लातूर पोलिसांच्या स्थानिक गुन्हे शाखेच्या विशेष पथकाने तब्बल २८ वर्षांपासून फरार असलेल्या सरकारी रकमेच्या अपहार प्रकरणातील आरोपीला अटक केली आहे. संजय केशवराव देशपांडे (वय ६२ वर्षे, रा. हलगरा, ता. निलंगा, जि. लातूर) असे या आरोपीचे नाव असून, तो हलगरा शाखा डाकघरात शाखा डाकपाल म्हणून कार्यरत असताना त्याने सरकारी रकमेचा अपहार केल्याचा गंभीर आरोप आहे. आरोपीला अटक करून न्यायालयासमोर उभे केले असता न्यायालयाने त्याला न्यायालयीन कोठडी सुनावली आहे. लातूर दक्षिण उपविभागाच्या अखत्यारीतील हलगरा शाखा डाकघरात बचत खातेदारांच्या ठेव रकमांच्या व्यवहारात मोठा आर्थिक गैरव्यवहार झाल्याचे चौकशीत निष्पन्न झाले होते. आरोपी संजय देशपांडे याने प्राथमिक आरोग्य केंद्र हलगरा येथील कनिष्ठ लिपिक एल. डी. सूर्यवंशी यांच्या आर.डी. खात्यातील रक्कम काढण्यासाठी बनावट स्वाक्षरी करून २,६८३ रुपयांचा अपहार केला. तसेच जिल्हा परिषद प्राथमिक शाळा हलगरा येथील मुख्याध्यापक के. एच. शिंगारे यांच्या खात्यातील रकमा बनावट कागदपत्रे आणि खोट्या स्वाक्षऱ्यांच्या आधारे काढून १४,६७८ रुपयांचा अपहार केला. संबंधित खातेदारांनी चौकशीदरम्यान विड्रॉल फॉर्मवरील स्वाक्षऱ्या आपल्या नसल्याचे स्पष्ट केले होते. या दोन्ही घटनांमधून आरोपीने एकूण १७,३६१ रुपयांच्या सरकारी रकमेचा स्वतःच्या फायद्यासाठी अपहार करून पोस्ट खात्याची अधिकृत नोंदवही व कागदपत्रे बनावट तयार केली होती. या प्रकरणी गांधी चौक पोलीस ठाण्यात गुन्हा नोंद क्रमांक १०/१९९८ अन्वये भारतीय दंड संहितेच्या कलम ४०९, ४६७, ४६८, ४७१ नुसार गुन्हा दाखल करण्यात आला होता. सुरुवातीला आरोपीला नाममात्र अटक करण्यात आली होती; मात्र त्यानंतर तो न्यायालयीन कामकाजास गैरहजर राहत फरार झाला. तो वारंवार राहण्याचे ठिकाण बदलत असल्याने त्याचा शोध लागत नव्हता. न्यायालयाने त्याच्याविरुद्ध अटक वॉरंट आणि जाहीरनामा काढूनही तो मिळून येत नव्हता. अखेर फरार आरोपींचा शोध घेण्यासाठी राबविण्यात आलेल्या विशेष मोहिमेदरम्यान, पोलीस हवालदार दत्तात्रय शिंदे यांना गुप्त बातमीदाराकडून आरोपी औसा रोड परिसरात असल्याची माहिती मिळाली. मिळालेल्या माहितीची खातरजमा करून विशेष पथकाने सापळा रचून आरोपीला ताब्यात घेतले आणि वैद्यकीय तपासणी करून गांधी चौक पोलीस ठाण्यात हजर केले. ही उल्लेखनीय कारवाई पोलीस अधीक्षक श्री. अमोल तांबे, अपर पोलीस अधीक्षक श्री. मंगेश चव्हाण आणि स्थानिक गुन्हे शाखेचे पोलीस निरीक्षक श्री. सुधाकर बावकर यांच्या मार्गदर्शनाखाली विशेष पथकातील पोलीस उपनिरीक्षक संजय भोसले व पोलीस अमलदार दत्तात्रय शिंदे यांनी यशस्वीरीत्या पार पाडली.

Nitin Chalak

Media company शिरूर-अनंतपाळ, लातूर, महाराष्ट्र•

1 hr ago

लातूर पोलिसांच्या स्थानिक गुन्हे शाखेच्या विशेष पथकाने तब्बल २८ वर्षांपासून फरार असलेल्या सरकारी रकमेच्या अपहार प्रकरणातील आरोपीला अटक केली आहे. संजय केशवराव देशपांडे (वय ६२ वर्षे, रा. हलगरा, ता. निलंगा, जि. लातूर) असे या आरोपीचे नाव असून, तो हलगरा शाखा डाकघरात शाखा डाकपाल म्हणून कार्यरत असताना त्याने सरकारी रकमेचा अपहार केल्याचा गंभीर आरोप आहे. आरोपीला अटक करून न्यायालयासमोर उभे केले असता न्यायालयाने त्याला न्यायालयीन कोठडी सुनावली आहे. लातूर दक्षिण उपविभागाच्या अखत्यारीतील हलगरा शाखा डाकघरात बचत खातेदारांच्या ठेव रकमांच्या व्यवहारात मोठा आर्थिक गैरव्यवहार झाल्याचे चौकशीत निष्पन्न झाले होते. आरोपी संजय देशपांडे याने प्राथमिक आरोग्य केंद्र हलगरा येथील कनिष्ठ लिपिक एल. डी. सूर्यवंशी यांच्या आर.डी. खात्यातील रक्कम काढण्यासाठी बनावट स्वाक्षरी करून २,६८३ रुपयांचा अपहार केला. तसेच जिल्हा परिषद प्राथमिक शाळा हलगरा येथील मुख्याध्यापक के. एच. शिंगारे यांच्या खात्यातील रकमा बनावट कागदपत्रे आणि खोट्या स्वाक्षऱ्यांच्या आधारे काढून १४,६७८ रुपयांचा अपहार केला. संबंधित खातेदारांनी चौकशीदरम्यान विड्रॉल फॉर्मवरील स्वाक्षऱ्या आपल्या नसल्याचे स्पष्ट केले होते. या दोन्ही घटनांमधून आरोपीने एकूण १७,३६१ रुपयांच्या सरकारी रकमेचा स्वतःच्या फायद्यासाठी अपहार करून पोस्ट खात्याची अधिकृत नोंदवही व कागदपत्रे बनावट तयार केली होती. या प्रकरणी गांधी चौक पोलीस ठाण्यात गुन्हा नोंद क्रमांक १०/१९९८ अन्वये भारतीय दंड संहितेच्या कलम ४०९, ४६७, ४६८, ४७१ नुसार गुन्हा दाखल करण्यात आला होता. सुरुवातीला आरोपीला नाममात्र अटक करण्यात आली होती; मात्र त्यानंतर तो न्यायालयीन कामकाजास गैरहजर राहत फरार झाला. तो वारंवार राहण्याचे ठिकाण बदलत असल्याने त्याचा शोध लागत नव्हता. न्यायालयाने त्याच्याविरुद्ध अटक वॉरंट आणि जाहीरनामा काढूनही तो मिळून येत नव्हता. अखेर फरार आरोपींचा शोध घेण्यासाठी राबविण्यात आलेल्या विशेष मोहिमेदरम्यान, पोलीस हवालदार दत्तात्रय शिंदे यांना गुप्त बातमीदाराकडून आरोपी औसा रोड परिसरात असल्याची माहिती मिळाली. मिळालेल्या माहितीची खातरजमा करून विशेष पथकाने सापळा रचून आरोपीला ताब्यात घेतले आणि वैद्यकीय तपासणी करून गांधी चौक पोलीस ठाण्यात हजर केले. ही उल्लेखनीय कारवाई पोलीस अधीक्षक श्री. अमोल तांबे, अपर पोलीस अधीक्षक श्री. मंगेश चव्हाण आणि स्थानिक गुन्हे शाखेचे पोलीस निरीक्षक श्री. सुधाकर बावकर यांच्या मार्गदर्शनाखाली विशेष पथकातील पोलीस उपनिरीक्षक संजय भोसले व पोलीस अमलदार दत्तात्रय शिंदे यांनी यशस्वीरीत्या पार पाडली.