आषाढी एकादशीचे औचित्य साधून प्रति-पंढरपूर मानल्या जाणाऱ्या कोटमगाव येथे दर्शनासाठी मार्गस्थ झालेल्या भाविक व वारकऱ्यांच्या दिंड्यांचे बाबुळगाव येथे भक्तिमय आणि उत्साही वातावरणात स्वागत करण्यात आले. दिंडी गावात दाखल होताच 'ज्ञानबा-तुकाराम' आणि 'विठ्ठल-रुक्मिणी'च्या जयघोषाने संपूर्ण परिसर दुमदुमून गेला. गेल्या दहा वर्षांपासून ही स्वागत व महाप्रसादाची परंपरा अविरतपणे जपली जात आहे. राज्याचे अन्न व नागरी पुरवठा मंत्री छगन भुजबळ, माजी खासदार समीर भुजबळ, दिलीप अण्णा खैरे आणि येवला कृषी उत्पन्न बाजार समितीचे माजी सभापती देविदास निकम यांच्या मार्गदर्शनाखाली या स्वागत सोहळ्याचे आणि फराळाच्या प्रसादाचे भव्य आयोजन करण्यात आले होते. देविदास निकम यांच्या हस्ते वारकऱ्यांचे स्वागत करण्यात आले, तसेच सर्व भाविकांसाठी फराळाची उत्तम सोय करण्यात आली होती. याप्रसंगी देविदास निकम म्हणाले की, "वारकऱ्यांची निष्काम सेवा करणे हीच खरी ईश्वरसेवा आहे. भुजबळ साहेबांच्या मार्गदर्शनाखाली गेल्या दहा वर्षांपासून हा उपक्रम राबवून भाविकांना सहकार्य करताना विशेष आनंद व आत्मिक समाधान लाभते." या उपक्रमामुळे तृप्त झालेल्या वारकऱ्यांनी आयोजकांना मनोभावे आशीर्वाद दिले. या सोहळ्यास रमेश गायकवाड, किशोर भाऊ नागरे, अंबादास जाधव, अशोक जाधव, शिवाजी वाबळे, विशाल बनसोडे, चेतन बनसोडे यांच्यासह बाबुळगाव परिसरातील ग्रामस्थ, नागरिक व कार्यकर्ते मोठ्या संख्येने उपस्थित होते.

Sachin Dilip Wakhare

Reporter येवला, नाशिक, महाराष्ट्र•

9 hrs ago

आषाढी एकादशीचे औचित्य साधून प्रति-पंढरपूर मानल्या जाणाऱ्या कोटमगाव येथे दर्शनासाठी मार्गस्थ झालेल्या भाविक व वारकऱ्यांच्या दिंड्यांचे बाबुळगाव येथे भक्तिमय आणि उत्साही वातावरणात स्वागत करण्यात आले. दिंडी गावात दाखल होताच 'ज्ञानबा-तुकाराम' आणि 'विठ्ठल-रुक्मिणी'च्या जयघोषाने संपूर्ण परिसर दुमदुमून गेला. गेल्या दहा वर्षांपासून ही स्वागत व महाप्रसादाची परंपरा अविरतपणे जपली जात आहे. राज्याचे अन्न व नागरी पुरवठा मंत्री छगन भुजबळ, माजी खासदार समीर भुजबळ, दिलीप अण्णा खैरे आणि येवला कृषी उत्पन्न बाजार समितीचे माजी सभापती देविदास निकम यांच्या मार्गदर्शनाखाली या स्वागत सोहळ्याचे आणि फराळाच्या प्रसादाचे भव्य आयोजन करण्यात आले होते. देविदास निकम यांच्या हस्ते वारकऱ्यांचे स्वागत करण्यात आले, तसेच सर्व भाविकांसाठी फराळाची उत्तम सोय करण्यात आली होती. याप्रसंगी देविदास निकम म्हणाले की, "वारकऱ्यांची निष्काम सेवा करणे हीच खरी ईश्वरसेवा आहे. भुजबळ साहेबांच्या मार्गदर्शनाखाली गेल्या दहा वर्षांपासून हा उपक्रम राबवून भाविकांना सहकार्य करताना विशेष आनंद व आत्मिक समाधान लाभते." या उपक्रमामुळे तृप्त झालेल्या वारकऱ्यांनी आयोजकांना मनोभावे आशीर्वाद दिले. या सोहळ्यास रमेश गायकवाड, किशोर भाऊ नागरे, अंबादास जाधव, अशोक जाधव, शिवाजी वाबळे, विशाल बनसोडे, चेतन बनसोडे यांच्यासह बाबुळगाव परिसरातील ग्रामस्थ, नागरिक व कार्यकर्ते मोठ्या संख्येने उपस्थित होते.