मानवत उड्डाणपुलावरून ट्रक कोसळला; चालक जखमी, मोठा अनर्थ टळला परभणी (प्रतिनिधी): बीडहून मिरची घेऊन परभणीकडे येणारा ट्रक मानवत शहरातील उड्डाणपुलावरून खाली कोसळल्याची घटना मंगळवार, दि. २१ एप्रिल रोजी पहाटे सुमारे ४.४५ वाजताच्या सुमारास घडली. या अपघातात ट्रक चालक जखमी झाला असून त्याच्यावर उपचार सुरू आहेत. मिळालेल्या माहितीनुसार, (क्रमांक एमएच २३ एयू ४२९९) हा ट्रक लाल मिरची घेऊन परभणीकडे येत होता. मानवत येथील राष्ट्रीय महामार्गावरील के.के.एम. महाविद्यालयासमोरील उड्डाणपुलावरून जात असताना चालकाचा ताबा सुटल्याने ट्रक खाली कोसळला. अपघातानंतर चालक केबिनमध्ये अडकून पडला होता. घटनेची माहिती मिळताच पोलिस उपनिरीक्षक प्रमोद देवकते, अविनाश डोंगले व त्यांच्या सहकाऱ्यांनी तात्काळ घटनास्थळी धाव घेत चालकाला बाहेर काढले. त्यानंतर रुग्णवाहिका चालक देवा पेडगावकर यांच्या मदतीने जखमी चालकाला स्थानिक खासगी रुग्णालयात दाखल करण्यात आले. सध्या त्याची प्रकृती स्थिर असल्याचे समजते.जखमी चालकाचे नाव शेख तसवक शेख महबूब (वय ४१, रा. बीड) असे आहे. या अपघातात ट्रकचे मोठे नुकसान झाले आहे.दरम्यान, मानवत शहरातून जाणाऱ्या राष्ट्रीय महामार्गावरील उड्डाणपुल परिसरात यापूर्वीही अपघात घडले असून, अनेक निष्पाप नागरिकांना जीव गमवावा लागला आहे. आजचा अपघात पहाटेच्या सुमारास झाल्यामुळे मोठा अनर्थ टळला. दिवसा या मार्गावर शाळा-कॉलेज विद्यार्थ्यांसह नागरिकांची मोठी वर्दळ असते. त्यामुळे या ठिकाणी सुरक्षिततेच्या उपाययोजना करण्याची मागणी नागरिकांकडून होत आहे

Jafar tarodekar

परभणी, परभणी, महाराष्ट्र•

1 hr ago

मानवत उड्डाणपुलावरून ट्रक कोसळला; चालक जखमी, मोठा अनर्थ टळला परभणी (प्रतिनिधी): बीडहून मिरची घेऊन परभणीकडे येणारा ट्रक मानवत शहरातील उड्डाणपुलावरून खाली कोसळल्याची घटना मंगळवार, दि. २१ एप्रिल रोजी पहाटे सुमारे ४.४५ वाजताच्या सुमारास घडली. या अपघातात ट्रक चालक जखमी झाला असून त्याच्यावर उपचार सुरू आहेत. मिळालेल्या माहितीनुसार, (क्रमांक एमएच २३ एयू ४२९९) हा ट्रक लाल मिरची घेऊन परभणीकडे येत होता. मानवत येथील राष्ट्रीय महामार्गावरील के.के.एम. महाविद्यालयासमोरील उड्डाणपुलावरून जात असताना चालकाचा ताबा सुटल्याने ट्रक खाली कोसळला. अपघातानंतर चालक केबिनमध्ये अडकून पडला होता. घटनेची माहिती मिळताच पोलिस उपनिरीक्षक प्रमोद देवकते, अविनाश डोंगले व त्यांच्या सहकाऱ्यांनी तात्काळ घटनास्थळी धाव घेत चालकाला बाहेर काढले. त्यानंतर रुग्णवाहिका चालक देवा पेडगावकर यांच्या मदतीने जखमी चालकाला स्थानिक खासगी रुग्णालयात दाखल करण्यात आले. सध्या त्याची प्रकृती स्थिर असल्याचे समजते.जखमी चालकाचे नाव शेख तसवक शेख महबूब (वय ४१, रा. बीड) असे आहे. या अपघातात ट्रकचे मोठे नुकसान झाले आहे.दरम्यान, मानवत शहरातून जाणाऱ्या राष्ट्रीय महामार्गावरील उड्डाणपुल परिसरात यापूर्वीही अपघात घडले असून, अनेक निष्पाप नागरिकांना जीव गमवावा लागला आहे. आजचा अपघात पहाटेच्या सुमारास झाल्यामुळे मोठा अनर्थ टळला. दिवसा या मार्गावर शाळा-कॉलेज विद्यार्थ्यांसह नागरिकांची मोठी वर्दळ असते. त्यामुळे या ठिकाणी सुरक्षिततेच्या उपाययोजना करण्याची मागणी नागरिकांकडून होत आहे