सीसीटीव्हीच्या मदतीने लॅपटॉप चोरीचा उलगडा; संशयित ताब्यात नाशिक मध्य रेल्वे भुसावळ विभागातील रेल्वे सुरक्षा दलामार्फत (आरपीएफ) प्रवाशांची सुरक्षा तसेच रेल्वे परिसरातील गुन्ह्यांना प्रतिबंध करण्यासाठी “ऑपरेशन यात्री सुरक्षा” राबविण्यात येत आहे. त्यातंर्गत आरपीएफने ९० हजाराच्या लॅपटॉप चोरीप्रकरणी एकास पकडले. गेल्या २८ जुलैला भुसावळच्या मंडल सुरक्षा नियंत्रकांकडून प्राप्त झालेल्या तक्रारीच्या अनुषंगाने आरपीएफने तक्रारदार एकता मोटवानी यांच्याशी मोबाईलवर संपर्क साधून घटनेची माहिती घेतली. तक्रारदाराने सांगितले की, नाशिकरोड रेल्वे स्थानकावरून रेल्वेगाडी सुटण्याच्या वेळी चोरट्याने त्यांच्या लॅपटॉप बॅगची चोरी केली. सीपीडीएस पथकाने सीसीटीव्ही फुटेजची तपासणी केली. त्यावेळी एका संशयित व्यक्तीची ओळख पटविण्यात आली. संशयिताचा फोटो आरपीएफ पथकांसोबत शेअर करून त्याचा सातत्याने शोध सुरू होता. गेल्या १४ सप्टेंबरला नाशिक रोड स्थानकाच्या प्लॅटफॉर्म क्रमांक दोनवर हा संशयित अवस्थेत आढळला. एसआयपीएफचे दिलीप कुमार, हेड कॉन्स्टेबल सागर वर्मा, कॉन्स्टेबल मनीष कुमार सिंह, एमएसएफ राहुल चौधरी तसेच सहायक सुरक्षा निरीक्षक नितीन मिस्त्री यांच्या पथकाने त्याला ताब्यात घेतले. रेल्वे पोलिसांकडे त्याला सुपूर्द केले. या संशयिताने आपले नाव सूरज कृष्णा म्हैराले (वय २७, रा. कळवा, ठाणे) असे सांगितले. त्याने ही चोरी केल्याची कबूली दिली. त्याच्याविरूध्द गुन्हा दाखल झाला. चोरीस गेलेल्या वस्तूंमध्ये लिनोव्हा कंपनीची बॅग आणि एचपी कंपनीचा ९० हजाराचा लॅपटॉप, यांचा समावेश आहे. आरपीएफमार्फत आवश्यक कार्यवाही पूर्ण केल्यानंतर संशयित आरोपीस कायदेशीर कारवाईसाठी रेल्वे पोलिसांकडे देण्यात आले. मध्य रेल्वे “ऑपरेशन यात्री सुरक्षा”च्या माध्यमातून रेल्वे परिसरातील संशयास्पद हालचाली तसेच गुन्हेगारी कृत्यांवर प्रभावी निगराणी ठेवून प्रवाशांचा सुरक्षित व सुकर रेल्वे प्रवास सुनिश्चित करण्यासाठी सातत्याने प्रयत्न केले जात आहेत.

Anil GUNJAL

नाशिक, नाशिक, महाराष्ट्र•

15 hrs ago

सीसीटीव्हीच्या मदतीने लॅपटॉप चोरीचा उलगडा; संशयित ताब्यात नाशिक मध्य रेल्वे भुसावळ विभागातील रेल्वे सुरक्षा दलामार्फत (आरपीएफ) प्रवाशांची सुरक्षा तसेच रेल्वे परिसरातील गुन्ह्यांना प्रतिबंध करण्यासाठी “ऑपरेशन यात्री सुरक्षा” राबविण्यात येत आहे. त्यातंर्गत आरपीएफने ९० हजाराच्या लॅपटॉप चोरीप्रकरणी एकास पकडले. गेल्या २८ जुलैला भुसावळच्या मंडल सुरक्षा नियंत्रकांकडून प्राप्त झालेल्या तक्रारीच्या अनुषंगाने आरपीएफने तक्रारदार एकता मोटवानी यांच्याशी मोबाईलवर संपर्क साधून घटनेची माहिती घेतली. तक्रारदाराने सांगितले की, नाशिकरोड रेल्वे स्थानकावरून रेल्वेगाडी सुटण्याच्या वेळी चोरट्याने त्यांच्या लॅपटॉप बॅगची चोरी केली. सीपीडीएस पथकाने सीसीटीव्ही फुटेजची तपासणी केली. त्यावेळी एका संशयित व्यक्तीची ओळख पटविण्यात आली. संशयिताचा फोटो आरपीएफ पथकांसोबत शेअर करून त्याचा सातत्याने शोध सुरू होता. गेल्या १४ सप्टेंबरला नाशिक रोड स्थानकाच्या प्लॅटफॉर्म क्रमांक दोनवर हा संशयित अवस्थेत आढळला. एसआयपीएफचे दिलीप कुमार, हेड कॉन्स्टेबल सागर वर्मा, कॉन्स्टेबल मनीष कुमार सिंह, एमएसएफ राहुल चौधरी तसेच सहायक सुरक्षा निरीक्षक नितीन मिस्त्री यांच्या पथकाने त्याला ताब्यात घेतले. रेल्वे पोलिसांकडे त्याला सुपूर्द केले. या संशयिताने आपले नाव सूरज कृष्णा म्हैराले (वय २७, रा. कळवा, ठाणे) असे सांगितले. त्याने ही चोरी केल्याची कबूली दिली. त्याच्याविरूध्द गुन्हा दाखल झाला. चोरीस गेलेल्या वस्तूंमध्ये लिनोव्हा कंपनीची बॅग आणि एचपी कंपनीचा ९० हजाराचा लॅपटॉप, यांचा समावेश आहे. आरपीएफमार्फत आवश्यक कार्यवाही पूर्ण केल्यानंतर संशयित आरोपीस कायदेशीर कारवाईसाठी रेल्वे पोलिसांकडे देण्यात आले. मध्य रेल्वे “ऑपरेशन यात्री सुरक्षा”च्या माध्यमातून रेल्वे परिसरातील संशयास्पद हालचाली तसेच गुन्हेगारी कृत्यांवर प्रभावी निगराणी ठेवून प्रवाशांचा सुरक्षित व सुकर रेल्वे प्रवास सुनिश्चित करण्यासाठी सातत्याने प्रयत्न केले जात आहेत.