ତାଳଚେର ୱାର୍କିଂ ଜର୍ଣ୍ଣାଲିଷ୍ଟସ ଆସୋସିଏସନ୍ ପକ୍ଷରୁ ସ୍ୱତନ୍ତ୍ର ଉପକାରାଗାରରେ ଅନ୍ତେବାସୀଙ୍କୁ ରକ୍ଷାବନ୍ଧନ ସହିତ ମିଷ୍ଟାନ୍ନ ବଣ୍ଟନ ତାଳଚେର:- ରକ୍ଷାବନ୍ଧନ କେବଳ ଭାଇ-ଭଉଣୀଙ୍କ ମଧ୍ୟରେ ସ୍ନେହ ଓ ସମ୍ପର୍କର ପର୍ବ ନୁହେଁ, ଏହା ମାନବିକତା, ଭାଇଚାରା, ଆତ୍ମୀୟତା ଓ ପରସ୍ପର ସହଯୋଗର ଏକ ପବିତ୍ର ବାର୍ତ୍ତା ବହନ କରେ। ଏହି ମହତ୍‌ ଭାବନାକୁ ଆଧାର କରି ତାଳଚେର ୱାର୍କିଂ ଜର୍ଣ୍ଣାଲିଷ୍ଟସ ଆସୋସିଏସନ୍‌ (ଟିଡବ୍ଲ୍ୟୁଜେଏ) ପକ୍ଷରୁ ତାଳଚେର ସ୍ୱତନ୍ତ୍ର ଉପକାରାଗାରରେ ଦୀର୍ଘ ବର୍ଷ ହେଲା ଅନ୍ତେବାସୀମାନଙ୍କ ସହ ଏକ ନିଆରା ଢଙ୍ଗରେ ରକ୍ଷାବନ୍ଧନ ପର୍ବ ପାଳନ କରିଆସୁଛି l ଏହି କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏର ସଦସ୍ୟମାନେ ତାଳଚେର ସ୍ୱତନ୍ତ୍ର ଉପକାରାଗାରରେ ଥିବା ଅନ୍ତେବାସୀଙ୍କ ନିକଟକୁ ଯାଇ ସେମାନଙ୍କ ହାତରେ ରାକ୍ଷୀ ବାନ୍ଧିଥିଲେ। ଏହି ମୁହୂର୍ତ୍ତରେ କିଛି ସମୟ ପାଇଁ କାରାଗାରର ପରିବେଶ ଭାବବିହ୍ୱଳ ହୋଇଉଠିଥିଲା। ଅନ୍ତେବାସୀମାନେ ମଧ୍ୟ ଏହି ଆତ୍ମୀୟତା ଓ ସ୍ନେହପୂର୍ଣ୍ଣ ପ୍ରୟାସକୁ ସ୍ୱାଗତ କରିଥିଲେ l ରକ୍ଷାବନ୍ଧନ ଅବସରରେ ଅନ୍ତେବାସୀମାନଙ୍କୁ ମିଠା ବଣ୍ଟନ କରାଯାଇଥିଲା। ଏଥିସହିତ ସେମାନଙ୍କ ଦୈନନ୍ଦିନ ଆବଶ୍ୟକତାକୁ ଦୃଷ୍ଟିରେ ରଖି ଦେହଲଗା ସାବୁନ ମଧ୍ୟ ପ୍ରଦାନ କରାଯାଇଥିଲା। ଏହି ସାମାନ୍ୟ ସହଯୋଗ ଅନ୍ତେବାସୀଙ୍କ ମନରେ ଖୁସି ଓ ଆତ୍ମୀୟତାର ଭାବ ସୃଷ୍ଟି କରିଥିଲା। କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏର ସଦସ୍ୟମାନେ ଅନ୍ତେବାସୀଙ୍କ ସହ କିଛି ସମୟ ଆଲୋଚନା କରିଥିଲେ। ଜୀବନରେ ଘଟିଥିବା ଭୁଲ୍‌ରୁ ଶିକ୍ଷା ଗ୍ରହଣ କରି ନିଜକୁ ପରିବର୍ତ୍ତନ କରିବା ସହ ଆଗାମୀ ଦିନରେ ସମାଜର ମୁଖ୍ୟସ୍ରୋତକୁ ଫେରି ଏକ ନୂତନ ଜୀବନ ଆରମ୍ଭ କରିବାକୁ ସେମାନଙ୍କୁ ପ୍ରେରଣା ଦିଆଯାଇଥିଲା l ଏହି ଅବସରରେ ସଦସ୍ୟମାନେ କହିଥିଲେ ଯେ, ଜୀବନରେ ମଣିଷ ଅନେକ ସମୟରେ ପରିସ୍ଥିତିର ଶିକାର ହୋଇ ଭୁଲ୍‌ କରିଥାଏ। କିନ୍ତୁ ଭୁଲ୍‌ ପରେ ନିଜକୁ ସୁଧାରି ଭଲ ମଣିଷ ଭାବେ ସମାଜକୁ ଫେରିବା ହିଁ ଜୀବନର ପ୍ରକୃତ ସଫଳତା। କାରାଗାର ଜୀବନ ଏକ ଦଣ୍ଡ ହୋଇପାରେ, କିନ୍ତୁ ଏହା ଜୀବନର ଶେଷ ଅଧ୍ୟାୟ ନୁହେଁ। ଦୃଢ଼ ଇଚ୍ଛାଶକ୍ତି, ଭଲ ଚିନ୍ତା ଓ ସକାରାତ୍ମକ ମନୋଭାବ ଦ୍ୱାରା ପ୍ରତ୍ୟେକ ବ୍ୟକ୍ତି ନିଜ ଜୀବନକୁ ନୂଆ ଦିଗ ଦେଇପାରେ l ଅନ୍ତେବାସୀମାନଙ୍କୁ ନିଶା ଓ ଅପରାଧଠାରୁ ଦୂରେଇ ରହିବା, ପରିବାରର ମୂଲ୍ୟ ବୁଝିବା, ସମାଜ ପ୍ରତି ନିଜର ଦାୟିତ୍ୱ ପାଳନ କରିବା ଏବଂ ଆଗାମୀ ଦିନରେ ସୁସ୍ଥ ଓ ସୁନ୍ଦର ଜୀବନ ବିତାଇବା ପାଇଁ ବହୁ ସୁବିଚାର ଓ ପ୍ରେରଣାଦାୟକ ବାର୍ତ୍ତା ପ୍ରଦାନ କରାଯାଇଥିଲା। ଏହି ନିଆରା କାର୍ଯ୍ୟକ୍ରମରେ ସଂଘର ସମ୍ପାଦକ ସୌଭାଗ୍ୟ ଚନ୍ଦ୍ର ନାୟକ ସଭାପତିତ୍ବ କରିଥିବାବେଳେ ବରିଷ୍ଠ ସାମ୍ବାଦିକ ତଥା ଅନୁଷ୍ଠାନର ଉପଦେଷ୍ଠା ଧୀରମୋହନ ରାୟ ଅନ୍ତେବାସୀମାନଙ୍କ ଉଦ୍ଧେଶ୍ୟରେ ବହୁ ସକାରାତ୍ମକ ବାର୍ତ୍ତା ପ୍ରଦାନ କରିଥିଲେ। ଉପକାରାଗାରର ସହ ଅଧୀକ୍ଷକ ରସାନନ୍ଦ ବେହେରାଙ୍କ ସହଯୋଗରେ ଅନୁଷ୍ଠିତ କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏ ର ସଭାପତି ମଦନମୋହନ ସାହୁ, ସୟଦ ଜୁଲଫିକର ହୋସେନ, ସୌମେନ୍ଦ୍ର ସେନାପତି, ଅଜୟ କୁମାର ନାୟକ, ଦେବାଶିଷ ପରିଡା, ସ୍ବେଛାସେବୀ ସୌରାଭିନୀ ନାୟକ, ମନିଲ ମହାରଣା, ଶିକ୍ଷାବିତ ପ୍ରେମାନନ୍ଦ ମାଝୀ ପ୍ରମୁଖ ଉପସ୍ଥିତ ରହି ରକ୍ଷାବନ୍ଧନ କାର୍ଯ୍ୟକ୍ରମରେ ସହଯୋଗ କରିଥିଲେ l ଶେଷରେ ଉପକାରାଗାରର ସ୍ୱାସ୍ଥ୍ୟ ନିରୀକ୍ଷକ ଧୀରେନ୍ଦ୍ର କୁମାର ନନ୍ଦ ଏହି ସଚେତନତା କାର୍ଯ୍ୟକ୍ରମକୁ ପ୍ରଶଂସା କରିବା ସହିତ ଧନ୍ୟବାଦ ଅର୍ପଣ କରିଥିଲେ l

Priya Madhaba Das

Journalist ତାଳଚେର ସଦର, ଅନୁଗୁଳ, ଓଡ଼ିଶା•

3 hrs ago

ତାଳଚେର ୱାର୍କିଂ ଜର୍ଣ୍ଣାଲିଷ୍ଟସ ଆସୋସିଏସନ୍ ପକ୍ଷରୁ ସ୍ୱତନ୍ତ୍ର ଉପକାରାଗାରରେ ଅନ୍ତେବାସୀଙ୍କୁ ରକ୍ଷାବନ୍ଧନ ସହିତ ମିଷ୍ଟାନ୍ନ ବଣ୍ଟନ ତାଳଚେର:- ରକ୍ଷାବନ୍ଧନ କେବଳ ଭାଇ-ଭଉଣୀଙ୍କ ମଧ୍ୟରେ ସ୍ନେହ ଓ ସମ୍ପର୍କର ପର୍ବ ନୁହେଁ, ଏହା ମାନବିକତା, ଭାଇଚାରା, ଆତ୍ମୀୟତା ଓ ପରସ୍ପର ସହଯୋଗର ଏକ ପବିତ୍ର ବାର୍ତ୍ତା ବହନ କରେ। ଏହି ମହତ୍‌ ଭାବନାକୁ ଆଧାର କରି ତାଳଚେର ୱାର୍କିଂ ଜର୍ଣ୍ଣାଲିଷ୍ଟସ ଆସୋସିଏସନ୍‌ (ଟିଡବ୍ଲ୍ୟୁଜେଏ) ପକ୍ଷରୁ ତାଳଚେର ସ୍ୱତନ୍ତ୍ର ଉପକାରାଗାରରେ ଦୀର୍ଘ ବର୍ଷ ହେଲା ଅନ୍ତେବାସୀମାନଙ୍କ ସହ ଏକ ନିଆରା ଢଙ୍ଗରେ ରକ୍ଷାବନ୍ଧନ ପର୍ବ ପାଳନ କରିଆସୁଛି l ଏହି କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏର ସଦସ୍ୟମାନେ ତାଳଚେର ସ୍ୱତନ୍ତ୍ର ଉପକାରାଗାରରେ ଥିବା ଅନ୍ତେବାସୀଙ୍କ ନିକଟକୁ ଯାଇ ସେମାନଙ୍କ ହାତରେ ରାକ୍ଷୀ ବାନ୍ଧିଥିଲେ। ଏହି ମୁହୂର୍ତ୍ତରେ କିଛି ସମୟ ପାଇଁ କାରାଗାରର ପରିବେଶ ଭାବବିହ୍ୱଳ ହୋଇଉଠିଥିଲା। ଅନ୍ତେବାସୀମାନେ ମଧ୍ୟ ଏହି ଆତ୍ମୀୟତା ଓ ସ୍ନେହପୂର୍ଣ୍ଣ ପ୍ରୟାସକୁ ସ୍ୱାଗତ କରିଥିଲେ l ରକ୍ଷାବନ୍ଧନ ଅବସରରେ ଅନ୍ତେବାସୀମାନଙ୍କୁ ମିଠା ବଣ୍ଟନ କରାଯାଇଥିଲା। ଏଥିସହିତ ସେମାନଙ୍କ ଦୈନନ୍ଦିନ ଆବଶ୍ୟକତାକୁ ଦୃଷ୍ଟିରେ ରଖି ଦେହଲଗା ସାବୁନ ମଧ୍ୟ ପ୍ରଦାନ କରାଯାଇଥିଲା। ଏହି ସାମାନ୍ୟ ସହଯୋଗ ଅନ୍ତେବାସୀଙ୍କ ମନରେ ଖୁସି ଓ ଆତ୍ମୀୟତାର ଭାବ ସୃଷ୍ଟି କରିଥିଲା। କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏର ସଦସ୍ୟମାନେ ଅନ୍ତେବାସୀଙ୍କ ସହ କିଛି ସମୟ ଆଲୋଚନା କରିଥିଲେ। ଜୀବନରେ ଘଟିଥିବା ଭୁଲ୍‌ରୁ ଶିକ୍ଷା ଗ୍ରହଣ କରି ନିଜକୁ ପରିବର୍ତ୍ତନ କରିବା ସହ ଆଗାମୀ ଦିନରେ ସମାଜର ମୁଖ୍ୟସ୍ରୋତକୁ ଫେରି ଏକ ନୂତନ ଜୀବନ ଆରମ୍ଭ କରିବାକୁ ସେମାନଙ୍କୁ ପ୍ରେରଣା ଦିଆଯାଇଥିଲା l ଏହି ଅବସରରେ ସଦସ୍ୟମାନେ କହିଥିଲେ ଯେ, ଜୀବନରେ

ମଣିଷ ଅନେକ ସମୟରେ ପରିସ୍ଥିତିର ଶିକାର ହୋଇ ଭୁଲ୍‌ କରିଥାଏ। କିନ୍ତୁ ଭୁଲ୍‌ ପରେ ନିଜକୁ ସୁଧାରି ଭଲ ମଣିଷ ଭାବେ ସମାଜକୁ ଫେରିବା ହିଁ ଜୀବନର ପ୍ରକୃତ ସଫଳତା। କାରାଗାର ଜୀବନ ଏକ ଦଣ୍ଡ ହୋଇପାରେ, କିନ୍ତୁ ଏହା ଜୀବନର ଶେଷ ଅଧ୍ୟାୟ ନୁହେଁ। ଦୃଢ଼ ଇଚ୍ଛାଶକ୍ତି, ଭଲ ଚିନ୍ତା ଓ ସକାରାତ୍ମକ ମନୋଭାବ ଦ୍ୱାରା ପ୍ରତ୍ୟେକ ବ୍ୟକ୍ତି ନିଜ ଜୀବନକୁ ନୂଆ ଦିଗ ଦେଇପାରେ l ଅନ୍ତେବାସୀମାନଙ୍କୁ ନିଶା ଓ ଅପରାଧଠାରୁ ଦୂରେଇ ରହିବା, ପରିବାରର ମୂଲ୍ୟ ବୁଝିବା, ସମାଜ ପ୍ରତି ନିଜର ଦାୟିତ୍ୱ ପାଳନ କରିବା ଏବଂ ଆଗାମୀ ଦିନରେ ସୁସ୍ଥ ଓ ସୁନ୍ଦର ଜୀବନ ବିତାଇବା ପାଇଁ ବହୁ ସୁବିଚାର ଓ ପ୍ରେରଣାଦାୟକ ବାର୍ତ୍ତା ପ୍ରଦାନ କରାଯାଇଥିଲା। ଏହି ନିଆରା କାର୍ଯ୍ୟକ୍ରମରେ ସଂଘର ସମ୍ପାଦକ ସୌଭାଗ୍ୟ ଚନ୍ଦ୍ର ନାୟକ ସଭାପତିତ୍ବ କରିଥିବାବେଳେ ବରିଷ୍ଠ ସାମ୍ବାଦିକ ତଥା ଅନୁଷ୍ଠାନର ଉପଦେଷ୍ଠା ଧୀରମୋହନ ରାୟ ଅନ୍ତେବାସୀମାନଙ୍କ ଉଦ୍ଧେଶ୍ୟରେ ବହୁ ସକାରାତ୍ମକ ବାର୍ତ୍ତା ପ୍ରଦାନ କରିଥିଲେ। ଉପକାରାଗାରର ସହ ଅଧୀକ୍ଷକ ରସାନନ୍ଦ ବେହେରାଙ୍କ ସହଯୋଗରେ ଅନୁଷ୍ଠିତ କାର୍ଯ୍ୟକ୍ରମରେ ଟିଡବ୍ଲ୍ୟୁଜେଏ ର ସଭାପତି ମଦନମୋହନ ସାହୁ, ସୟଦ ଜୁଲଫିକର ହୋସେନ, ସୌମେନ୍ଦ୍ର ସେନାପତି, ଅଜୟ କୁମାର ନାୟକ, ଦେବାଶିଷ ପରିଡା, ସ୍ବେଛାସେବୀ ସୌରାଭିନୀ ନାୟକ, ମନିଲ ମହାରଣା, ଶିକ୍ଷାବିତ ପ୍ରେମାନନ୍ଦ ମାଝୀ ପ୍ରମୁଖ ଉପସ୍ଥିତ ରହି ରକ୍ଷାବନ୍ଧନ କାର୍ଯ୍ୟକ୍ରମରେ ସହଯୋଗ କରିଥିଲେ l ଶେଷରେ ଉପକାରାଗାରର ସ୍ୱାସ୍ଥ୍ୟ ନିରୀକ୍ଷକ ଧୀରେନ୍ଦ୍ର କୁମାର ନନ୍ଦ ଏହି ସଚେତନତା କାର୍ଯ୍ୟକ୍ରମକୁ ପ୍ରଶଂସା କରିବା ସହିତ ଧନ୍ୟବାଦ ଅର୍ପଣ କରିଥିଲେ l