सुमारे एक लाख लोकसंख्या असलेल्या आणि कर्नाटक सीमेवरील महत्त्वाचे शहर असलेल्या लातूर जिल्ह्यातील उदगीर येथे १०० खाटांचे स्वतंत्र स्त्री रुग्णालय नव्याने मंजूर करावे, अशी लेखी मागणी माजी मंत्री तथा आमदार संजय बनसोडे यांनी राज्याचे मुख्यमंत्री देवेंद्र फडणवीस यांच्याकडे केली आहे. आमदारांच्या या मागणीला मुख्यमंत्र्यांनी सकारात्मक प्रतिसाद दिला असून, याबाबत आवश्यक ती कार्यवाही करण्याचे निर्देश आरोग्य विभागाच्या संबंधित अधिकाऱ्यांना दिले आहेत. हे रुग्णालय कार्यान्वित झाल्यास उदगीर शहर आणि परिसरातील महिलांना दर्जेदार आणि विशेष आरोग्य सेवा स्थानिक पातळीवर उपलब्ध होणार आहेत. सध्या उदगीर येथे २०० खाटांचे सामान्य रुग्णालय कार्यरत असून, त्याची क्षमता ३०० खाटांपर्यंत वाढवण्याचा प्रस्ताव मुख्यमंत्र्यांच्या कार्यालयात सादर करण्यात आला आहे. या रुग्णालयात दररोज १५०० बाह्य रुग्ण सेवा घेतात आणि दरमहा सुमारे ४०० नैसर्गिक व सिझेरियन प्रसूती होतात. रुग्णसंख्येच्या तुलनेत सध्याची जागा अत्यंत अपुरी पडत आहे. उदगीर व जळकोट तालुक्यासह सीमावर्ती भागातील हजारो महिलांना स्त्रीरोग, प्रसूती आणि नवजात शिशू उपचारांसाठी सध्या लातूर, धाराशिव किंवा हैदराबाद येथे जावे लागते. यामुळे महिलांना वेळेचा, पैशाचा आणि मोठ्या गैरसोयीचा सामना करावा लागत आहे. प्रस्तावित स्त्री रुग्णालयामध्ये अत्याधुनिक प्रसूती कक्ष, सिझेरियन शस्त्रक्रिया सुविधा, नवजात शिशू अतिदक्षता विभाग (NICU), स्त्रीरोग शस्त्रक्रिया विभाग, सोनोग्राफी, रक्तपेढी, प्रयोगशाळा तसेच तज्ज्ञ डॉक्टर आणि प्रशिक्षित परिचारिका उपलब्ध असतील. आमदार संजय बनसोडे यांनी यापूर्वीही उदगीरमध्ये ट्रॉमा केअर सेंटर, ऑक्सिजन प्लांट, ओपीडी इमारत, २०० खाटांचे सामान्य रुग्णालय आणि अत्याधुनिक रुग्णवाहिका अशा विविध आरोग्य सुविधा उपलब्ध करून देण्यासाठी सातत्याने पाठपुरावा केला आहे. हे रुग्णालय उभारल्यास ग्रामीण भागातील माता-भगिनींना उपचारासाठी दूरवर जावे लागणार नाही आणि त्यांच्या आर्थिक खर्चात मोठी बचत होईल, असा विश्वास आमदार बनसोडे यांनी व्यक्त केला आहे.

Laxman Ugile

उदगीर, लातूर, महाराष्ट्र•

10 hrs ago

सुमारे एक लाख लोकसंख्या असलेल्या आणि कर्नाटक सीमेवरील महत्त्वाचे शहर असलेल्या लातूर जिल्ह्यातील उदगीर येथे १०० खाटांचे स्वतंत्र स्त्री रुग्णालय नव्याने मंजूर करावे, अशी लेखी मागणी माजी मंत्री तथा आमदार संजय बनसोडे यांनी राज्याचे मुख्यमंत्री देवेंद्र फडणवीस यांच्याकडे केली आहे. आमदारांच्या या मागणीला मुख्यमंत्र्यांनी सकारात्मक प्रतिसाद दिला असून, याबाबत आवश्यक ती कार्यवाही करण्याचे निर्देश आरोग्य विभागाच्या संबंधित अधिकाऱ्यांना दिले आहेत. हे रुग्णालय कार्यान्वित झाल्यास उदगीर शहर आणि परिसरातील महिलांना दर्जेदार आणि विशेष आरोग्य सेवा स्थानिक पातळीवर उपलब्ध होणार आहेत. सध्या उदगीर येथे २०० खाटांचे सामान्य रुग्णालय कार्यरत असून, त्याची क्षमता ३०० खाटांपर्यंत वाढवण्याचा प्रस्ताव मुख्यमंत्र्यांच्या कार्यालयात सादर करण्यात आला आहे. या रुग्णालयात दररोज १५०० बाह्य रुग्ण सेवा घेतात आणि दरमहा सुमारे ४०० नैसर्गिक व सिझेरियन प्रसूती होतात. रुग्णसंख्येच्या तुलनेत सध्याची जागा अत्यंत अपुरी पडत आहे. उदगीर व जळकोट तालुक्यासह सीमावर्ती भागातील हजारो महिलांना स्त्रीरोग, प्रसूती आणि नवजात शिशू उपचारांसाठी सध्या लातूर, धाराशिव किंवा हैदराबाद येथे जावे लागते. यामुळे महिलांना वेळेचा, पैशाचा आणि मोठ्या गैरसोयीचा सामना करावा लागत आहे. प्रस्तावित स्त्री रुग्णालयामध्ये अत्याधुनिक प्रसूती कक्ष, सिझेरियन शस्त्रक्रिया सुविधा, नवजात शिशू अतिदक्षता विभाग (NICU), स्त्रीरोग शस्त्रक्रिया विभाग, सोनोग्राफी, रक्तपेढी, प्रयोगशाळा तसेच तज्ज्ञ डॉक्टर आणि प्रशिक्षित परिचारिका उपलब्ध असतील. आमदार संजय बनसोडे यांनी यापूर्वीही उदगीरमध्ये ट्रॉमा केअर सेंटर, ऑक्सिजन प्लांट, ओपीडी इमारत, २०० खाटांचे सामान्य रुग्णालय आणि अत्याधुनिक रुग्णवाहिका अशा विविध आरोग्य सुविधा उपलब्ध करून देण्यासाठी सातत्याने पाठपुरावा केला आहे. हे रुग्णालय उभारल्यास ग्रामीण भागातील माता-भगिनींना उपचारासाठी दूरवर जावे लागणार नाही आणि त्यांच्या आर्थिक खर्चात मोठी बचत होईल, असा विश्वास आमदार बनसोडे यांनी व्यक्त केला आहे.