मका पिकात रानडुकरांचा धुमाकूळ किन्ही परिसरात स्थिती, शेतकऱ्यांना होतोय मनःस्ताप साकोली तालुक्यातील किन्ही मोखे परिसरात उन्हाळी भातासोबतच मोठ्या प्रमाणावर मका पिकाची लागवड करण्यात आली आहे. रात्रंदिवस घाम गाळून शेतकऱ्यांनी पीक उभे केले असून आता कुठे कापणीचे दिवस जवळ आले होते. मात्र, गेल्या काही दिवसांपासून रानडुकरांनी मका पिकाची मोठी नासाडी सुरू केल्याने बळीराजा संकटात सापडला आहे. नुकसान भरपाईची मागणी वन्यजीवांच्या हैदोसामुळे शेतकरी हवालदिल झाले असून वनविभागाने तातडीने नुकसानीचे पंचनामे करून भरपाई द्यावी, अशी मागणी परिसरातून होत आहे. रोगराई आणि नैसर्गिक संकटातून वाचवलेले पीक आता वन्यप्राणी नष्ट करत असल्याने शेतकऱ्यांसमोर उदरनिर्वाहाचा गंभीर प्रश्न निर्माण झाला आहे. परिसरातील शेतकरी गेल्या काही दिवसांपासून बदलत्या हवामानामुळे पिकांवरील रोगराई आणि नैसर्गिक आपत्तीचा सामना करीत आहे. त्यातच आता वन्यप्राण्यांच्या त्रासामुळे उभ्या मका पिकाची ऐशीतैशी झाली आहे. मक्याचे पीक पूर्णतः परिपक्व झाले असून काढणीला आले असतानाच रानडुकरांनी शेतात शिरून पिकाचे प्रचंड नुकसान केले. यामुळे राबराब राबणाऱ्या शेतकऱ्याचा जीव टांगणीला लागला आहे. किन्ही (मोखे) येथील शेतकरी देवाजी रतीराम शिरसागर यांच्या शेतातील मका पिकाचे रानडुकरांनी नुकसान केले.

मनिषा विजय काशीवार

साकोली, भंडारा, महाराष्ट्र•

3 hrs ago

मका पिकात रानडुकरांचा धुमाकूळ किन्ही परिसरात स्थिती, शेतकऱ्यांना होतोय मनःस्ताप साकोली तालुक्यातील किन्ही मोखे परिसरात उन्हाळी भातासोबतच मोठ्या प्रमाणावर मका पिकाची लागवड करण्यात आली आहे. रात्रंदिवस घाम गाळून शेतकऱ्यांनी पीक उभे केले असून आता कुठे कापणीचे दिवस जवळ आले होते. मात्र, गेल्या काही दिवसांपासून रानडुकरांनी मका पिकाची मोठी नासाडी सुरू केल्याने बळीराजा संकटात सापडला आहे. नुकसान भरपाईची मागणी वन्यजीवांच्या हैदोसामुळे शेतकरी हवालदिल झाले असून वनविभागाने तातडीने नुकसानीचे पंचनामे करून भरपाई द्यावी, अशी मागणी परिसरातून होत आहे. रोगराई आणि नैसर्गिक संकटातून वाचवलेले पीक आता वन्यप्राणी नष्ट करत असल्याने शेतकऱ्यांसमोर उदरनिर्वाहाचा गंभीर प्रश्न निर्माण झाला आहे. परिसरातील शेतकरी गेल्या काही दिवसांपासून बदलत्या हवामानामुळे पिकांवरील रोगराई आणि नैसर्गिक आपत्तीचा सामना करीत आहे. त्यातच आता वन्यप्राण्यांच्या त्रासामुळे उभ्या मका पिकाची ऐशीतैशी झाली आहे. मक्याचे पीक पूर्णतः परिपक्व झाले असून काढणीला आले असतानाच रानडुकरांनी शेतात शिरून पिकाचे प्रचंड नुकसान केले. यामुळे राबराब राबणाऱ्या शेतकऱ्याचा जीव टांगणीला लागला आहे. किन्ही (मोखे) येथील शेतकरी देवाजी रतीराम शिरसागर यांच्या शेतातील मका पिकाचे रानडुकरांनी नुकसान केले.