି। ଲୋଡିଂ ସମସ୍ୟାକୁ ନେଇ ବିଭିନ୍ନ ସମୟରେ ବିବାଦ ଉପୁଜିଥାଏ। ଏହି ସମସ୍ୟାର ସମାଧାନ ପାଇଁ ଗାଡ଼ି ମାଲିକମାନେ ବାରମ୍ବାର ଉପଜିଲ୍ଲାପାଳଙ୍କ ନିକଟକୁ ଯିବା ପରେ, ବଣାଇଁ ଉପଜିଲ୍ଲାପାଳ ପାଞ୍ଚଟି ଟିପର ସଂଘ ଓ ଟ୍ରାନ୍ସପୋର୍ଟରମାନଙ୍କୁ ନେଇ ଏକ ବୈଠକ କରିଥିଲେ। ସେ ସମସ୍ତ ସଂଘ ଓ ଗ୍ରାମବାସୀଙ୍କ ମଧ୍ୟରେ କାମର ପ୍ରତିଶତ ଭାଗ କରିବା ସହ ଏହାର ପ୍ରସିଡିଂ ମଧ୍ୟ କରିଦେଇଥିଲେ। କିନ୍ତୁ, ବରୁଆ ଟ୍ରାନ୍ସପୋର୍ଟର କାମ ବୁଝୁଥିବା ବାଗୁନ ଗାଗରେଇ ନାମକ ଜଣେ ବ୍ୟକ୍ତି ଉପଜିଲ୍ଲାପାଳଙ୍କ ପ୍ରସିଡିଂକୁ ନ ମାନି ବରୁଆ ଟ୍ରାନ୍ସପୋର୍ଟକୁ ବଦନାମ କରିବା ପାଇଁ ଏକ ଷଡ଼ଯନ୍ତ୍ର ଚଳାଇଥିବା ଅଭିଯୋଗ ହୋଇଛି। ସେ କୌଣସି ସଂଘକୁ ଡିଓ (ଡେଲିଭରି ଅର୍ଡର) ନ ଦେଇ ଉକ୍ତ ଡିଓକୁ ବାହାର ଗାଡ଼ି ମାଲିକମାନଙ୍କୁ ୧୦୦୦ ରୁ ୧୫୦୦ ଟଙ୍କାରେ ବିକ୍ରି କରୁଛନ୍ତି। ଅଥଚ, ଉପଜିଲ୍ଲାପାଳଙ୍କ ଚିଠିକୁ ଆଧାର କରି ସେ ଅନ୍ୟ ଟ୍ରାନ୍ସପୋର୍ଟରମାନଙ୍କ ନିକଟରୁ ତାଙ୍କର ଡିଓ ଭାଗ ଆଦାୟ କରୁଛନ୍ତି। ଏହି ମନମାନିକୁ ବିରୋଧ କରି ସ୍ଥାନୀୟ ଗାଡ଼ି ମାଲିକମାନେ ବଣାଇଁ ବିଧାୟକଙ୍କ ନେତୃତ୍ୱରେ ଓଏମସି ଗେଟ୍ ସମ୍ମୁଖରେ ଧାରଣାରେ ବସିଛନ୍ତି। ଏହି ସମସ୍ୟାର ସ୍ଥାୟୀ ସମାଧାନ ନ ହେବା ପର୍ଯ୍ୟନ୍ତ ଧାରଣାରୁ ଓହରିବେ ନାହିଁ ବୋଲି ସେମାନେ ଚେତାବନୀ ଦେଇଛନ୍ତି।

ସୁରଜ ପ୍ରତାପ ମହାନ୍ତି

Local News Reporter ବଣେଇ, ସୁନ୍ଦରଗଡ଼, ଓଡ଼ିଶା•

1 day ago

କୁରମିତ୍ରା ମାଇନ୍ସରେ କିଛି ନିର୍ଦ୍ଦିଷ୍ଟ ଟ୍ରାନ୍ସପୋର୍ଟରଙ୍କ ମନମାନି ଏବଂ ବରସୁଆଁ, ଲହୁଣୀପଡ଼ା, ରଜାମୁଣ୍ଡା, ବଣାଇଁ ଓ କଲେଇପୋଷ ଟିପର ଅନର ଆସୋସିଏସନକୁ ଲୋଡିଂ ସ୍ଲିପ୍ ନ ମିଳିବା ଅଭିଯୋଗରେ ପାଞ୍ଚଟି ସଂଘର ମାଲିକମାନେ ମାଇନ୍ସର ମୁଖ୍ୟ ଫାଟକ ସମ୍ମୁଖରେ ଧାରଣାରେ ବସିଛନ୍ତି। ଏହି କାର୍ଯ୍ୟକ୍ରମ ପ୍ରଶାସନିକ ଅଧିକାରୀଙ୍କ ନିଷ୍ପତ୍ତିକୁ ଅବମାନନା କରୁଥିବା ଅଭିଯୋଗ ହୋଇଛି। ସୂଚନାନୁସାରେ, ଖଣ୍ଡାଧାର ମାଇନ୍ସରେ ମୁଖ୍ୟତଃ ବାସୁକୀନାଥ, ଓରାମ ଓ

ବରୁଆ ନାମକ ତିନୋଟି ଟ୍ରାନ୍ସପୋର୍ଟ ଅଧିକ କାମ କରିଥାନ୍ତି। ଲୋଡିଂ ସମସ୍ୟାକୁ ନେଇ ବିଭିନ୍ନ ସମୟରେ ବିବାଦ ଉପୁଜିଥାଏ। ଏହି ସମସ୍ୟାର ସମାଧାନ ପାଇଁ ଗାଡ଼ି ମାଲିକମାନେ ବାରମ୍ବାର ଉପଜିଲ୍ଲାପାଳଙ୍କ ନିକଟକୁ ଯିବା ପରେ, ବଣାଇଁ ଉପଜିଲ୍ଲାପାଳ ପାଞ୍ଚଟି ଟିପର ସଂଘ ଓ ଟ୍ରାନ୍ସପୋର୍ଟରମାନଙ୍କୁ ନେଇ ଏକ ବୈଠକ କରିଥିଲେ। ସେ ସମସ୍ତ ସଂଘ ଓ ଗ୍ରାମବାସୀଙ୍କ ମଧ୍ୟରେ କାମର ପ୍ରତିଶତ ଭାଗ

କରିବା ସହ ଏହାର ପ୍ରସିଡିଂ ମଧ୍ୟ କରିଦେଇଥିଲେ। କିନ୍ତୁ, ବରୁଆ ଟ୍ରାନ୍ସପୋର୍ଟର କାମ ବୁଝୁଥିବା ବାଗୁନ ଗାଗରେଇ ନାମକ ଜଣେ ବ୍ୟକ୍ତି ଉପଜିଲ୍ଲାପାଳଙ୍କ ପ୍ରସିଡିଂକୁ ନ ମାନି ବରୁଆ ଟ୍ରାନ୍ସପୋର୍ଟକୁ ବଦନାମ କରିବା ପାଇଁ ଏକ ଷଡ଼ଯନ୍ତ୍ର ଚଳାଇଥିବା ଅଭିଯୋଗ ହୋଇଛି। ସେ କୌଣସି ସଂଘକୁ ଡିଓ (ଡେଲିଭରି ଅର୍ଡର) ନ ଦେଇ ଉକ୍ତ ଡିଓକୁ ବାହାର ଗାଡ଼ି ମାଲିକମାନଙ୍କୁ ୧୦୦୦ ରୁ ୧୫୦୦

ଟଙ୍କାରେ ବିକ୍ରି କରୁଛନ୍ତି। ଅଥଚ, ଉପଜିଲ୍ଲାପାଳଙ୍କ ଚିଠିକୁ ଆଧାର କରି ସେ ଅନ୍ୟ ଟ୍ରାନ୍ସପୋର୍ଟରମାନଙ୍କ ନିକଟରୁ ତାଙ୍କର ଡିଓ ଭାଗ ଆଦାୟ କରୁଛନ୍ତି। ଏହି ମନମାନିକୁ ବିରୋଧ କରି ସ୍ଥାନୀୟ ଗାଡ଼ି ମାଲିକମାନେ ବଣାଇଁ ବିଧାୟକଙ୍କ ନେତୃତ୍ୱରେ ଓଏମସି ଗେଟ୍ ସମ୍ମୁଖରେ ଧାରଣାରେ ବସିଛନ୍ତି। ଏହି ସମସ୍ୟାର ସ୍ଥାୟୀ ସମାଧାନ ନ ହେବା ପର୍ଯ୍ୟନ୍ତ ଧାରଣାରୁ ଓହରିବେ ନାହିଁ ବୋଲି ସେମାନେ ଚେତାବନୀ ଦେଇଛନ୍ତି।