आषाढी शुद्ध एकादशीनिमित्त मुख्यमंत्री देवेंद्र फडणवीस यांनी पंढरपूर येथे सपत्नीक तसेच मानाचे वारकरी बाबासाहेब माधव माने व प्रभावती माने यांच्या समवेत श्री विठ्ठल-रुक्मिणीची शासकीय महापूजा केली. महापूजेनंतर झालेल्या सत्कार समारंभात बोलताना मुख्यमंत्र्यांनी पंढरपूर मंदिर परिसराचा विकास ‘पंढरपूर कॉरिडॉर’च्या माध्यमातून करण्यात येणार असल्याची घोषणा केली. कोणावरही अन्याय न करता योग्य पुनर्वसनासह हे काम पुढील अडीच वर्षांत पूर्ण करण्याचा संकल्प त्यांनी व्यक्त केला. वाढती गर्दी लक्षात घेता या कॉरिडॉर प्रकल्पामुळे भाविकांना सुलभ दर्शन, नागरिकांचे पुनर्वसन आणि स्थानिक व्यावसायिकांना चालना मिळेल, असे त्यांनी स्पष्ट केले. यंदाच्या वारीत २५ किलोमीटरहून अधिक लांबीची दर्शनरांग लागली तरी वारकऱ्यांनी विठ्ठलनामाचा गजर करत अत्यंत शिस्तबद्ध पद्धतीने दर्शन घेतल्याचे नमूद करत मुख्यमंत्र्यांनी चंद्रभागा नदी स्वच्छ ठेवण्यासाठी विशेष उपाययोजना केल्याचे सांगितले. वारकऱ्यांची सेवा म्हणजेच विठुरायाची सेवा असल्याचे सांगत, राज्य सरकारने शेतकऱ्यांच्या हितासाठी ५६ लाख शेतकऱ्यांची कर्जमाफी, मोफत वीज आणि थकीत वीजबिले माफ करण्याचे निर्णय घेतले असून यातून ग्रामीण भागाला मोठा दिलासा मिळेल, असा विश्वास त्यांनी व्यक्त केला. महापूजेनंतर मुख्यमंत्री व अमृता फडणवीस यांच्या हस्ते मानाच्या वारकरी दाम्पत्याचा सत्कार करून त्यांना एसटी महामंडळाकडून वर्षभरासाठी मोफत प्रवास पास प्रदान करण्यात आला. यावेळी पाणी, स्वच्छता, पर्यावरण संवर्धन, प्लास्टिकमुक्त वारी आणि वृक्षसंवर्धनासाठी उल्लेखनीय कार्य करणाऱ्या दिंड्यांना ‘श्री विठ्ठल निर्मल दिंडी’ पुरस्कार वितरित करण्यात आले. यामध्ये कौंडण्यपूर येथील श्री विठ्ठल-रुक्मिणी संस्थानला प्रथम, जालन्याच्या वारकरी धर्मसंकीर्तन सेवा प्रतिष्ठानला द्वितीय आणि आळंदी देवाची येथील गोऱ्हेकर संस्थेला तृतीय पुरस्कार प्रदान करण्यात आला. या कार्यक्रमाला पालकमंत्री जयकुमार गोरे, जलसंपदा मंत्री गिरीश महाजन, कामगार मंत्री ॲड. आकाश फुंडकर, अमृता फडणवीस, आमदार समाधान आवताडे, राजेंद्र राऊत, सुरेश खाडे, बापूसाहेब पठारे, जिल्हाधिकारी एस. कार्तिकेयन आणि मंदिर समितीचे पदाधिकारी उपस्थित होते.

Kapil Katyare

Photographer नाशिक, नाशिक, महाराष्ट्र•

19 hrs ago

आषाढी शुद्ध एकादशीनिमित्त मुख्यमंत्री देवेंद्र फडणवीस यांनी पंढरपूर येथे सपत्नीक तसेच मानाचे वारकरी बाबासाहेब माधव माने व प्रभावती माने यांच्या समवेत श्री विठ्ठल-रुक्मिणीची शासकीय महापूजा केली. महापूजेनंतर झालेल्या सत्कार समारंभात बोलताना मुख्यमंत्र्यांनी पंढरपूर मंदिर परिसराचा विकास ‘पंढरपूर कॉरिडॉर’च्या माध्यमातून करण्यात येणार असल्याची घोषणा केली. कोणावरही अन्याय न करता योग्य पुनर्वसनासह हे काम पुढील अडीच वर्षांत पूर्ण करण्याचा संकल्प त्यांनी व्यक्त केला. वाढती गर्दी लक्षात घेता या कॉरिडॉर प्रकल्पामुळे भाविकांना सुलभ दर्शन, नागरिकांचे पुनर्वसन आणि स्थानिक व्यावसायिकांना चालना मिळेल, असे त्यांनी स्पष्ट केले. यंदाच्या वारीत २५ किलोमीटरहून अधिक लांबीची दर्शनरांग लागली तरी वारकऱ्यांनी विठ्ठलनामाचा गजर करत अत्यंत शिस्तबद्ध पद्धतीने दर्शन घेतल्याचे नमूद करत मुख्यमंत्र्यांनी चंद्रभागा नदी स्वच्छ ठेवण्यासाठी विशेष उपाययोजना केल्याचे सांगितले. वारकऱ्यांची सेवा म्हणजेच विठुरायाची सेवा असल्याचे सांगत, राज्य सरकारने शेतकऱ्यांच्या हितासाठी ५६ लाख शेतकऱ्यांची कर्जमाफी, मोफत वीज आणि थकीत वीजबिले माफ करण्याचे निर्णय घेतले असून यातून ग्रामीण भागाला मोठा दिलासा मिळेल, असा विश्वास त्यांनी व्यक्त केला. महापूजेनंतर मुख्यमंत्री व अमृता फडणवीस यांच्या हस्ते मानाच्या वारकरी दाम्पत्याचा सत्कार करून त्यांना एसटी महामंडळाकडून वर्षभरासाठी मोफत प्रवास पास प्रदान करण्यात आला. यावेळी पाणी, स्वच्छता, पर्यावरण संवर्धन, प्लास्टिकमुक्त वारी आणि वृक्षसंवर्धनासाठी उल्लेखनीय कार्य करणाऱ्या दिंड्यांना ‘श्री विठ्ठल निर्मल दिंडी’ पुरस्कार वितरित करण्यात आले. यामध्ये कौंडण्यपूर येथील श्री विठ्ठल-रुक्मिणी संस्थानला प्रथम, जालन्याच्या वारकरी धर्मसंकीर्तन सेवा प्रतिष्ठानला द्वितीय आणि आळंदी देवाची येथील गोऱ्हेकर संस्थेला तृतीय पुरस्कार प्रदान करण्यात आला. या कार्यक्रमाला पालकमंत्री जयकुमार गोरे, जलसंपदा मंत्री गिरीश महाजन, कामगार मंत्री ॲड. आकाश फुंडकर, अमृता फडणवीस, आमदार समाधान आवताडे, राजेंद्र राऊत, सुरेश खाडे, बापूसाहेब पठारे, जिल्हाधिकारी एस. कार्तिकेयन आणि मंदिर समितीचे पदाधिकारी उपस्थित होते.