पर्यावरण जपणुकीचा आदर्श निर्णय : धनावडे परिवाराचा प्रेरणादायी उपक्रम. कुसुंबी.दि.२.करंजे गावचे पितामह पांडूरंग धनावडे (गुरुजी) यांच्या धर्मपत्नी सौ. लक्ष्मी पांडूरंग धनावडे यांचे वयाच्या ८७ व्या वर्षी अल्पशा आजाराने दुःखद निधन झाले. त्यांच्या निधनामुळे करंजे गावासह परिसरात हळहळ व्यक्त केली जात आहे. प्रेमळ, साधी आणि धार्मिक वृत्ती असलेले त्यांचे व्यक्तिमत्त्व गावातील सर्वांना आपलेसे वाटणारे होते. रविवारी वेण्णा नदी तीरावर त्यांच्या पार्थिवावर अंत्यसंस्कार करण्यात आले. पारंपरिक हिंदू संस्कृतीनुसार अंत्यविधीनंतर अस्थिविसर्जन करताना अस्थी व राख नदीत विसर्जित करण्याची प्रथा आहे. मात्र धनावडे परिवाराने पर्यावरण जपण्याचा अभिनव आणि विचारपूर्वक निर्णय घेतला. नदीमध्ये अस्थी व राख विसर्जित केल्यास पाणी प्रदूषण होऊ शकते, या जाणिवेतून त्यांनी वेगळा मार्ग अवलंबला. नदीमध्ये विसर्जन न करता वेण्णा नदीच्या तीरावर खोल खड्डा खोदून त्या खड्ड्यात अस्थी व राख विधीपूर्वक पुरण्यात आल्या. हा निर्णय परंपरेचा आदर राखत पर्यावरण संवर्धनाचा संदेश देणारा ठरला. आजच्या काळात नद्या स्वच्छ ठेवण्याची जबाबदारी प्रत्येकाची आहे, याची जाणीव या कृतीतून समाजाला करून देण्यात आली. धनावडे परिवाराच्या या उपक्रमाचे गावकऱ्यांनी आणि उपस्थित नागरिकांनी मनापासून कौतुक केले. धार्मिक संस्कार आणि पर्यावरण संरक्षण यांचा सुंदर संगम घडवून आणणारा हा निर्णय समाजासाठी एक प्रेरणादायी उदाहरण ठरत आहे.

महाराष्ट्राची जनता न्युज. साता

Salesperson जावळी, सातारा, महाराष्ट्र•

6 hrs ago

पर्यावरण जपणुकीचा आदर्श निर्णय : धनावडे परिवाराचा प्रेरणादायी उपक्रम. कुसुंबी.दि.२.करंजे गावचे पितामह पांडूरंग धनावडे (गुरुजी) यांच्या धर्मपत्नी सौ. लक्ष्मी पांडूरंग धनावडे यांचे वयाच्या ८७ व्या वर्षी अल्पशा आजाराने दुःखद निधन झाले. त्यांच्या निधनामुळे करंजे गावासह परिसरात हळहळ व्यक्त केली जात आहे. प्रेमळ, साधी आणि धार्मिक वृत्ती असलेले त्यांचे व्यक्तिमत्त्व गावातील सर्वांना आपलेसे वाटणारे होते. रविवारी वेण्णा नदी तीरावर त्यांच्या पार्थिवावर अंत्यसंस्कार करण्यात आले. पारंपरिक हिंदू संस्कृतीनुसार अंत्यविधीनंतर अस्थिविसर्जन करताना अस्थी व राख नदीत विसर्जित करण्याची प्रथा आहे. मात्र धनावडे परिवाराने पर्यावरण जपण्याचा अभिनव आणि विचारपूर्वक निर्णय घेतला. नदीमध्ये अस्थी व राख विसर्जित केल्यास पाणी प्रदूषण होऊ शकते, या जाणिवेतून त्यांनी वेगळा मार्ग अवलंबला. नदीमध्ये विसर्जन न करता वेण्णा नदीच्या तीरावर खोल खड्डा खोदून त्या खड्ड्यात अस्थी व राख विधीपूर्वक पुरण्यात आल्या. हा निर्णय परंपरेचा आदर राखत पर्यावरण संवर्धनाचा संदेश देणारा ठरला. आजच्या काळात नद्या स्वच्छ ठेवण्याची जबाबदारी प्रत्येकाची आहे, याची जाणीव या कृतीतून समाजाला करून देण्यात आली. धनावडे परिवाराच्या या उपक्रमाचे गावकऱ्यांनी आणि उपस्थित नागरिकांनी मनापासून कौतुक केले. धार्मिक संस्कार आणि पर्यावरण संरक्षण यांचा सुंदर संगम घडवून आणणारा हा निर्णय समाजासाठी एक प्रेरणादायी उदाहरण ठरत आहे.